1 PETRUS 2:15 - JANJAI BLAU Lem Bahaso Jang Bebilai

¹⁵ Kerno Allah lok supayo ngen perbuatan-perbuatannu de baik udi temutup bibia tun de miling bodong.

1 PETRUS 2:15 ပူးပေါင်းရင်းမြစ်များ

MATIUS 25:2

Lemo neak antarone bodong ngen lemo neak antarone pacok.

MATIUS 7:26

Tapi tiep tun de temi'uk nadeakku yo ngen coa kimerjone, si serai ngen tun bodong de temgok umeak neak das benei.

ROMA 1:21

Sebab kunyau tobo'o kemnal Allah, tobo'o coa memuliakan Si sebagai Allah atau mucep syukur ngen Si. Sebelekne pekeran tobo'o jijai sio-sio ngen atei tobo'o de bodong jijai kelem.

GALATIA 3:1

Saudaro-saudaro tun-tun Galatia! Udi kebiak bodong! Api de sudo menghasut udi? Iso Yesus Kristus de senalib o bi uku jemlas ngen sejelas-jelasne ngen udi?

1 TESALONIKA 4:3

Dioba kelok Allah: supayo udi idup cuma utuk Si, sucai, me'uak kute plep kidek.

1 TESALONIKA 5:18

mucep syukurba lem kute hal, sebab do'oba de Allah kenlok kunei udi sebagai tun de idup jijai do ngen Kristus Yesus.

1 TIMOTIUS 1:13

Kunyau bel'o uku fitneak ngen semikso serto mino Si. Tapi Allah mengasihi uku, kerno pado waktau o uku ati pecayo, jijai uku coa namen jano de uku nea.

TITUS 2:8

Pakeiba kecek-kecek de bijaksana, de coa dapet mino tun, supayo lawen-lawennu jijai selek kerno coa ade hal-hal kidek de dapet tobo'o madeak tetang ite.

TITUS 3:3

Sebab bel'o ite suang kulo bodong, sesat ngen coa taat. Ite jijai hamba memecem nafsu ngen kelok; ite idup ngen niat-niat kidek ngen kidek atei, serto saling jengik.

1 PETRUS 2:12

Perbuatannu neak antaro tun de coa kemnal Tuhan harusba kembiak baik, sehinggo amen tobo'o fitneak udi sebagai tun jahat, tobo'o pulo harus ngakau perbuatannu de baik, sehinggo tobo'o bakea mujai Allah pado waktau Si teko.

1 PETRUS 3:16

Tapi neaba do'o ngen lemah lembut, hormat. Ngen lokba atei nuraninu sucai, supayo amen udi fitneak tun kerno udi idup ngen baik sebagai penotoa Kristus, mako tun de fitneak o bakea jijai selek suang.

1 PETRUS 3:17

Lebiak baik saro kerno menea baik – amen do'o adeba kelok Allah – kuneipado saro kerno menea de kidek.

1 PETRUS 4:2

Sebab o, lokba udi idup selanjutne neak dunio yo temurut kelok Allah, ngen iso temurut kelok manusio.

2 PETRUS 2:12

Tapi gu'au-gu'au o, luea biaso! Tobo'o awei benatang de laher utuk tenakep ngen nunuak bae. Tobo'o coa bepeker tapi cuma menea temurut naluri bae, sehinggo tobo'o semrang hal-hal de coa tobo'o ngertai ngen kecek-kecek hino. Sebab o, plep-plep tobo'o suang, tobo'o bakea benaso awei benatang-benatang buas.

YUDAS 1:10

Tapi tobo'o mino kute sesuaktau de coa tobo'o ngertai. Tobo'o serai awei benatang-benatang de coa temuan akea, de namen hal-hal ngen nalurine bae. Tapi justru hal-hal'oba de jijai sebab kehancuran tobo'o.