1 PETRUS 2:11 - JANJAI BLAU Lem Bahaso Jang Bebilai

¹¹ Saudaro-saudaro de tecito! Udi adeba tun asing ngen perantau neak dunio yo. Kerno o uku minoi nien supayo udi jibeak temotoa hawa nafsu manusio de bogoa perang melawen jiwo.

1 PETRUS 2:11 ပူးပေါင်းရင်းမြစ်များ

LUKAS 21:34

“Jagoba dirainu, jibeak sapei udi kembiak sibuk bepesta ngen mabuk menem, atau kembiak meker soal-soal idupnu, sehinggo udi coa siap ketiko bilai o teko ngen tetibo.

KISAH RASUL-RASUL 15:20

Tapi ite harus temulis su'et ngen tobo'o, supayo tobo'o meu'ak dirai kunei kembuk de sudo nelei ngen berhala-berhala, kunei percabulan, kunei daging benatang de matei ncit ngen kunei daleak.

KISAH RASUL-RASUL 15:29

Udi harus me'uak dirai kunei kembuk de senembeak ngen berhala, kunei daleak, kunei daging benatang de matei ncit ngen kunei percabulan. Amen udi jemago dirai teadep hal-hal yo, udi menea baik. Sapei piyoba, selamat.”

ROMA 12:1

Saudaro-saudaro, demi kemurahan Allah uku melei nasihat ngen udi, supayo udi melei awoknu sebagai persembahan de idup, de sucai, de berkenan ngen Allah: do'o adeba ibadahnu de sejati.

ROMA 7:23

tapi neak lem anggota-anggota awok ku uku kemliak hukum luyen de berjuang melawen hukum akal budiku ngen menea uku jijai tawanan hukum duso de ade neak lem anggota-anggota awokku.

ROMA 8:13

Sebab, amen udi idup temurut tabi'at manusio, udi bakea matei; tapi amen ngen Roh udi munuak plep-plep awoknu, udi bakea idup.

2 KORINTUS 5:20

Jijai, keme yo utusan-utusan Kristus, awei Allah melei nasihat ngen udi liwet keme; lem gen Kristus keme minoi ngen udi: Keleiba dirainu damoi nge Allah.

2 KORINTUS 6:1

Kerno keme kerjo besamo-samo Allah, mako keme minoi nien jibeakba udi coa dulai baikne atei Allah o.

2 KORINTUS 7:1

Saudaro-saudaroku terkasih, kerno ite uyo temuan janjai-janjai o, maroba ite semucai diraite kunei kute de jemijai ite kotor. Lokba ite saben ngen Allah, supayo ite dapet idup khusus utuk Si ngen sempurno.

GALATIA 5:24

Api bae de sudo jijai de Kristus Yesus temuan, si bi munuak plep manusione ngen kute hawo nafsu ngen kelokne.

EFESUS 2:19

Sebab o, udi iso igai termasuk tun asing atau tun luea. Udi uyo adeba samo-samo warga umat Allah. Udi adeba anggota-anggota keluargo Allah.

EFESUS 4:1

Sebab o, uku, tun de nasuk sel kerno Tuhan, melei nasihat ngen udi, supayo idupnu sesuoi ngen kedudukannu sebagoi tun de sudo nok Allah.

2 TIMOTIUS 2:22

Sebab o, Ne'uakba nafsu tun u'ai. Berusahoba utuk idup temurut kelok Allah, setia ngen ajaran-Ne ngen mengasihi sesamo, serto temuan atei de tenang. Idupba awei o besamo tobo'o de menggang minoi tulung ngen Tuhan, ngen atei de sucai.

IBRANI 11:13

Kute tun o tep beriman sapei matei. Tobo'o coa temimo hal-hal de jenanjai Allah, tapi cuma kemliak ngen semambutne kunei uak. Ngen o tobo'o madeak bahwo tobo'o cuma tun asing ngen peratau neak bumai yo.

IBRANI 6:9

Tapi Saudaro-saudaro de tercito, kunyau keme madeak awei o, tapi keme yakin tetang udi. Keme yakin bahwo udi bi temimo hal-hal de baik, adeba berkat-berkat de adeba bagian kunei keselamatannu.

YAKOBUS 4:1

Kunei ipe asalne kute selisiak ngen tekea neak antaro udi? Jano do'o asalne iso kunei kelok-kelok udi de terus bae perang neak lem dirainu utuk dapet kesenangan dunio!

1 PETRUS 1:1

Saudaro-saudaro umat pilihan Allah, de teseba neak ratau neak daera Pontus, Galatia, Kapadokia, Asia, ngen Bitinia! Uku, Petrus, rasul Yesus Kristus, maʼep semoga Allah melei berkat, sejahtera ngen udi berlimpah-limpah. Udi niliak jijai umat Allah sesuoi ngen rencano Allah Bapa. Roh Allah bi jemijai udi umat de sucai, khusus utuk Allah, supayo udi taat ngen Yesus Kristus, senucai ngen daleak-Ne.

1 PETRUS 1:17

Udi madeak Allah o Bapa pado waktau udi bedu'o ngen-Si. Nah, Allah do'oba de mukum api bae setimpal ngen perbuatan masing-masing. Sebab o selamo udi masiak ade neak dunio yo, lokba udi mengagungkan Allah lem idupnu.

1 PETRUS 4:12

Saudaro-saudaro de tecito! Udi uyo kembiak menderita kerno dong nujai. Tapi jibeakba meraso sele, seolah-olah ade sesuaktau de luea biaso tejijai ngenko.

1 PETRUS 4:2

Sebab o, lokba udi idup selanjutne neak dunio yo temurut kelok Allah, ngen iso temurut kelok manusio.

2 PETRUS 3:1

Saudaro-saudaro de tecito! Dioba su'et uku de keduai, de uku temulis ngen udi. Neak lem keduai su'et yo, uku berusaho midup igai pekeran-pekeran de sucai ngen udi.