1 PETRUS 2:1 - JANJAI BLAU Lem Bahaso Jang Bebilai

¹ Kerno o, nuangba kunei dirainu kute de jahat; jibeak igai mike, jibeak pura-pura. Jibeak iri atei, jibeak mino tun luyen.

1 PETRUS 2:1 ပူးပေါင်းရင်းမြစ်များ

MATIUS 15:7

Udi tun munafik! Beneaba Yesaya semapei pesen kunei Allah tentang udi, dioba,

MATIUS 23:28

Udi kulo awei'o, kunei luea udi ketenne baik ngen tun, tapi peak lem, udi penuak ngen munafik ngen duso-duso.”

MATIUS 24:51

Mako pelayan-pelayan'o bakea mipai ngen tuanne, kunei tuanne, moi penan tun-tun munafik. Tobo'o bakea ngindoi ngen derito neak di.”

MATIUS 7:5

Hoi tun munafik! Kemlueaba kileak kieu kunei matainu dewek, mako ko bakea kemliak ngen jelas, ngen dapet utuk kemluea debu kieu kunei matai pasuaknu.

MARKUS 12:15

Tapi Yesus namen tobo'o munafik, lajau madeak ngen tobo'o getai udi cemubo Uku? “Mbin ba miyo do dinar supayo Uku kemliak!”

LUKAS 11:44

Celakoba udi, sebab udi serai awei kubua de coa makei tando nisan; tun-tun de paneu neak dasne, coa namen.”

LUKAS 12:1

Beribau tun dedesok sapei ade de tekelat kekeane. Sementaro tun-tun o belungguk, Yesus madeak ngen penotoa-penotoa-Ne, “Atei-ateiba te'adep agai tun Farisi, maksud-Ku, tobo'o munafik.

LUKAS 6:42

Awei ipe udi dapet madeak ngen pasuaknu, ‘Maro, pasuak, uku kemluea kiyeu tatea o kunei matainu o,’ tapi lem matainu suang ade balok de coa udi keten? Hoi munafik! Kelueaba kilea balok de ade pado matainu suang. Baruba udi dapet kemliak ngen jelas ngen dapet kemluea tatea kiyeu kunei matai pasuaknu.”

YOHANES 1:47

Yesus kemliak Natanael teko ngen Si, lajau madeak tetang Si, “Keliak, dioba suang tun Israel sejati; coa ade kepalsuan lemne!”

ROMA 1:29

Atei tobo'o penuak ngen kute de kidek, serakah, kidek atei, munuak, belago, ngike dendem. Tobo'o galok madeak tun luyen,

1 KORINTUS 14:20

Saudaro-saudaro! Jibeakba meker awei anok titik. Lem hal-hal kejahatan, lokba udi tep awei anok titik. Tapi lem pekeran, lokba udi jijai tun lai.

1 KORINTUS 5:8

Jijai, maro ite mene pesta ite o ngen ruti de coa ade agai, adeba ruti de taine kemurnian ngen kute bekenan neak atei Allah. Jibeak ite menea pesta paskah o ngen ruti de ade agai de an, adeba agai duso ngen kejahatan.

2 KORINTUS 12:20

Uku khawatir bahwo pado waktau uku mulau udi be, uku kemliak udi coa awei jano de uku lok, ngen udi kulo bakea kemliak uku coa awei de udi lok. Jibeak sapei be ade de tekea, iri atei, panes atei, mementingkan dirai suang, fitneak, majung, ombong ngen kemacau.

EFESUS 4:31

Nuangba kute perasaan gis atei, garang mengiak, gu'ok ngen fitneak, awei o kulo kute kejahatan.

1 TESALONIKA 2:3

Nasehat keme ngen udi iso kunei kekeliruan; atau kunei maksud de coa benea atau utuk mike.

1 TIMOTIUS 3:11

Ngenyan-ngenyan tobo'o lokba tun terhormat, harusba kulo tun baik, iso tun de galok fitneak. Tobo'o harus temaen dirai ngen jujur lem kute hal.

TITUS 2:3

Awei o kulo lokba ko nasehat selawei-selawei de tu'ai supayo plep tobo'o sesuoi ngen jano de patut bagiak tun de idup kusus bagiak Allah. Tobo'o coa buliak fitneak tun luyen, coa buliak bogoa mabuk. Tobo'o harus majea hal-hal de baik,

IBRANI 12:1

Nah, tetang ite suang, neak skliling te ade dau sekilai saksai! Sebab o, maroba ite muang kute de jijai beban ite ngen duso de terus melket ngen ite. Maroba ite ngen tekun temotoa perlombaan de ade neak adep te.

YAKOBUS 1:21

Sebab o, nuangba tiep kebiasaan de coa baik ngen kidek. Temimoba ngen rendeak atei firman de nea Allah neak lem ateinu, sebab firman o temuan kekuatan utuk semlamat udi.

YAKOBUS 3:14

Tapi amen udi nyebuau, gis atei ngen meker dirai su'ang, jibeakba ombong ngen kebijaksanaan o, kerno ngen o udi ngike melawen kebenaran kunei Allah.

YAKOBUS 4:11

Saudaro-saudaro jibeakba saling mino atau saling semaleak. Tun de mino atau semaleak saudarone de samo-samo Kristen, si mino ngen semaleak hukum Allah. Ngen amen udi semaleak hukum Allah, do'o taine udi coa temotoa hukum-hukum o, meluyen jijai hakimne.

YAKOBUS 4:5

Jibeak sako bahwo Kiteb Sucai coa ade alasan madeak, “Neak lem dirai ite Allah mpek Roh de kembiak kuet.”

YAKOBUS 5:9

Jibeakba gerunyam ngen saling nyaleak, supayo udi coa hukum Allah. Inget! Hakim bi pa'ok, siap utuk teko.

1 PETRUS 2:16

Lokba udi idup sebagai tun bebas, tapi jibeakba makei kebebasannu o utuk temutup kejahatan, meluyen idupba sebagai hamba Allah.

1 PETRUS 2:22

Si coa perneak menea duso, ngen coa perneak su'ang tun kulo temi'uk Si mike.

1 PETRUS 3:10

Neak lem Kiteb Sucai tetulis awei yo, “Tun de lok menikmati idup ngen lok midep bilai-bilai de baik, harus jemago bibiane supayo coa madeak hal-hal de kidek ngen coa madeak hal-hal de coa benea.

1 PETRUS 4:2

Sebab o, lokba udi idup selanjutne neak dunio yo temurut kelok Allah, ngen iso temurut kelok manusio.

1 PETRUS 4:4

Uyo tun de coa kemnal Tuhan, heran bahwo udi coa milem idup awei'o tobo'o, menikmati duso ngen coa ade batas. Do'oba sebabne tobo'o mino udi.

WAHYU 14:5

Coa perneak tobo'o mengike; ngen coa ade cacet ngen tobo'o.