1 PETRUS 1:8 - JANJAI BLAU Lem Bahaso Jang Bebilai

⁸ Udi mengasihi-Ne, kunyau bel'o udi coa kemliak-Ne. Udi pecayo ngen Si kunyau uyo udi coa kemliak-Ne. Do'o sebabne udi riang, meding riang de agung ngen coa nam madeakne.

1 PETRUS 1:8 ပူးပေါင်းရင်းမြစ်များ

MATIUS 10:37

Tun de kemasiak bak atau makne lebiak kunei Uku, coa patut jijai penotoa-Ku. Awei'o kulo tun de kemasiak anokne semanei atau selawei lebiak kunei Uku.

YOHANES 14:15

“Amen udi kemasiak Uku, udi bakea temotoa kute periteak-Ku.

YOHANES 14:21

Api bae de megong periteak-Ku ngen kemerjone, siba de kemasiak Uku! Api bae de kemasiak Uku, si bakea kenasiak Bak-Ku ngen Uku kulo bakea kemasiak si ngen bakea melei namen dirai-Ku ngen si.”

YOHANES 14:24

Api bae de coa mengasiak Uku, si coa temotoa firman-Ku. Firman de udi temi'uk iso kunei Uku, tapi kunei Bak de mutus Uku.

YOHANES 16:22

Awei'o kulo udi uyo payeak atei, tapi Uku bakea kemliak udi igai ngen ateinu bakea riang, coa ade suang kulo de dapet mbut keriang nu'o kunei udi.

YOHANES 20:29

Nadeak Yesus ngen si, “Kerno ko bi kemliak Uku, mako ko pecayo. Bahagiaba tobo'o de coa kemliak, tapi pecayo!”

YOHANES 8:42

Nadeak Yesus ngen tobo'o, “Amen Allah adeba Baknu, udi bakea kemasiak Uku. Sebab Uku teko kunei Allah ngen uyo uku ade neak yo. Uku coa teko ngen kelok-Ku suang, tapi Siba mutus Uku.

KISAH RASUL-RASUL 16:34

Lajau si mbin tobo'o moi umeak ne, melei kembuk ngen tobo'o. Si kembiak riang bahwo si ngen kute isai umeakne bi jijai pecayo ngen Allah.

ROMA 14:17

Sebab amen Allah meriteak su'ang tun, jano de si buliak mbuk atau menem, coa peting igai. De peting adeba bahwo tun o temotoa kelok Allah, meding atei tenang ngen temimo sukocito de nelei Roh Allah.

ROMA 15:13

Allah adeba penan udi ma'ep. Semoga Si menea ateinu ngen kute sukocito ngen sejahtera kerno udi pecayo ngen Si, supayo ngen kuaso Roh Allah udi tambeak ma'ep ngen Allah.

1 KORINTUS 16:22

Tun de coa kemasiak Tuhan, kunyauba si tekutuk! Maranatha – Tuhan keme, tekoba!

2 KORINTUS 1:22

Utuk o Allah sudo menea ite jijai de Allah temuan ngen melei Roh-Ne neak lem ateite sebagoi jaminan bahwo Si bakea melei ngen ite kute de jenanjai-Ne.

2 KORINTUS 12:4

seketiko'o si naket moi Firdaus ngen si temi'uk kecek-kecek de coa nadeak, de coa buliak nucep manusio.

2 KORINTUS 4:18

Sebab keme coa kemliak hal-hal de keten, meluyen de coa keten, kerno de keten adeba sementaro, tapi de coa keten adeba kekal.

2 KORINTUS 5:7

Sebab keme idup das dasar pecayo ngen Kristus, iso das dasar jano de dapet kenliak.

2 KORINTUS 9:15

Lokba ite bersyukur ngen Allah das pelei-Ne de luea biaso o.

GALATIA 5:22

Sebelekne, amen tun-tun nipin Roh Allah, aseane adeba: Tobo'o samo-samo mengasihi, riang, atei tenang, sabar ngen baik budi, baik te'adep tun luyen, setia,

GALATIA 5:6

Sebab bagiak tun-tun de ade neak lem Kristus Yesus hal sunat coa temuan tai, cuma imen de bekerjo ngen kasih.

EFESUS 3:19

de ngen akea manusio coa dapet naham nien. Semoga udi namen kasiak Kristus o, sehinggo udi penuak ngen kepribadian Allah de sempurno.

EFESUS 6:24

Angerah Allah semerto kute tun, de mengasihi Tuhante Yesus Kristus ngen kasih de coa benaso. Hormat keme, Paulus

FILIFI 1:25

Uku yakin tetang hal o. Do'o sebabne uku namen uku bakea tep tinggea ngen Saudaro kutene, supayo dapet temulung udi jijai tambeak kuet ngen tambeak senang lem pecayo ngen Tuhan.

FILIFI 3:3

Padahal iteba tun-tun de sudo temimo sunat de sejati, iso tobo'o. Ite sembeak Allah ngen bimbingan Roh Allah suang, ngen ite bersyukur kerno ite idup jijai do ngen Kristus Yesus. Ite coa begatung ngen upacara-upacara de sifetne laher.

FILIFI 4:4

Semoga udi bogoa riang kerno bi idup jijai do ngen Tuhan. Debat igai uku madeak: beriangba!

IBRANI 11:1

Berimen taine yakin sungguak-sungguak ngen hal-hal de na'ep, taine temuan kepastian ngen hal-hal de coa kenliak.

IBRANI 11:27

Kerno berimen, mako Musa teminggea Mesir ngen coa saben teadep Rajo mengiak. Musa temujau tujuanne seolah-olah si coa kemliak Allah de coa keten o.

1 PETRUS 1:6

Kerno o lokba udi riang atei, kunyau uyo utuk sementaro waktau udi harus jijai ibo kerno udi meding memecem cobaan.

1 PETRUS 2:7

Butau o kembiak bego utuk udi de pecayo. Tapi utuk tun-tun de coa pecayo, ade ayat-ayat Kiteb Sucai awei yo, “Butau de coa nakei ngen tukang-tukang bangunan o ternyato jijai butau de utamo,”

1 PETRUS 5:4

Pado waktau Gembala Agung o teko konyo, udi bakea temimo mahkota de gemilang, de coa bakea pudea kegemilanganne.