1 PETRUS 1:7 - JANJAI BLAU Lem Bahaso Jang Bebilai

⁷ Tujuanne adeba utuk melei bukti jano udi sungguak-sungguak pecayo ngen Tuhan jano coa. Mas de dapet usak kulo, ntes ngen opoi. Nah, imen udi adeba lebiak bego kunei mas, jijai harus ntes kulo supayo jijai murni. Ngen awei o udi bakea nujai ngen hormat serto nelkat pado bilai Yesus Kristus teko igai.

1 PETRUS 1:7 ပူးပေါင်းရင်းမြစ်များ

MATIUS 19:28

Yesus madeak ngen tobo'o, “Pecayoba: Neak dunio de Belau, Anok Manusio bakea temot neak das kersaine de mulio utuk meriteak. Pado waktau'o udi de penotoa-penotoa-Ku bakea temot neak das keduai belas kersai penan Uku meriteak ngen makim keduai belas sukau bangso Israel!

MATIUS 25:21

‘Baes,’ nadeak tuan'o, ‘Ko adeba pelayan de baik ngen setia. Kerno ko dapet Uku pecayo ngen de didik, uku bakea pecayo dedau ngen ko. Masukba milem beriang-riang ngen uku!’

MATIUS 25:23

‘Baes,’ nadeak tuan'o, ‘Ko pelayan de baik ngen setia. Kerno ko dapet uku pecayo ngen de didik, uku bakea pecayo dedau ngenko. Masukba ngen milem beriang-riang ngen uku!’

LUKAS 12:33

Jenuoba kute hoknu ngen neleiba sedekeak! Meneaba bagiaknu dupet de coa dapet jijai tuai, do hok neak surgo de coa bakea abis, de coa dapet risau mokne ngen coa usak nembuk get.

LUKAS 17:30

Awei'oba halne keadaan pado bilai konyo, neak ipe Anok Manusio kemten dirai-Ne.

YOHANES 12:26

Api bae de mlayan Uku, si arus temotoa Uku, neak ipe Uku ade, neak di kulo pelayan-Ku ade. Api bae de mlayan Uku, si bakeane harmot Bak-Ku.

YOHANES 5:44

Awei ipe koi dapet pecayo, amen udi de temimo hormat suang tun kunei de luyen, ngen coa mesoa hormat de teko kunei Allah de Esa?

KISAH RASUL-RASUL 8:20

Tapi Petrus jemawab, “Celakoba ko ngen cacinu! Ko kiro pelei Allah dapet nukua ngen caci?

ROMA 2:10

tapi kemuliaan, kehormatan ngen damoi sejahtera bakea dapet kute tun de menea baik, pertamo-tamo tun-tun Yahudi ngen kulo iso Yahudi.

ROMA 2:29

Tapi tun Yahudi sejati adeba tun de ateine berjiwa Yahudi, ngen sunat adeba sunat neak lem atei, seca'o rohani, iso de tetulis neak lem bukau. Tun de awei o temimo pujian kunei Allah, iso kunei manusio.

ROMA 2:7

Allah melei idup kekal ngen tobo'o de taat menea de baik, mesoa kemuliaan, kehormatan ngen de kekal.

ROMA 8:19

Sebab ngen kembiak indau kute makhluk mbot waktaune anok-anok Allah kenten.

1 KORINTUS 3:13

Kerjo tiep tun bakea keten be pado waktau Kristus teko igai. Sebab pado bilai o opoi bakea menea kerjo tiep-tiep tun bakea keten. Opoi bakea melei bukti baik coane kerjo o.

1 KORINTUS 4:5

Kerno o, jibeakba mukum ayok waktaune, mbotba sapei Tuhan teko be. Allahba de bakea mukok kute resio-resio de coa keten lem kegelapan. Allahba de bakea mukok kute niat de tependam lem atei manusio. Pado waktau o baruba tiep tun temimo kunei Allah de patas tenimone.

YAKOBUS 1:12

Riangba tun de sabar pado waktau si cenubo. Sebab sesudo si berasea taen lem cobaan o, si bakea temimo upeakne, adeba idup de sudo jenanjai Allah ngen tun-tun de cito ngen Allah.

1 PETRUS 1:13

Sebab o lokba udi siap. Teateiba ngen maʼepba sepenuakne pado berkat de bakea nelei ngen udi pado waktau Yesus Kristus teko igai.

1 PETRUS 1:5

Kutene o adeba utuknu, kerno udi pecayo ngen Allah. Mako udi jenago ngen kuaso Allah supayo udi temimo keselamatan de siap dinyatakan pado akhir zaman.

1 PETRUS 2:4

Kerno o, tekoba ngen Tuhan. Si awei butau de idup, butau de nuang manusio kerno nanggap coa beguno; tapi de niliak Allah sebagai butau de bego.

1 PETRUS 2:7

Butau o kembiak bego utuk udi de pecayo. Tapi utuk tun-tun de coa pecayo, ade ayat-ayat Kiteb Sucai awei yo, “Butau de coa nakei ngen tukang-tukang bangunan o ternyato jijai butau de utamo,”

1 PETRUS 4:12

Saudaro-saudaro de tecito! Udi uyo kembiak menderita kerno dong nujai. Tapi jibeakba meraso sele, seolah-olah ade sesuaktau de luea biaso tejijai ngenko.

1 PETRUS 4:13

Malah, lokba udi meraso senang kerno milau menderita besamo-samo ngen Kristus. Mako konyo amen keagungan Kristus kenten, udi bakea bersukacita.

1 PETRUS 5:1

Uku minoi perhatian tobo pemipin jemaatnu. Uku temulis dio sebagai rekan pemipin ngen sebagai tun de sudo kemliak suang penderitaan Kristus, ngen de bakea milau kulo diagungkan, amen keagungan Kristus kenten ngen manusio. Uku minoi ngen kembiak.

2 PETRUS 1:1

Saudaro-saudaro de sungguak-sungguak pecayo awei keme! Yesus Kristus, adeba Allah ngen Rajo Penyelamat ite. Menea ite pecayo ngen-Si, Si menea de benea. Su'et yo kunei Simon Petrus suang hamba ngen rasul Yesus Kristus.

2 PETRUS 1:4

Ngen ca'o do'oba Allah melei anugerah ngen ite berkat-berkat de kembiak luea biaso ngen bego de sudo jenanjai-Ne. Ngen berkat-berkat o udi dapet mbebas udi kunei kelok-kelok kidek de musak neak dunio yo, ngen udi temimo sifet ilahi.

2 PETRUS 3:14

Sebab o, saudaro-saudaro de tecito, sementaro udi mbot kutene o, berusahoba sungguak-sungguak utuk idup sucai ngen coa ade cacet neak adep Allah, neaba hubungan de baik ngen Allah.

YUDAS 1:24

Allah, de sanggup jemago supayo udi coa us, ngen de sanggup mbinnu moi hadirat-Ne de mulio ngen sukocito ngen coa ade cacet,

WAHYU 1:7

Keliak, si teko ngen embun-embun! Kute tun bakea kemliak Si, termasuk kulo tobo'o de sudo temikem-Ne. Kute bangso neak bumai bakea ibo kerno Si. Au, paset! Amin!

WAHYU 2:10

Jibeakba saben te'adep penderitaan de coa an igai harus udi meding. Tinget, Iblis bakea embin kekedau kunei udi masuk lem sel utuk cemubo udi. Udi bakea saro puluak bilai an ne. Lokba udi setia ngen Uku sapei matei, mako Uku bakea melei ngen udi idup sejati ngen kekal sebagai hadiah kemenangan.

WAHYU 3:10

Kerno udi bi kemerjo periteak-Ku supayo tekun, Uku kulo bakea jemago udi kunei bilai pencobaan de bakea teko moi kute dunio. Hal o bakea tejijai utuk cemubo kute tun neak bumai.

WAHYU 3:18

Sebab o Uku melei nasihat udi supayo temukua kunei pado-Ku mas, adeba mas de murni, supayo udi jijai kayo. Nukuaba kulo keracok putiak kunei pado-Ku supayo udi makei keracok ngen temutup awok udi de beleseng ngen nyelek. Ngen mukuaba kulo ubet utuk nusep neak matainu supayo udi dapet ngeliak.