1 PETRUS 1:4 - JANJAI BLAU Lem Bahaso Jang Bebilai

⁴ Ite maʼep utuk temuan berkat-berkat de seniap Allah utuk umat-Ne, adeba berkat-berkat de naik-Ne neak surgo, sehinggo coa dapet usak, jijai usuk atau luntur.

1 PETRUS 1:4 ပူးပေါင်းရင်းမြစ်များ

MATIUS 25:34

Sudo'o Rajo'o bakea madeak ngen tobo'o neak depeak kanen-Ne, ‘Maro, udi de melei rahmat ngen Bak-Ku. Masukba neak lem Kerajaan de bi sendio bagiaknu, sejok dunio jenijai.

MARKUS 10:17

Pado waktau Yesus temrus pemaneu-Ne, tekoba suang tun ngacap magea Yesus ngen samo sujud neak adep-Ne si betanye, “Gu'au de baik, jano de harus Uku menea utuk dapet idup de kekal?”

KISAH RASUL-RASUL 20:32

Uyo uku semreak udi ngen Allah kunyau Si de miaro udi, kunyau udi bepegong pado bito anugrah Allah. Allah temuan kuaso utuk kemuet udi, melei ngen ko berkat-berkat de sudo sendio-Ne utuk kute umat-Ne.

KISAH RASUL-RASUL 26:18

utuk mukok matai tobo'o, supayo tobo'o kelua kunei kegelapan ngen masuk moi lem te'ang, supayo tobo'o lepas kunei kuaso Iblis lajau kenuaso Allah, supayo tun de pecayo ngen-Ku duso-duso tobo'o bakea napun ngen tobo'o bakea jijai tun-tun de senucai.’ ”

ROMA 8:17

Ngen amen ite adeba anok, mako ite kulo adeba ahli waris, maksudne tun-tun de temuan hok temimo janjai-janjai Allah, de bakea temimone besamo-samo ngen Kristus, adeba amen ite saro besamo-samo ngen Si, supayo ite kulo jijai mulio besamo-samo ngen Si.

1 KORINTUS 9:25

Tiep tun de gidong latihan, tema'en dirai lem kute hal. Si menea o kerno si lok dapet hadiah. Hadiah o coa taen an. Tapi ite yo temaen dirai lem kute hal kerno ite lok hadiah de taen an.

GALATIA 3:18

Sebab, jano de tentau Allah asalne kunei hukum agamo, do'o coa igai asalne kunei janjai; tapi justru das dasar janjaiba Allah bi melei anugerah-Ne ngen Abraham.

EFESUS 1:11

Uku madeak “neak lem Kristus”, kerno neak lem Siba keme nelei warisan – ite de kunei semulo bi niliak-Ne sesuoi ngen maksud Allah, de kemerjo kute sesuaktau temurut keputusan kelok-Ne –

EFESUS 1:14

Roh Sucai o ba jaminan bahwo ite bakea temimo jano de sudo jenanjai Allah ngen umat-Ne. Dio melei keyakinan ngen ite bahwo Allah bakea mbebas umat-Ne. Tepujaiba Allah kerno keagungan-Ne.

EFESUS 1:18

Uku minoi supayo Allah mukok pekerannu sehinggo jijai te'ang: supayo udi ngertai jano de udi ma'ep kunei Allah de menok udi. Kulo supayo udi namen kebiak dau berkat-berkat de baik de seniap Allah utuk umat-Ne;

KOLOSE 1:12

ngen mucep syukur ngen sukocito ngen Bapa. Sebab Bapa do'oba de menea udi patas temimo jano de seniap Allah utuk umat-Ne neak lem kerajaan-Ne de te'ang.

KOLOSE 1:5

Udi pecayo ngen udi mengasihi, sebab udi ma'ep ngen jano de seniap Allah neak surgo. Udi bi temi'uk hal o, ketiko Bito Baik de benea senapai ngen udi.

KOLOSE 3:24

Tingetba bahwo udi bakea temimo upeak kunei Tuhan. Jano de seniap Tuhan utuk anok-Ne, do'oba de bakea nelei ngen udi. Kristus adeba tuannu ngen udi hamba-Ne.

2 TIMOTIUS 4:8

Uyo bi seniap utuk uku kemenangan. Pado Bilai Kiamat, Tuhan, Hakim de adea o bakea semreak hadiah o ngen uku, kerno uku idup baik ngen Allah. Ngen iso uku bae de bakea temimo hadiah o, tapi kulo tun de kembiak indau mbot tekone Tuhan.

IBRANI 10:34

ngen udi meding ibo tun de neak lem sel. Ketiko kute de udi temuan mok tun, udi temimo o ngen riang atei, sebab udi namen bahwo udi masiak temuan suaktau de lebiak baik, de bakea taen sekeanne.

IBRANI 9:15

Do'oba sebabne Kristus jijai Pengantara utuk suaktau janjai de blau, supayo tun de sudo nok Allah dapet temimo berkat-berkat kekal de sudo jenanjai Allah. Kutene o dapet tejijai kerno bi ade de matei, adeba Kristus; ngen mateine Kristus o mbebas tun kunei saleak-saleak de tobo'o nea waktau janjai de pertamo masiak berlaku.

YAKOBUS 1:11

Pado waktau matai bilai terbit ngen panesne tenget, mako dukut o bakea jijai leu sehinggo guguaba bunggaine ngen nyepba kulo kebaesne. Awei'oba kulo ngen tun de kayo; si bakea ajua pado waktau si gidong maneu usahone.

1 PETRUS 3:9

Jibeakba males kejahatan ngen kejahatan, atau caci maki ngen caci maki; sebelekne malesba ngen minoi berkat kunei Allah. Sebab Allah menok udi justru supayo udi temimo berkat kunei Allah.

1 PETRUS 5:4

Pado waktau Gembala Agung o teko konyo, udi bakea temimo mahkota de gemilang, de coa bakea pudea kegemilanganne.

WAHYU 21:27

Tapi tun de menea hal-hal de najis, atau tun de ngike – pokokne jano de najis, coa bakea masuk moi lemne. De bakea masuk cuma tun de genne tetulis lem Bukau Tun Idup, bukau Anok Bebirai o.