1 PETRUS 1:20 - JANJAI BLAU Lem Bahaso Jang Bebilai

²⁰ Kristus niliak Allah ayok dunio jenijai. Tapi kerno udi, Si tembei madeak dirai-Ne pado akhir zaman. Si teko moi dunio supayo udi senlamat.

1 PETRUS 1:20 ပူးပေါင်းရင်းမြစ်များ

EFESUS 1:4

Ayok dunio yo jenijai, Allah bi miliak ite liwet Kristus ngen maksud supayo ite sucai ngen coa cacet neak adep-Ne.

IBRANI 9:26

Sebab amen awei o, do'o taine Si bi cet saro sejok dunio yo ade. Tapi nyatone, uyo pado zaman akhir yo, Si teko debat bae utuk mapus duso ngen melei dirai-Ne suang.

WAHYU 13:8

Benatang o bakea senbeak kute tun de idup neak dunio, kecuali tun-tun de genne bi terdaftar ayok dunio ade, neak lem bukau tun idup milik Anok Bebirai de sudo sembeliak.

IBRANI 1:2

Tapi pado zaman akhir yo Si miling ngen ite liwet Anok-Ne. Liwet Anok-Ne dioba Allah jemijai alam semesta. Allah sudo temtau bahwo Anok-Ne ba kulo de berhok temuan kutene yo.

KOLOSE 1:26

Bito o adeba bito de selamo berabad-abad de bel'o coa Allah melei namen ngen kute tun, tapi uyo kenten-Ne ngen umat-Ne.

EFESUS 3:11

Allah menea o sesuoi ngen rencano-Ne ngen perantara Kristus Yesus Tuhante.

EFESUS 3:9

ngen utuk menea kute tun namen awei ipe Allah, pencipta alam semesta yo, kemerjo rencano-Ne de sejok bel'o nunyin-Ne ngen dunio.

GALATIA 4:4

Tapi sesudo genep waktaune, mako Allah mutus Anok-Ne de laher kunei suang selawei de idup neak beak kuaso hukum agamo.

1 YOHANES 1:2

Ketiko idup o ade, keme kemliakne. Do'oba sebabne keme melei saksai tetang si. Keme melei namen ngen udi tetang hidup sejati ngen kekal, de ade besamo Bapa, de sudo nelei ngen keme.

EFESUS 1:10

Rencano o adeba supayo kute sesuaktau, baik de neak surgo atau de neak bumai, jijai do ngen Kristus sebagoi pemipin. Hal o bakea senlesei ngen Allah amen bi sapei waktaune.

ROMA 3:25

Kristus Yesus bi tentau Allah jijai dalen damoi kerno imen, lem daleak-Ne. Hal iyo nea-Ne utuk kemten keadilan-Ne, kerno Si bi munyau duso-duso de sudo tejijai bel'o pado maso kesabaran-Ne.

1 YOHANES 3:8

Tapi tun de tep menea duso adeba anok Iblis, sebab Iblis beduso sejak mulone. Utuk dioba Anok Allah teko, adeba utuk benaso pekerjaan Iblis.

1 YOHANES 3:5

Udi namen bahwo Kristus teko utuk mapus duso-duso manusio, ngen neak lem Si coa ade duso.

MATIUS 25:34

Sudo'o Rajo'o bakea madeak ngen tobo'o neak depeak kanen-Ne, ‘Maro, udi de melei rahmat ngen Bak-Ku. Masukba neak lem Kerajaan de bi sendio bagiaknu, sejok dunio jenijai.

KISAH RASUL-RASUL 2:23

Si de senreak Allah temurut maksud ngen rencano-Ne, sudo ko semalib ngen ko munuak liwet tangen bangso-bangso durhako.

ROMA 8:29

Sebab kute tun de niliak-Ne kunei semulo, tobo'o kulo tentau-Ne kunei semulo utuk jijai serai ngen gambaran Anok-Ne, kunyau Si, Anok-Ne o, jijai de pertamo neak antaro dau saudaro.

1 TIMOTIUS 3:16

Coa suang kulo dapet temulok, padeak kelaine resio agamo te: Si kemten dirai lem rupo manusio, ngen de benea lem Roh, serto kenliak para malaikat. Bitone sapei neak antaro bangso-bangso, ngen Si cenayo neak kute dunio ngen naket moi surgo.

IBRANI 2:14

Kerno tun-tun de Si senbut anok o, adeba makhluk manusio de dapet matei, mako Yesus suang jijai serai ngen tobo'o, idup lem keadaan manusio. Si menea awei o, supayo ngen mateine Si dapet majua Iblis de kemuaso kematian.