1 PETRUS 1:12 - JANJAI BLAU Lem Bahaso Jang Bebilai

¹² Ngen nebai-nebai o Allah melei namen bahwo jano de tobo'o nea iso utuk kepetingan tobo'o, meluyen utuk udi; adeba hal-hal de uyo yo udi teni'uk ngen jelas kunei paro de semapei Bito Baik tetang Yesus Kristus. Tobo'o semapei hal-hal o ngen udi ngen kuaso Roh Allah de nembo-Ne kunei surgo. Bahkan malaikat-malaikat kulo lok namen bito de tobo'o melei namen o.

1 PETRUS 1:12 ပူးပေါင်းရင်းမြစ်များ

MATIUS 11:25

Pado waktau'o Yesus bedu'o, “Bapa, Tuhan de kemuaso lenget ngen bumai! Uku mucep syukur ngen-Ko, kerno kutene'o Ko mresione kunei tun-tun pacok ngen pitar, tapi Ko melei namen ngen tun-tun biaso.

MATIUS 11:27

Lajau Yesus madeak, kute bi senreak Bak utuk-Ku, “Coa su'ang tun kemnal Anok seluyen Bak. Coa gen kulo de kemnal Bak seluyen Anok ngen tun-tun de niliak Anok'o utuk nelei namen api sebeneane Bak.

MATIUS 16:17

Nadeak Yesus: “Butung sekilai ko Simon anok Yonah! Sebab Iso manusio de melei namen hal'o ngen ko tapi Bak-Ku de neak surgo.

MARKUS 16:15

Lajau Si madeak ngen tobo'o, “Lalauba moi kute dunio melei namenba Bito Baik ngen kute makluk.

LUKAS 15:10

Uku madeak ngen udi, ‘Awei yo kulo bakea ade riang pado malaikat-malaikat Allah kerno do tun beduso de betobat!’ ”

LUKAS 2:26

ngen Roh Allah sudo melei namen ngen si, si coa bakea matei ayok kemliak Rajo Penyelamat de jenanjai Tuhan.

LUKAS 9:6

Murid-murid Yesus berakat, lajau lalau moi sadei utuk melei namen Bito Baik o ngen kema'en tun bolon neak ipe-ipe.

YOHANES 15:26

Uku bakea mutus ngenko penulung de asalne kunei Bapa. Adeba Roh bakea madeak kebenea tetang Allah. Amen Si teko, Si bakea saksai tetang Uku.

KISAH RASUL-RASUL 10:44

Sementaro Petrus madeak awei yo, tu'unba Roh Sucai moi das kute tun de temi'uk bito o.

KISAH RASUL-RASUL 16:10

Sesudo Paulus kemliak pengeliak o, segroba keme mesoa kesepatan utuk berakat moi Makedonia, kerno kunei pengeliak o keme mok kesipulan bahwo Allah bi menok keme utuk melei namen Bito Baik ngen tun-tun neak di.

KISAH RASUL-RASUL 2:33

Sesudo Si nelekat ngen tangen kanen Allah ngen temimo kunei Bapa, Roh Sucai de jenanjai o, mako nelei-Ne Roh o awei de udi kemliak ngen temi'uk neak yo.

KISAH RASUL-RASUL 4:31

Sesudo tobo'o selsei bedu'o, penan tobo'o bekopoa o unyak. Tobo'o kutene kenuaso Roh Sucai, ngen muloi miling ngen binai nien tetang bito kunei Allah.

KISAH RASUL-RASUL 4:8

Lajau Petrus, de penuak ngen Roh Sucai, jemawab tobo'o, “Hoi pemipin-pemipin umat ngen tuai-tuai.

KISAH RASUL-RASUL 8:25

Sesudo keduaine besaksai ngen melei namen firman Tuhan, belekba tobo'o moi Yerusalem. Lem pemaneune o tobo'o melei namen Bito Baik lem dau sadei neak Samaria.

ROMA 1:15

Do'oba sebabne uku lok melei namen Bito Baik ngen udi de tinggea neak Roma.

ROMA 1:17

Sebab neak lemne nyato kebenaran Allah, de bertolak kunei imen ngen mipin imen, awei ade tetulis, “Tun benea bakea idup ngen imen.”

ROMA 10:15

Ngen awei ipe tobo'o dapet melei namen tetang Si, amen tobo'o coa nutus? Awei ade tetulis, “Padeak baikne tobo'o teko ngen mbin Bito Baik!”

ROMA 15:19

de senerto keajaiban-keajaiban ngen hal-hal luea biaso; kutene o kerno kuaso Roh Allah. Bito Baik tetang Kristus bi uku melei namen kutene ngen tun-tun, muloi kunei Yerusalem sapei moi Ilirikum.

1 KORINTUS 2:10

Kerno ngen ite Allah bi kemtenne ngen Roh, sebab Roh semlidik kute sesuaktau, bahkan hal-hal de coa keten lem dirai Allah.

2 KORINTUS 1:22

Utuk o Allah sudo menea ite jijai de Allah temuan ngen melei Roh-Ne neak lem ateite sebagoi jaminan bahwo Si bakea melei ngen ite kute de jenanjai-Ne.

2 KORINTUS 6:6

Ngen atei sucai, bijaksano, sabar ngen baik atei; lem Roh Kudus ngen kasih de tulus ikhlas;

GALATIA 1:12

Kerno uku coa temimone kunei manusio ngen iso manusio de majeane ngen uku, tapi uku temimone liwet ungkapan Yesus Kristus.

GALATIA 1:16

Allah melei bukti Anok-Ne ngen uku supayo Bito Baik tetang Anok-Ne dapet uku nelei namen ngen tun-tun iso Yahudi. Pado waktau o uku coa lalau ngen suang tun kulo utuk minoi nasihat.

EFESUS 3:10

Maksud Allah adeba supayo uyo, liwet jemaat, kute de megong kuaso neak surgo namen kebijaksanaan Allah lem kute mecem bentukne.

1 TESALONIKA 2:9

Paset udi masiak tinget awei ipe keme berusaho ngen berjuang. Lueng kelmen keme bekerjo supayo keme coa semaro suang tun kulo kunei udi sewaktau keme melei namen Bito Baik de kunei Allah o ngen udi.

1 TIMOTIUS 3:16

Coa suang kulo dapet temulok, padeak kelaine resio agamo te: Si kemten dirai lem rupo manusio, ngen de benea lem Roh, serto kenliak para malaikat. Bitone sapei neak antaro bangso-bangso, ngen Si cenayo neak kute dunio ngen naket moi surgo.

IBRANI 11:13

Kute tun o tep beriman sapei matei. Tobo'o coa temimo hal-hal de jenanjai Allah, tapi cuma kemliak ngen semambutne kunei uak. Ngen o tobo'o madeak bahwo tobo'o cuma tun asing ngen peratau neak bumai yo.

IBRANI 2:4

Seluyen o, Allah kemuet saksai tun-tun o ngen menea kute mecem keajaiban ngen hal-hal de luea biaso serto magiak pelei kunei Roh Allah temurut kelok-Ne suang.

IBRANI 4:2

Kerno Bito Baik o bi nelei namen ngen ite serai ngen tobo'o. Tapi ngen tobo'o, bito o coa de gunone. Kerno ketiko tobo'o temi'ukne, tobo'o coa pecayo.

1 PETRUS 1:25

tapi firman Tuhan tep utuk selamo-lamone.” Firman o Bito Baik de sudo nelei namen ngen udi.

1 PETRUS 4:6

Do'o sebabne Bito Baik sudo nelei kulo ngen tun-tun matei. Maksudne supayo tobo'o, de bi nadea lem keadaan jasmani – awei'o halne kute tun bakea nadea dapet idup seca'o rohani, temurut kelok Allah.

WAHYU 5:11

Sesudo'o uku kemliak igai. Uku temi'uk sa'ei malaikat de beribau-ribau ngen berjuta-juta daune. Tobo'o je kemliling takhta ngen kepat makhluk serto tobo pemipin o.