1 PETRUS 1:11 - JANJAI BLAU Lem Bahaso Jang Bebilai

¹¹ Tobo'o semlidik awei ipe ngen tengen hal o bakea terjijai, maksudne adeba Roh Kristus de ade neak lem dirai tobo'o. Pado waktau o Roh-Ne berfirman ngen tobo'o tetang penderitaan-penderitaan de harus nding Kristus ngen tetang keagungan-Ne de bakea semsung sesudo o.

1 PETRUS 1:11 ပူးပေါင်းရင်းမြစ်များ

MATIUS 26:24

Anok Manusio bakea matei, awei de tetulis neak lem kiteb. Tapi celakoba tun de semreak Anok Manusio! Adeba lebiak baik utuk tun'o sekirone si coa nlaher.”

LUKAS 24:44

Si madeak ngen tobo'o, “Dioba padeak-Ku, de bi Kunadeak ngen udi ketiko Uku masiak sesamo ngen udi, adeba bahwo arus genep kute de ade tetulis tetang Uku lem kiteb Taurat Musa ngen kiteb nebai-nebai ngen kiteb Mazmur.”

YOHANES 12:41

Yesaya madeak awei'o, kerno si bi kemliak kemulioan-Ne ngen bi madeak tetang Si.

KISAH RASUL-RASUL 16:7

Sapeine neak Misia tobo'o cemubo masuk moi daerah Bitinia, tapi Roh Yesus temgeak tobo'o.

ROMA 8:9

Tapi udi coa idup lem tabi'at manusio, tapi lem Roh, amen nien Roh Allah diem neak lem udi. Tapi amen tun coa temuan Roh Kristus, si iso de Kristus temuan.

GALATIA 4:6

Kerno udi adeba anok, mako Allah bi meluak Roh Anok-Ne moi lem atei te, de menggang, “Ya Abba, ya Bapa!”

2 PETRUS 1:21

Sebab, coa perneak pesen kunei Allah nelei namen cuma das kelok manusio. Tapi Roh Allah kemuaso tun utuk semapei pesen kunei Allah suang.

WAHYU 19:10

Uku tukup neak adep malaikat o lok nyembeakne, tapi si madeak ngen uku, “Jibeak! Jibeak nyembeak uku, sembeakba Allah! Sebab uku kulo hamba serai awei ko ngen awei kute saudaronu de bepegong teguh ngen saksai Yesus!” Sebab saksai Yesus do'oba de jijai menea tun-tun de bernubuat.