1 PETRUS 1:1 - JANJAI BLAU Lem Bahaso Jang Bebilai

^1-2 Saudaro-saudaro umat pilihan Allah, de teseba neak ratau neak daera Pontus, Galatia, Kapadokia, Asia, ngen Bitinia! Uku, Petrus, rasul Yesus Kristus, maʼep semoga Allah melei berkat, sejahtera ngen udi berlimpah-limpah. Udi niliak jijai umat Allah sesuoi ngen rencano Allah Bapa. Roh Allah bi jemijai udi umat de sucai, khusus utuk Allah, supayo udi taat ngen Yesus Kristus, senucai ngen daleak-Ne.

1 PETRUS 1:1 ပူးပေါင်းရင်းမြစ်များ

MATIUS 10:2

Gen keduai belas rasul'o: pertamo Simon (de senbut Petrus) ngen Andreas pasuakne, Yakobus ngen Yohanes pasuakne, anok-anok Zebedeus.

MATIUS 24:22

Sekirone Allah coa semiket waktaune; mako coa ade suang kulo de selamat. Tapi kerno umat-Ne, Allah semiket maso'o.

MATIUS 4:18

Tiko Yesus dong melitas Daneu Galilea, Si kemliak ade duai penjalai kan, Simon (de senbut Petrus), ngen pasuakne Andreas. Tobo'o dong mambua jalai neak daneu.

LUKAS 18:7

Allah paset bakea mbenea tun-tun piliak-Ne de kebilai kelmen minoi ngen Si! Si paset coa mulua utuk temulung tobo'o!

YOHANES 11:52

Iso utuk bangso o bae tapi kulo utuk kemopoa ngen menea jijai do anok-anok Allah de cibea.

YOHANES 7:35

Kerno o, tobo penguaso Yahudi o madeak suang tun ngen de luyen ne, “Moi ipe Si bakea lalau, sehinggo ite coa dapet temau ngen Si? Jano si be niat lok lalau ngen tun-tun Yahudi de tinggea neak ratau, neak antaro tun Yunani, utuk majea tun Yunani?

KISAH RASUL-RASUL 18:2

Neak di si temau ngen suang Yahudi genne Akwila, asalne kunei Pontus. Si tembei teko kunei Italia ngen Priskila, ngenyanne, kerno kaisar Klaudius bi meriteak, supayo kute tun Yahudi teminggea Roma. Paulus singgeak neak umeak tobo'o.

KISAH RASUL-RASUL 18:23

Sesudo tinggea kekedau an neak di, si berakat igai lajau jemlajeak kute taneak Galatia ngen Frigia utuk kemu'et atei kute tun-tun pecayo.

KISAH RASUL-RASUL 19:10

Hal yo neane selamo duai taun, sehinggo kute penduduk Asia temi'uk firman Tuhan, baik tun Yahudi atau tun Yunani.

KISAH RASUL-RASUL 6:9

Tapi ade tun-tun de temtang si; tobo'o adeba anggota-anggota umeak semyang de senbut Umeak Semyang Tun-tun Bebas. Anggota-anggota umeak semyang o adeba tun-tun Yahudi kunei Kirene ngen Aleksandria. Tobo'o ngen tun-tun Yahudi kunei Kilikia ngen Asia bedebat ngen Stefanus.

KISAH RASUL-RASUL 8:4

Tun-tun pecayo de sudo tesebea o melei namen Bito Baik kunei Allah o moi ipe-ipe.

1 KORINTUS 16:19

Jemaat-jemaat neak Asia semapei salam tobo'o ngen udi. Akwila ngen Priskila serto jemaat de bekopoa neak umeak tobo'o kulo mbo salam Kristen.

2 KORINTUS 1:8

Saudaro-saudaro! Keme lok udi namen tetang derito de keme meding neak wilayah Asia. Derito de keme tanggung o kebiak benek temken keme, sehinggo keme cigai lok idup igai.

EFESUS 2:12

Pado waktau o udi coa jijai do ngen Kristus, udi adeba tun asing de coa termasuk umat pilihan Allah. Udi coa termasuk lem ikatan janjai de nea Allah ngen umat-Ne. Udi idup lem dunio yo coa ade harapan ngen coa ade Allah.

EFESUS 2:19

Sebab o, udi iso igai termasuk tun asing atau tun luea. Udi uyo adeba samo-samo warga umat Allah. Udi adeba anggota-anggota keluargo Allah.

2 TIMOTIUS 1:15

Ko namen bahwo kute tun neak wilayah Asia bi teminggea uku, termasuk kulo Figelus ngen Hermogenes.

IBRANI 11:13

Kute tun o tep beriman sapei matei. Tobo'o coa temimo hal-hal de jenanjai Allah, tapi cuma kemliak ngen semambutne kunei uak. Ngen o tobo'o madeak bahwo tobo'o cuma tun asing ngen peratau neak bumai yo.

YAKOBUS 1:1

Saudaro-saudaro umat Allah kutene de tesebea neak kute dunio! Salam kunei uku, Yakobus, hamba Allah ngen hamba Tuhan Yesus Kristus.

1 PETRUS 2:11

Saudaro-saudaro de tecito! Udi adeba tun asing ngen perantau neak dunio yo. Kerno o uku minoi nien supayo udi jibeak temotoa hawa nafsu manusio de bogoa perang melawen jiwo.

2 PETRUS 1:1

Saudaro-saudaro de sungguak-sungguak pecayo awei keme! Yesus Kristus, adeba Allah ngen Rajo Penyelamat ite. Menea ite pecayo ngen-Si, Si menea de benea. Su'et yo kunei Simon Petrus suang hamba ngen rasul Yesus Kristus.

WAHYU 1:11

Sa'ei o madeak, “Tulisba jano de ko kemliak, ngen mboba bukau o ngen ketujuak jemaat yo: Efesus, Smirna, Pergamus, Tiatira, Sardis, Filadelfia, ngen Laodikia.”