1 KORINTUS 9:5 - JANJAI BLAU Lem Bahaso Jang Bebilai

⁵ Jano uku coa ade hok mbin suang pengaten selawei de pecayo ngen Kristus besamo-samo uku lem pemaneuku, awei de nea Saudaro-saudaro Tuhan Yesus ngen rasul-rasul luyenne temasuk Petrus?

1 KORINTUS 9:5 ပူးပေါင်းရင်းမြစ်များ

MATIUS 13:55

Iso Si anok tukang keyew? Iso si Mariam'o mak-Ne; ngen pasuak-pasuak-Ne adeba Yakobus, Yusuf, Simon ngen Yudas?

MATIUS 8:14

Yesus lalau moi umeak Petrus. Si kemliak setuang selawei Petrus dong teguling kerno demem.

MARKUS 1:30

Stuang Selawei Simon tegulek kerno bolon. Tobo'o segro melei namen keadaanne ngen Yesus.

MARKUS 6:3

Si dio anok tukang kieu, anok Maria, ngen pasuak Yakobus, Yoses, Yudas ngen Simon? Iso pasuak-pasuak-Ne de selawei ade neak yo besamo ite?” Lajau tobo'o coa temimo Si.

LUKAS 6:15

Matius ngen Tomas, Yakobus anok Alfeus, ngen Simon de senbut tun Zelot,

LUKAS 8:20

Mako ade suang de madeak ngen Yesus, “Bak, indok ngen pepasuak Bak ade neak luea. Tobo'o lok betemau ngen Bak.”

YOHANES 1:42

Andreas mbin Simon ngen Yesus. Yesus kemliak si ngen madeak, “Ko Simon, anok Yona Ko bakea nelei gen Kefas.” (Kefas serai ngen Petrus, taine: tebo butau.)

YOHANES 2:12

Sesudo'o Yesus lalau moi Kapernaum, besamo-samo ngen indok-Ne ngen pasuak-pasuak-Ne ngen panotoa-penotoa-Ne. Ngen tobo'o tinggea neak di kedau bilai bae.

KISAH RASUL-RASUL 1:14

Tobo'o kutene tekun ngen do atei lem du'o sesamo. Kekedau selawei serto Maria, indok Yesus ngen pasuak Yesus bedu'o sesamo tobo'o.

ROMA 16:1

Uku lok melei namen saudari ite, Febe. Si temulung jemaat neak Kengkrea.

1 KORINTUS 1:12

De uku maksud adeba bahwo neak antaro udi ade de madeak, “Uku motoa Paulus,” ade kulo de madeak, “Uku motoa Apolos,” de luyen madeak, “Uku motoa Petrus,” dong de luyen igai madeak, “Uku motoa Kristus.”

1 KORINTUS 7:15

Tapi amen tun de coa pecayo'o teminggea pengaten selaweine atau sematenne de Kristen, jibeak tema'en si. Lem hal yo saudari atau Saudaro'o bebas, sebab Allah lok supayo Saudaro idup ngen rukun.

1 KORINTUS 7:39

Suang semulen de sudo nikeak tepeket ngen sematenne cuma selamo sematenne idup. Amen sematenne bi ninggea, semulen o bebas nikeak igai ngen tun de si cito; asal nikeak o nikeak Kristen.

1 KORINTUS 7:7

Sebeneane uku lebiak tujua amen kute tun jijai awei uku. Tapi masing-masing bi temimo karunio de khusus kunei Allah. Suang tun de temuan karunio yo, de luyen temuan karunio'o.

1 KORINTUS 7:8

Tun-tun de ati nikeak, ngen selawei-selawei de sudo rando, dioba nasehatku: Lebiak baik Saudaro tep idup suang awei uku.

GALATIA 1:19

Tapi uku coa kemliak suang kulo kunei rasul-rasul de luyen, kecuali Yakobus, pasuak Tuhan.

1 TIMOTIUS 3:2

Kerno o, pekerjo jemaat harusba suang tun de bebaik, maten kunei do ngenyan, dapet temaen dirai, bijaksano, sopan, galok temimo tun neak umeakne, pacok majea tun,

1 TIMOTIUS 4:3

Tobo'o majea tun utuk coa nikeak ngen coa mbuk kembuk kunei Allah. Padahal kembuk o nea Allah utuk nembuk ngen mucep mokasiak ngen tun-tun de sudo pecayo ngen Kristus ngen bi kemnal ajaran de benea kunei Allah.

1 TIMOTIUS 5:2

mbei-mbei tuai sebagai indoknu ngen selawei-selawei u'ai sebagai asuaknu ngen sikep de murni.

TITUS 1:6

Suang pemipin jemaat lokba suang tun de baik; si harus temuan do ngenyan; anok-anokne harus bi pecayo ngen Kristus ngen iso anok nakea ngen coa nam natur.

IBRANI 13:4

Kute tun harus kemten sikep hormat teadep perkawinan, do'o sebabne lokba maten-ngenyan setia do ngen de luyen. Tun de cabul ngen tun de berzinah bakea nhukum Allah.