1 KORINTUS 8:8 - JANJAI BLAU Lem Bahaso Jang Bebilai

⁸ Sebeneane kembuk suang coa menea hubungan ite ngen Allah jijai lebiak paok. Amen ite mbuk kembuk o, ite coa dapet utung jejano. Sebelekne amen ite coa mbuk kembuk o, ite kulo coa rugai jejano.

1 KORINTUS 8:8 ပူးပေါင်းရင်းမြစ်များ

MATIUS 25:15

Ngen tiep pelayan'o si melei temurut pacokne masing-masing ngen suang tun si melei lemo ribau caci mas. Ngen de luyenne duai ribau caci mas. Ngen de su'ang igai si melei seribau caci mas. Lajau si berakat.

ROMA 14:17

Sebab amen Allah meriteak su'ang tun, jano de si buliak mbuk atau menem, coa peting igai. De peting adeba bahwo tun o temotoa kelok Allah, meding atei tenang ngen temimo sukocito de nelei Roh Allah.

1 KORINTUS 6:13

Ade kulo de madeak bahwo kembuk adeba utuk tenei, tenei seniap utuk kembuk. Tapi keduaine bakea nlenyep Allah. Awok manusio coa buliak nakei utuk menea hubungan de coa baik, tapi cuma utuk melayan Tuhan. Ngen Tuhan bakea miaro awok o.

IBRANI 13:9

Jibeakba munyau kute mecem ajaran de seseleh semset udi. Atei ite harus kenuet ngen kebaikan atei Allah, do'oba de baik; jibeak ngen peraturan-peraturan tetang kembuk. Tun-tun de bel'o taat ngen peraturan-peraturan o coa dapet utungne.