1 KORINTUS 7:17 - JANJAI BLAU Lem Bahaso Jang Bebilai

¹⁷ Lokba masing-masing matur kehidupanne temurut nasehat Tuhan awei de sudo tentau Allah bagiakne pado waktau Allah menokne utuk pecayo ngen-Si. Do, oba peraturan de uku najea neak tiep-tiep jemaat.

1 KORINTUS 7:17 ပူးပေါင်းရင်းမြစ်များ

MATIUS 19:12

Ade tun coa dapet nikeak sebab tobo'o memang laherne awei'o, ngen ade kulo de coa nam nikeak kerno si nea awei'o ngen tun luyen. Ade kulo de miliak dewek utuk coa nikeak, supayo dapet melayan Allah. Tun de sanggup temimo ajaran yo kunyau si temimone.”

1 KORINTUS 10:32

Naturba idupnu ngen baik supayo tun luyen coa menea duso; jano tobo'o tun Yahudi atau iso tun Yahudi, atau anggota jemaat Allah.

1 KORINTUS 11:16

Kerno o, amen ade de lok tekea tetang masalah yo, uku cuma dapet madeak bahwo baik ite atau jemaat Allah luyenne, cuma temuan kebiasaan lem jemaat; luyen kunei do'o coa gen.

1 KORINTUS 11:34

Amen ade de nyemen, si harus mbuk dute neak dasei. Amen udi dulai ngen hal yo mako semyangnu coa bakea dapet ukuman kunei Allah kerno dirainu suang. Tetang masalah-masalah de luyen, bakea uku jemlas ngen udi, amen uku teko konyo.

1 KORINTUS 14:33

Allah adeba Allah de galok ngen ketertiban; Si iso Allah de galok pado kekacauan. Awei de belakau neak lem kute jemaat Allah,

1 KORINTUS 16:1

Uyo tetang caci de udi lok sendekeak ngen sesamo tun Kristen, uku semayo supayo udi menea sesuoi petunjuk de uku melei ngen jemaat-jemaat neak Galatia.

1 KORINTUS 4:17

Utuk o uku bi mutus Timotius ngen ko. Sebagai penotoa Kristus, si serai awei anokku suang de uku sayang. Si anok de dapet uku pecayo. Be si bakea minget udi tetang ca'o idup de uku totoa sesudo pecayo ngen Kristus, adeba ca'o idup de uku majea neak tiep jemaat neak ipe bae.

1 KORINTUS 7:18

Umpamone, amen suang tun sudo senunat pado waktau si temimo kedeu Allah, mako jibeakba tu'o berusaho mapus tando-tando sunat'o. Awei'o kulo amen suang tun ati senunat pado waktau si temimo endeu Allah, jibeak tun'o minoi senunat.

1 KORINTUS 7:24

Jijai, Saudaro-saudaro, awei ipe kulo keadaannu pado waktau endeu, lokba Saudaro tep idup awei'o besamo ngen Allah.

1 KORINTUS 7:7

Sebeneane uku lebiak tujua amen kute tun jijai awei uku. Tapi masing-masing bi temimo karunio de khusus kunei Allah. Suang tun de temuan karunio yo, de luyen temuan karunio'o.

2 KORINTUS 11:28

Seluyen kutene o, tiep bilai uku temes ngen keadaan kute jemaat.

2 KORINTUS 8:18

Besamo ngen si keme mbo kulo suang saudaro de kebiak dihormati neak kute jemaat kerno kerjono melei namen Bito Baik kunei Allah.

GALATIA 1:22

Sapei pado waktau o jemaat-jemaat Kristen neak Yudea masiak ati namen ngen uku seca'o langsung.

1 TESALONIKA 2:14

Saudaro-saudaro, hal de udi meding bi nding kulo jemaat-jemaat Allah neak Yudea de jijai de Kristus Yesus temuan. Udi meding saro kunei pihok bangsonu suang, serai awei de nding jemaat-jemaat Allah neak Yudea o kunei pihak tun-tun Yahudi.

2 TESALONIKA 1:4

Do'oba sebabne getai keme miling tetang udi tiep kilai keme semulau jemaat-jemaat Allah. Ngen bangga keme cemrito awei ipe udi tep pecayo ngen Kristus neak lem penganiayaan ngen penderitaan de udi meding.