1 KORINTUS 6:2 - JANJAI BLAU Lem Bahaso Jang Bebilai

² Atau udi coa namen, bahwo umat Allah bakea mukum dunio yo? Jijai, amen memang udi bakea mukum dunio yo, jano udi coa sanggup semlesei pekaro-pekaro pengadilan de coa ade taine?

1 KORINTUS 6:2 ပူးပေါင်းရင်းမြစ်များ

MATIUS 19:28

Yesus madeak ngen tobo'o, “Pecayoba: Neak dunio de Belau, Anok Manusio bakea temot neak das kersaine de mulio utuk meriteak. Pado waktau'o udi de penotoa-penotoa-Ku bakea temot neak das keduai belas kersai penan Uku meriteak ngen makim keduai belas sukau bangso Israel!

LUKAS 22:30

Bahwo udi bakea mukmei ngen menem do mija ngen Uku neak lem Kerajaan-Ku ngen udi bakea temot neak das takhta utuk makim keduai belas sukau Israel.”

ROMA 6:16

Jano udi coa namen, bahwo amen udi semreak dirainu ngen suang tun sebagai hamba utuk tunduk ngen si, udi adeba hamba tun o, de harus udi tunduk, baik lem duso de mipin udi ngen kematian, atau lem ketaatan de mipin udi ngen kebenaran?

1 KORINTUS 1:20

Kerno'o, jano gunone tun-tun arif'o? Jano gunone tobo'o de temuan lemau? Jano gunone ahli-ahli peker dunio yo? Allah bi menea hikmat dunio yo jijai kebodohan?

1 KORINTUS 1:21

Kerno awei ipe pacokne manusio, si coa dapet kemnal Allah liwet kepacokne suang. Tapi kerno Allah bijaksana, mako Si lok semlamat tun-tun de pecayo ngen-Si liwet bito de keme melei namen de nanggap coa benea liwet dunio.

1 KORINTUS 6:4

Mako amen timboa pekaro-pekaro awei o, jano udi semreak pekaro o ngen tun-tun de coa beguno lem jemaat?

2 KORINTUS 4:18

Sebab keme coa kemliak hal-hal de keten, meluyen de coa keten, kerno de keten adeba sementaro, tapi de coa keten adeba kekal.

1 TESALONIKA 3:13

Ngen awei o Tuhan bakea kemuet ateinu, sehinggo udi sucai ngen coa cacet neak adep Allah Bapa ite, pado waktau Tuhan ite Yesus teko besamo kute tun de jijai de Si temuan.

WAHYU 20:4

Lajau uku kemliak takhta-takhta, ngen tun-tun de temot neak takhta-takhta o nelei kuaso utuk melei keputusan ukuman. Uku kemliak kulo tun-tun de sudo tentus ulaune kerno tobo'o melei saksai tetang Yesus, ngen melei namen firman Allah. Tun-tun o coa nyembeak benatang, atau patungne. Tobo'o kulo coa perneak temimo tando benatang o neak ning atau tangen tobo'o. Mako tobo'o idup igai ngen meriteak sebagai rajo besamo Kristus selamo seribau taun.

WAHYU 3:21

Tobo'o de menang, bakea Uku melei izin temot neak takhta-Ku besamo Uku, serai awei Uku suang bi menang ngen uyo temot besamo Bapa-Ku neak takhta-Ne.