1 KORINTUS 5:9 - JANJAI BLAU Lem Bahaso Jang Bebilai

⁹ Neak lem su'et uku de bel'o, uku melei namen ko supayo jibeak gabok ngen selawei-selawei nakea.

1 KORINTUS 5:9 ပူးပေါင်းရင်းမြစ်များ

1 KORINTUS 5:10

De uku maksud iso selawei nakea, tamak, tukang meliut, tukang nyembeak patung de samo sekilai coa kemnal Allah. Maksud uku iso tobo'o; sebab amen udi harus meuak tobo'o, makao paset bae udi perlu kelua samo sekilai kunei dunio yo.

1 KORINTUS 5:2

Kunyau awei o, udi masiak ombong. Sebelekne udi seharusne ibo ngen keluea kunei tun-tun de menea hal o.

1 KORINTUS 5:7

Nuangba kileak agai de an o, adeba agai duso supayo Saudaro jijai adonan de blau, awei ipe Saudaro memang coa be agai. Sebab anok bebirai Paskah ite adeba Kristus? Bersih kunei agai duso de an, uku namen bahwo udi memang awei o. Sebab, perayaan Paskah ite bi siap, kerno Kristus de bi jijai sebagai domba Paskah ite, bi kenubua.

2 KORINTUS 6:14

Jibeakba lok jijai kuat tun-tun de coa pecayo ngen Yesus, do'o coa cocok. Coa mukin kebaikan jijai do ngen kejahatan! Coa mukin te'ang bundok ngen kelem.

2 KORINTUS 6:17

Kerno o: Kelueaba udi kunei tobo'o, ngen cen'eiba dirainu kunei tobo'o, firman Tuhan. Jibeakba megong jano de najis, mako Uku bakea temimo udi.

EFESUS 5:11

Jibeakba menea plep-plep de coa beguno de nea tun-tun de idup lem kelem. Sebelekne, lokba udi muang hal-hal awei o. (

2 TESALONIKA 3:14

Amen ade tun de coa lok temi'uk jano de keme nadeak lem su'et yo. Waspadaba te'adep tun awei o ngen jibeak begaul ngen si supayo si selek.

2 TESALONIKA 3:6

Saudaro-saudaro, das kuaso Tuhan Yesus Kristus, keme meriteak supayo udi me'uak kute Saudaro, de idup bemalas-malas, ngen de coa temurut ajaran-ajaran de keme melei ngen tobo'o.