1 KORINTUS 5:5 - JANJAI BLAU Lem Bahaso Jang Bebilai

⁵ udi harus semreak tun o ngen Iblis supayo awokne benaso, ngen awei o rohne senlamat pado waktau Tuhan teko igai.

1 KORINTUS 5:5 ပူးပေါင်းရင်းမြစ်များ

MATIUS 4:10

Lajau Yesus jemawab, “Lalauba ko, Iblis! Kerno neak lem Kiteb Ade tetulis awei yo: Sembeakba Tuhan Allah ngen layanba Si bae!”

LUKAS 22:31

“Simon, Simon, ti'uk! Iblis bi nelei izin utuk ngujai udi, awei gelpung cen'ei kunei kaleakne.

KISAH RASUL-RASUL 26:18

utuk mukok matai tobo'o, supayo tobo'o kelua kunei kegelapan ngen masuk moi lem te'ang, supayo tobo'o lepas kunei kuaso Iblis lajau kenuaso Allah, supayo tun de pecayo ngen-Ku duso-duso tobo'o bakea napun ngen tobo'o bakea jijai tun-tun de senucai.’ ”

1 KORINTUS 1:8

Kristus suang bakea njamin udi sapei pado akhirne; supayo pado waktau Si teko igai, udi coa ade cacetne.

1 KORINTUS 11:32

Tapi amen ite nukum Allah, Tuhan bakea mokoa ite, supayo ite jibeak keno ukum besamo-samo dunio yo.

2 KORINTUS 10:6

Ngen amen udi bi taat ngen sepenuakne, keme siap utuk mukum kute tun de coa taat.

2 KORINTUS 12:7

Ngen supayo uku jibeak ombong kerno pengeliak-pengeliak de luea biaso o, uku nelei olon moi awokku de adeba utusan Iblis. Olon o nelei utuk mokoa uku supayo uku coa jijai ombong.

2 KORINTUS 13:10

Do'oba sebabne uku temulis su'et yo pado waktau uku ati ade neak tengeak-tengeak udi. Ngen awei o, amen uku teko be, coa perlu uku bertindok tegas teadepnu ngen makei kuaso de nelei Tuhan ngen uku. Kuaso o nelei utuk mbangun udi, iso utuk majua.

FILIFI 1:6

Allah suang de muloi menea baik o ngen udi, ngen uku yakin Si bakea temrus pekerjaan o sapei selesei pado Bilai Kristus Yesus teko igai.

1 TIMOTIUS 1:20

Neak antarone adeba Himeneus ngen Aleksander. Keduai tun o bi uku mukum ngen semreakne ngen Iblis, supayo tobo'o belajea utuk je'o mino Allah.

2 TIMOTIUS 1:18

Ngen uku namen bahwo neak Efesus si dau nien temulung uku. Semoga Tuhan melei rahmatne ngen si pado bilai Tuhan mukum kute umat manusio.

2 PETRUS 3:12

selamo udi mbot ngen indau tekone Bilai Allah. Pado bilai o lenget bakea abis tekembem, ngen kerno panesne, mako benda-benda neak lenget bakea ajua.

1 YOHANES 5:16

Amen udi kemliak saleak su'ang saudarone menea duso de coa sembab tun o nyep idup sejati ngen kekal, lokba udi bedu'o ngen Allah; ngen Allah melei idup o ngen si, adeba tobo'o de menea duso de coa jijai maut. Tapi ade duso de menea tun nyep idup o. Tetang hal o uku coa madeak bahwo udi harus bedu'o ngen Allah