1 KORINTUS 5:11 - JANJAI BLAU Lem Bahaso Jang Bebilai

¹¹ Maksud uku adeba, bahwo udi jibeak gabo ngen tun de makau diraine tun Kristen, tapi tun o selawei nakea, tamak, tukang nyembeak patung, galok kemidek tun luyen, tukang mabuk, tukang maling. Jibeak temot ngen tobo'o!

1 KORINTUS 5:11 ပူးပေါင်းရင်းမြစ်များ

ROMA 16:17

Saudaro-saudaro! Uku minoi nien: Teateiba teadep tun-tun de menea perpecahan ngen kemacau kepercayaan tun ngen Tuhan. Hal o bertentangan ngen jano de sudo najea ngen udi. Ne'uakba tun-tun awei o.

2 TESALONIKA 3:14

Amen ade tun de coa lok temi'uk jano de keme nadeak lem su'et yo. Waspadaba te'adep tun awei o ngen jibeak begaul ngen si supayo si selek.

2 TESALONIKA 3:6

Saudaro-saudaro, das kuaso Tuhan Yesus Kristus, keme meriteak supayo udi me'uak kute Saudaro, de idup bemalas-malas, ngen de coa temurut ajaran-ajaran de keme melei ngen tobo'o.

MATIUS 18:17

Amen si coa lok temimo nasehat tun-tun'o senapei. Ngen amen si coa kulo lok temi'uk nasehat jemaat, tapi anggepba si awei suang tun penagiak ngen tun de coa kemnal Allah.”

2 YOHANES 1:10

Kerno o, amen ade tun teko, melei namen ngen udi ajaran de coa najea Kristus, jibeakba temimo tun o neak lem umeaknu atau melei salam ngen si.

WAHYU 22:15

Tapi tun-tun de menea hal-hal de keji, de makei lemau-lemau gaib, tun-tun de menea plep-plep kidek, de munuak, de nyembeak patung, ngen tun-tun de ngike, baik ngen kecek-kecek atau ngen plep, kute tun o penanne neak luea kota o.

WAHYU 21:8

Tapi tun-tun penyaben, tun-tun de coa pecayo, tun-tun keji, pembunuh, tun-tun zina, penyihir, tun de nyembeak patung ngen kute pendusta, bakea nuang moi lem lautan opoi ngen bli'ang de lai, adeba kematian de keduai.”

1 TIMOTIUS 3:3

jibeak tun galok mabuk, atau de galok belago. Sebelekne, si harus lemah lembut, damoi. Si coa buliak mata duitan.

MATIUS 23:25

Celakoba udi gu'au-gu'au agamo ngen tun Faris! Udi tun munafik! Makuk-makuk ngen pinggan-pinggan udi mpuk bersih-bersih neak lueane bae, tapi neak lemne kembiak ngei ngen hal-hal de udi dapet ngen ca'o pakso ngen tamak.

WAHYU 2:20

Tapi dio keberatan-Ku teadep udi: Udi melei atei ngen Izebel, selawei de makau diraine suruhan Allah. Bi dau hamba-hamba-Ku de tepike ngen de najeane utuk menea zinah ngen Utuk embuk kembuk persembahan patung.

EFESUS 5:5

Tingetba dio baik baik: tun de menea plep kidek, atau coa wajar, atau serakeak, taine nyembeak patung, tun o coa dapet jijai anggota umat Allah.

LUKAS 21:34

“Jagoba dirainu, jibeak sapei udi kembiak sibuk bepesta ngen mabuk menem, atau kembiak meker soal-soal idupnu, sehinggo udi coa siap ketiko bilai o teko ngen tetibo.

1 KORINTUS 6:10

de maling, de serakeak, tukang mabuk, de galok kemidek tun luyen, tukang mike, coa bakea jijai anggota umat Allah.

KOLOSE 3:5

Kerno'o, nuangba lem dirainu kute sesuaktau de duniawi, awei percabulan, hal-hal de coa baik, hawa nafsu, kelok de kidek (serakah, de serai ngen nyembeak patung).

1 KORINTUS 8:11

Kerno'o, mako imen Saudaro menea tun de imenne coa kuet'o jijai limau. Padohal Kristus matei utuk tun o kulo.

1 KORINTUS 6:6

Tapi sebelekne suang Kristen lalau magea tun de iso Kristen utuk madau pekarone te'adep Saudarone de Kristen.

ROMA 13:13

Maroba ite idup ngen sopan, awei tengeak bilai, jibeak lem pesta pora ngen mabuk, jibeak lem percabulan ngen hawa nafsu, jibeak lem selisiak ngen kidek atei.

WAHYU 2:14

Tapi awei yo ade kekedau hal de Uku coa senang kunei udi: Ade pa'o tun neak antaro udi de temotoa jano de najea Bileam. Bileam majea Balak awei ipe jemrumus umat Israel moi lem duso; ngen mbujuk tobo'o utuk mbuk kembuk de sudo seniap ngen patung, menea hal-hal de cabul.

1 TIMOTIUS 6:5

ngen selisiak de coa sudo-sudone. Dalen pekeran tun-tun o bi kepak ngen coa benea igai. Sako tobo'o nam kayo kunei agamo.

EFESUS 5:18

Jibeakba udi mabuk ngen anggur, sebab do'o bakea musak udi, tapi lokba udi penuak ngen Roh,

GALATIA 2:12

Mulo-mulo si temot mukmei besamo-samo ngen saudaro-saudaro de iso Yahudi. Tapi sesudo tun-tun utusan Yakobus teko, si lalau kunei saudaro-saudaro iso Yahudi ngen coa lok igai mukmei ngen tobo'o, sebab saben teadep tun-tun de lok kunyau kute tun senunat.

1 KORINTUS 11:21

Sebab pado waktau embuk, udi bebut mok kembukne suang, sehinggo ade de coa dapet jejano, tapi de luyenne jijai mabuk.

1 KORINTUS 10:14

Kerno'o, Saudaro-saudaro de uku kemasiak, lokba udi jengik te'adep tun de sembeak patung.

1 KORINTUS 7:15

Tapi amen tun de coa pecayo'o teminggea pengaten selaweine atau sematenne de Kristen, jibeak tema'en si. Lem hal yo saudari atau Saudaro'o bebas, sebab Allah lok supayo Saudaro idup ngen rukun.

1 KORINTUS 7:12

Ngen de luyen-luyenne, nasehat uku adeba: – dio nasehat uku suang, iso Tuhan – amen suang Kristen temuan pengaten selawei de coa pecayo ngen Kristus, pengaten selawei tujua utuk idup besamo-samo ngen si, tun'o coa buliak sema'ok pengaten selaweine.

KISAH RASUL-RASUL 9:17

Mako Ananias kulo lalau moi umeak o lajau meltok tangenne moi das Saulus. “Pasuak Saulus,” nadeak Ananias, “Tuhan Yesus de udi keliak neak tengeak dalen ketiko Pasuak gidong miyo, Siba de meluak uku teko supayo Pasuak nam kemliak igai, ngen penuak Roh Sucai.”

LUKAS 18:11

Tun Farisi o je ngen bedu'o lem ateine awei yo, ‘Au Allah, uku mucep syukur ngen Ko, kerno uku coa serai awei kute tun luyen, iso perapok, iso tun coa jujur, iso tun de berzinah ngen iso kulo awei penagiak pajak yo.

KISAH RASUL-RASUL 1:15

Sewaktau bilai o je ba Petrus neak tengeak-tengeak tun-tun do imen gidong bekopoa o, kekiro sotos duai puluak tun dau ne, lajau madeak,

1 KORINTUS 6:9

Jano udi namen bahwo tun-tun de coa motoa kelok Allah, coa bakea jijai anggota umat Allah? Jibeak keno pike! Tun-tun de menea uleak kidek, tun-tun de nyembeak patung, de nga'em, semanei de menea perbuatan kidek de semelek te'adep sesamo jenisne ngen pasanganne,