1 KORINTUS 4:7 - JANJAI BLAU Lem Bahaso Jang Bebilai

⁷ Api de manggap Saudaro lebiak kunei tun luyen? Iso kute sesuaktau Saudaro temimo kunei Allah? Jijai, getai lok ombong, seolah-olah jano de ade ngen Saudaro o iso sesuaktau de nelei?

1 KORINTUS 4:7 ပူးပေါင်းရင်းမြစ်များ

LUKAS 19:13

Ayok berakat Si menok depuluak hambane, lajau melei ngen tobo'o tiep tun dekeping caci mas, nadeakne, ‘Pakeiba dio utuk jagea sapei uku teko igai.’

YOHANES 1:16

Kerno kunei kepenuhan-Ne ite kute bi tenimo anugrah demi anugrah.

YOHANES 3:27

Jawab Yohanes, “Coa ade suang tun de dapet mok sesuatau bagiak dirai ne, amen coa nlei karunia ngen si kunei surgo.

ROMA 1:5

Liwet Si kulo Allah melei ngen uku karunio jijai rasul, supayo uku – utuk menghormati Kristus – mbimbing tun-tun kunei kute bangso supayo pecayo ngen taat.

ROMA 12:3

Das dasar kasih karunia de Allah nelei ngen uku, uku madeak ngen tiep tun neak antaro udi: Jibeakba meker hal-hal de lebiak lekat kunei de patut udi peker, tapi lokba udi peker ngen rendeak atei, sehinggo udi kemuaso dirai temurut ukuran imen, de nelei Allah ngen udi masing-masing.

ROMA 12:6

Awei'oba ite temuan karunio de coa serai temurut kasih karunio de nelei ngen ite: Amen karunio o adeba utuk melei namen bito kunei Allah, baikba ite meneane sesuai ngen imen ite.

1 KORINTUS 15:10

Tapi kerno rahmat Allah uku jijai awei keadaan uku de uyo. Coa percuma Allah mapun uku. Ukuba de kerjo lebiak benek kunei kute rasul de luyenne. Tapi sebeneane iso usaho ku; do usaho Allah de kemasiak uku ngen de kerjo besamo-samo uku.

1 KORINTUS 3:5

Sebeneane api Apolos o? Ngen Api Paulus o? Keme cuma pelayan-pelayan Allah, de sudo melei nasihat ngen udi utuk pecayo ngen Kristus. Keme cuma maneu kerjo de Tuhan nelei ngen keme masing-masing.

1 KORINTUS 5:6

Coa patut udi meraso ombong. Mukin udi bi namen peribahaso dio, “Agai de didik menea kute adonan jijai ngembang!”

1 KORINTUS 7:7

Sebeneane uku lebiak tujua amen kute tun jijai awei uku. Tapi masing-masing bi temimo karunio de khusus kunei Allah. Suang tun de temuan karunio yo, de luyen temuan karunio'o.

YAKOBUS 1:17

Tiep pelei de baik ngen hadiah de sempurno tekone kunei surgo, tenu'un Allah, Pencipto kute te'ang neak lenget. Siba Allah de coa bubeak, coa kulo jijai sembab tiep kelem.

1 PETRUS 4:10

Udi masing-masing sudo temimo pelei-pelei de coa serai kunei Allah. Sebab o sebagai tun de matur pelei-pelei Allah, lokba udi gemuno kepacok o utuk kepetingan besamo.