1 KORINTUS 4:6 - JANJAI BLAU Lem Bahaso Jang Bebilai

⁶ Saudaro-saudaro! Utuk kepentingannu, uku bi makei kutene o ngen Apolos ngen diraiku suang. Maksudne supayo kunei contoh keme o udi dapet belajea jano tai ungkapan, “Bepegongba pado peraturan de ade.” Ngen awei o coa suang tun kulo kunei udi dapet ombong tetang suang tun, lajau mino de luyen.

1 KORINTUS 4:6 ပူးပေါင်းရင်းမြစ်များ

KISAH RASUL-RASUL 18:24

Sementaro'o tekoba moi Efesus suang Yahudi genne Apolos. Si asalne kunei Aleksandria. Si pacok miling ngen kebiak paham tetang Kiteb Sucai.

KISAH RASUL-RASUL 19:1

Ketiko Apolos masiak neak Korintus, Paulus sudo kemliling daerah-daerah pelosok ngen sapei neak Efesus. Neak di si temau kekedau tun de sudo pecayo ngen Yesus.

ROMA 12:3

Das dasar kasih karunia de Allah nelei ngen uku, uku madeak ngen tiep tun neak antaro udi: Jibeakba meker hal-hal de lebiak lekat kunei de patut udi peker, tapi lokba udi peker ngen rendeak atei, sehinggo udi kemuaso dirai temurut ukuran imen, de nelei Allah ngen udi masing-masing.

1 KORINTUS 1:12

De uku maksud adeba bahwo neak antaro udi ade de madeak, “Uku motoa Paulus,” ade kulo de madeak, “Uku motoa Apolos,” de luyen madeak, “Uku motoa Petrus,” dong de luyen igai madeak, “Uku motoa Kristus.”

1 KORINTUS 1:19

Kerno ade tetulis: “Kebijaksanaan tun-tun arif bakea Uku kemacau, ngen tai tun-tun de temuan lemau bakea Uku menyep.”

1 KORINTUS 1:31

Kerno o, awei ade tetulis lem Alkitab, “Tun de lok bangga, harus bangga kerno jano de nea Tuhan.”

1 KORINTUS 13:4

Tun de kemasiak tun-tun luyen, tun o sabar ngen baik atei. Si coa nyebuau, coa ngike, coa ombong.

1 KORINTUS 3:19

Sebab de nanggap bijaksana ngen dunio adeba bodong bagiak Allah. Lem Kiteb Sucai tetulis, “Allah temakep tun-tun bijaksana lem kecerdikan tobo'o suang.”

1 KORINTUS 3:21

Kerno o, jibeakba suang tun kulo mujai manusio, sebab kutene o bi jijai ko de temuan:

1 KORINTUS 5:2

Kunyau awei o, udi masiak ombong. Sebelekne udi seharusne ibo ngen keluea kunei tun-tun de menea hal o.

1 KORINTUS 5:6

Coa patut udi meraso ombong. Mukin udi bi namen peribahaso dio, “Agai de didik menea kute adonan jijai ngembang!”

1 KORINTUS 8:1

Uyo tetang kembuk de nelei sebagai sedekeak ngen patung. Memang benea awei nadeak tun, “Ite kutene bi pacok.” Tapi kepacok o menea tun jijai ombong, sebelekne kasih mbangun pribadi tun.

1 KORINTUS 9:23

Kute o uku nea Bito Baik kunei Allah o, supayo uku kulo dapet berkat.

2 KORINTUS 10:12

Paset bae keme coa binai mbanding atau semrai dirai keme sederajat ngen tun-tun de manggap diraine lekat. Padeak bodongne tobo'o! Tobo'o o menea ukuran suang ngen menilai suang ngen ukuran o.

2 KORINTUS 10:15

Keme coa mujai dirai das pekerjaan de nea tun luyen neak penan kerjo de coa ade batas utuk keme. Tapi keme ma'ep bahwo amen imennu tambeak, keme bakea dapet hormat lebiak lai igai neak antaro udi, amen mbanding ngen penan kerjo de mbatas utuk keme.

2 KORINTUS 10:7

Lokba udi sadar ngen keadaan de sebeneane. Amen suang tun yakin bahwo si de Kristus temuan, lokba si tinget diraine suang ngen sadar bahwo keme kulo de Kristus temuan awei si.

2 KORINTUS 11:4

Sebab udi sabar bae, amen ade suang tun teko melei bito Yesus de luyen kuneipado de sudo keme melei namen, atau melei ngen udi roh de luyen de sudo udi temimo atau Bito Baik de luyen kuneipado de sudo udi temimo.

2 KORINTUS 12:19

Bi an agokne udi sako bahwo keme lok mbela dirai te'adep udi. Neak adep Allah ngen demi Kristus keme madeak: Kutene yo, Saudaro-saudaroku terkasih, tejijai utuk mbangun imen udi.

2 KORINTUS 12:20

Uku khawatir bahwo pado waktau uku mulau udi be, uku kemliak udi coa awei jano de uku lok, ngen udi kulo bakea kemliak uku coa awei de udi lok. Jibeak sapei be ade de tekea, iri atei, panes atei, mementingkan dirai suang, fitneak, majung, ombong ngen kemacau.

2 KORINTUS 12:6

Seandaine uku lok kulo mbangga sesuaktau, uku coa lok jijai tukang mike de miling coa benea. Tapi uku temaen diraiku, supayo jibeak ade tun de peker tetang uku lebiak kuneipado de tobo'o kemliak ngen uku atau de tobo'o temi'uk kunei uku.

2 KORINTUS 4:15

Kutene o adeba utuk kepentingannu. Sebab tambeak dau tun meding kasih Allah, tambeak dau kulo du'o syukur de senapei ngen Allah; ngen awei o Allah mulio.

KOLOSE 2:18

Jibeakba udi munyau dirainu rugai ngen tun de aweine merendeak dirai ngen sembeak malaikat-malaikat. Tun o ombong ngen pekeran-pekeranne de duniawi ngen mengagung-agungkan pengeliak-pengeliakne de khusus,

1 TESALONIKA 1:5

Sebab keme semapei Bito Baik ngen udi iso ngen kecek-kecek bae, tapi kulo ngen kuaso Roh Allah. Ngen keme yakin sekilai ngen kebenaran Bito Baik o. Udi namen awei ipe keme idup utuk kepetingannu ketiko keme ade neak tengeak-tengeak udi.

2 TIMOTIUS 2:10

Do'oba sebabne uku sabar temanggung kutene o demi kepentingan tun-tun de sudo niliak Allah, supayo tobo'o kulo dapet keselamatan de nelei liwet Kristus Yesus, ngen kemulioan de kekal.