1 KORINTUS 4:17 - JANJAI BLAU Lem Bahaso Jang Bebilai

¹⁷ Utuk o uku bi mutus Timotius ngen ko. Sebagai penotoa Kristus, si serai awei anokku suang de uku sayang. Si anok de dapet uku pecayo. Be si bakea minget udi tetang ca'o idup de uku totoa sesudo pecayo ngen Kristus, adeba ca'o idup de uku majea neak tiep jemaat neak ipe bae.

1 KORINTUS 4:17 ပူးပေါင်းရင်းမြစ်များ

1 KORINTUS 16:10

Amen Timotius teko, senambutba si ngen baik supayo si meraso tunggea neak antaro udi, sebab si awei uku kulo bekerjo utuk Tuhan.

1 KORINTUS 7:17

Lokba masing-masing matur kehidupanne temurut nasehat Tuhan awei de sudo tentau Allah bagiakne pado waktau Allah menokne utuk pecayo ngen-Si. Do, oba peraturan de uku najea neak tiep-tiep jemaat.

1 KORINTUS 16:1

Uyo tetang caci de udi lok sendekeak ngen sesamo tun Kristen, uku semayo supayo udi menea sesuoi petunjuk de uku melei ngen jemaat-jemaat neak Galatia.

1 KORINTUS 14:33

Allah adeba Allah de galok ngen ketertiban; Si iso Allah de galok pado kekacauan. Awei de belakau neak lem kute jemaat Allah,

WAHYU 2:10

Jibeakba saben te'adep penderitaan de coa an igai harus udi meding. Tinget, Iblis bakea embin kekedau kunei udi masuk lem sel utuk cemubo udi. Udi bakea saro puluak bilai an ne. Lokba udi setia ngen Uku sapei matei, mako Uku bakea melei ngen udi idup sejati ngen kekal sebagai hadiah kemenangan.

1 KORINTUS 11:2

Uku mujai udi sebab udi bogoa minget uku ngen temotoa ajaran de uku nelei ngenko.

1 KORINTUS 7:25

Uyo tetang tun-tun de ati nikeak. Tetang hal'o, uku coa temimo periteak kunei Tuhan. Tapi sebagai tun de kerno rahmat Tuhan patut cenayo, uku lok melei nasehat ku.

WAHYU 2:13

Uku namen neak ipe udi tinggea, neak penan Iblis tinggea. Udi setia ngen Uku. Mala ketiko Antipas, saksai Uku de setia o, nunuak neak adep udi neak penean Iblis tinggea, udi coa murtad bahwo udi pecayo ngen Uku.

2 TIMOTIUS 3:10

Tapi ko bi temotoa ajaran-ajaran uku, ca'o idupku, ngen tujuan idupku. Ko bi kemliak suang awei ipe uku sungguak-sungguak pecayo ngen Yesus Kristus ngen mengasihi sesamo manusio. Ko kulo namen kesabaran ngen ketabahan uku.

2 TIMOTIUS 2:2

Ajaran de bel'o bi ko temi'uk kunei uku neak adep tun dau, lokba ko minoi supayo najea kulo ngen tun-tun de dapet pecayo ngen de pacok majea tun luyen.

KOLOSE 4:9

Onesimus bakea lalau besamo-samo Tikhikus; si suang kunei udi. Si tun de setia, ngen keme sayang ngen si. Onesimus ngen Tikhikus bakea melei namen ngen udi kekutene de tejijai neak penan uku yo.

KOLOSE 1:7

Kutene o bi udi namen kunei Epafras, kuat de keme sayang. Si adeba pekerjo Kristus de setia bekerjo utuk kepetingan te.

FILIFI 2:19

Tapi lem Tuhan Yesus kuma'ep segro mbo Timotius ngenko, supayo tenang kulo ateiku kerno bito tetang udi.

EFESUS 6:21

Supayo udi namen keadaanku ngen kerjoku, mako Tikhikus, saudarote ngen pelayan de setia lem kerjo Tuhan, bakea melei namen ngen udi kute sesuaktau tetang uku.

1 KORINTUS 11:16

Kerno o, amen ade de lok tekea tetang masalah yo, uku cuma dapet madeak bahwo baik ite atau jemaat Allah luyenne, cuma temuan kebiasaan lem jemaat; luyen kunei do'o coa gen.

1 KORINTUS 4:15

Sebab ukuba de jijai bak udi, mukin sebagai tun Kristen, udi bi temuan puluak ribau gu'au. Neak lem idupnu sebagai tun-tun de jijai do ngen Kristus, uku de jijai baknu, kerno uku de mbin Bito Baik tetang Kristus ngen ko.

MATIUS 25:23

‘Baes,’ nadeak tuan'o, ‘Ko pelayan de baik ngen setia. Kerno ko dapet uku pecayo ngen de didik, uku bakea pecayo dedau ngenko. Masukba ngen milem beriang-riang ngen uku!’

MATIUS 25:21

‘Baes,’ nadeak tuan'o, ‘Ko adeba pelayan de baik ngen setia. Kerno ko dapet Uku pecayo ngen de didik, uku bakea pecayo dedau ngen ko. Masukba milem beriang-riang ngen uku!’

MATIUS 24:45

Nadeak Yesus igai, “Amen awei'o de ipe de setia ngen pacok? Siba de naket tuanne ijai pemipin pelayan-pelayan de luyen supayo si melei tobo'o kembuk pado waktaune.

1 KORINTUS 4:2

De pertamo sekilai tenuntut kunei pelayan de awei yo adeba bahwo si setia ngen tuanne.

KISAH RASUL-RASUL 16:1

Paulus teko kulo moi Derbe ngen moi Listra. Neak di ade suang penotoa de genne Timotius. Indokne suang tun Yahudi ngen bi pecayo, dong tiakne suang tun Yunani.

1 KORINTUS 4:14

Uku temulis dio iso utuk menea udi jijai selek, tapi utuk melei nasihat udi awei anok-anokku suang.

1 KORINTUS 11:34

Amen ade de nyemen, si harus mbuk dute neak dasei. Amen udi dulai ngen hal yo mako semyangnu coa bakea dapet ukuman kunei Allah kerno dirainu suang. Tetang masalah-masalah de luyen, bakea uku jemlas ngen udi, amen uku teko konyo.

2 KORINTUS 8:18

Besamo ngen si keme mbo kulo suang saudaro de kebiak dihormati neak kute jemaat kerno kerjono melei namen Bito Baik kunei Allah.

FILIFI 2:22

Udi suang sudo kemliak buktine bahwo Timotius beguno. Si bi kerjo benek besamo uku utuk melei namen Bito Baik kunei Allah. Keme beduai awei anok ngen bapok bae.

1 TIMOTIUS 1:18

Tugas yo uku melei ngen ko, Timotius anokku, sesuoi ngen pesen Allah de senapei nebai-nebai lem jemaat tetang dirainu. Lokba pesen o jijai bekal utuknu lem perjuangan de baik.

TITUS 1:5

Uku teminggea ko neak Kreta supayo ko dapet murus hal-hal de masiak perlu natur. Kulo, supayo ko maket pemipin-pemipin jemaat neak tiep kota. Tingetba ngen petunjuk-petunjukku yo: