1 KORINTUS 4:14 - JANJAI BLAU Lem Bahaso Jang Bebilai

¹⁴ Uku temulis dio iso utuk menea udi jijai selek, tapi utuk melei nasihat udi awei anok-anokku suang.

1 KORINTUS 4:14 ပူးပေါင်းရင်းမြစ်များ

1 TESALONIKA 2:11

Udi namen bahwo keme manggap udi awei suang bapok te'adep anok-anokne.

3 YOHANES 1:4

Coa ade de dapet menea uku kembiak riang, kunei pado temi'uk bahwo anok-anok uku idup temurut ajaran Allah

1 KORINTUS 9:15

Tapi ati perneak uku makei do kulo kunei hok-hok o. Uku temulis su'et yo iso kulo ngen maksud supayo hal-hal o de nea uyo te'adep uku. Lebiak uku matei kunei kelnyep hal de uku mbangga o.

1 KORINTUS 4:15

Sebab ukuba de jijai bak udi, mukin sebagai tun Kristen, udi bi temuan puluak ribau gu'au. Neak lem idupnu sebagai tun-tun de jijai do ngen Kristus, uku de jijai baknu, kerno uku de mbin Bito Baik tetang Kristus ngen ko.

1 TESALONIKA 5:14

Keme minoi kulo, Saudaro-saudaro, tena'okba bebaik tun de coa lok kerjo, hiburba atei tobo'o de saben, tulungba tun de perlu tenulung ngen sabarba te'adep kute tun.

KOLOSE 1:28

Kristus'oba de keme melei namen ngen tiep tun. Keme minget ngen majea tobo'o kutene ngen kute kebijaksanaan. Tujuan keme adeba supayo tiep tun dapet nemin ngen Allah, sebagai tun de lai lem hal-hal rohani, kerno bi jijai do ngen Kristus.

2 KORINTUS 12:19

Bi an agokne udi sako bahwo keme lok mbela dirai te'adep udi. Neak adep Allah ngen demi Kristus keme madeak: Kutene yo, Saudaro-saudaroku terkasih, tejijai utuk mbangun imen udi.

2 KORINTUS 11:11

Getai uku madeak awei o? Jano kerno uku coa mengasihi udi? Allah namen uku mengasihi.

2 KORINTUS 7:3

Uku madeak awei yo, iso utuk mukum udi, sebab nano bi uku madeak bahwo udi bi dapet penan neak lem atei keme, sehinggo ite sehidup sematei.

1 KORINTUS 15:34

Sadarba uyo, ngen jibeak igai menea duso. Seharusne udi selek, bahwo neak antaro udi ade de ati kemnal Allah.

1 KORINTUS 6:5

Hal yo uku madeak utuk semelek udi. Paset neak antarone ade suang tun de cukup bijaksano utuk semlesei sutok antaro Saudaro-saudaro de sesamo Kristen.

KISAH RASUL-RASUL 20:31

Kerno o bejago-jagoba! Inget bahwo telau taun anne ngen dau bioa matai, pueng kelmen uku coa perneak bedan majea tiep tun kunei udi.

1 KORINTUS 4:17

Utuk o uku bi mutus Timotius ngen ko. Sebagai penotoa Kristus, si serai awei anokku suang de uku sayang. Si anok de dapet uku pecayo. Be si bakea minget udi tetang ca'o idup de uku totoa sesudo pecayo ngen Kristus, adeba ca'o idup de uku majea neak tiep jemaat neak ipe bae.

2 TESALONIKA 3:14

Amen ade tun de coa lok temi'uk jano de keme nadeak lem su'et yo. Waspadaba te'adep tun awei o ngen jibeak begaul ngen si supayo si selek.

FILEMON 1:10

Uku, Paulus, minoi ngen ko tetang Onesimus, anok uku de lem Kristus. Sebab neak lem sel yo uku bi jijai bak aketne.

1 YOHANES 2:1

Anok-anokku! Uku temulis dio ngen udi supayo udi jibeak menea duso. Tapi amen ade de menea duso, mako ite temuan suang pembela, adeba Yesus Kristus de adea o; Si bakea minoi nien utuk ite neak adep Bapa.