1 KORINTUS 4:12 - JANJAI BLAU Lem Bahaso Jang Bebilai

¹² keme kerjo keras utuk mesoa kembuk. Amen keme senupeak, keme males ngen berkat; amen keme senikso, keme sabar;

1 KORINTUS 4:12 ပူးပေါင်းရင်းမြစ်များ

1 PETRUS 3:9

Jibeakba males kejahatan ngen kejahatan, atau caci maki ngen caci maki; sebelekne malesba ngen minoi berkat kunei Allah. Sebab Allah menok udi justru supayo udi temimo berkat kunei Allah.

MATIUS 5:11

Allah melei rahmat ngen udi amen tun luyen madeak ko jahat, senikso ngen de pitneak kerno Uku.

ROMA 12:14

Meleiba berkat ngen api de semikso udi, meleiba berkat ngen jibeak mengutuk!

ROMA 12:20

Tapi, amen musuaknu nyemen, meleiba si mukmei; amen si aus, meleiba si bioa! Amen menea awei o, saudaro bakea menea si jijai selek.

KISAH RASUL-RASUL 18:3

Kerno tobo'o menea kerjo de serai, si tinggea besamo-samo tobo'o. Tobo'o kerjo besamo-samo, kerno tobo'o sesamo tukang menea kemah.

LUKAS 6:28

minoiba berkat bagiak tun de kemutuk ko; bedu'oba bagiak tun de kemidek ko.

1 PETRUS 3:14

Tapi kunyau udi harus saro kerno menea hal-hal de baik, udi butung! Jibeakba saben ngen api bae, jibeak khawatir.

1 PETRUS 2:23

Pado waktau Si nino, Si coa males ngen mino. Waktau Si menderito, Si coa macem; Si cuma semreak pekaro-Ne ngen Allah, Hakim de adea o.

LUKAS 23:34

Yesus bedu'o, “Au Bapa! Napunba tobo'o, sebab tobo'o coa namen jano de tobo'o nea.” Ngen tobo'o muang lotre utuk magiak bajau Yesus.

MATIUS 5:44

Tapi uyo Uku madeak ngen udi; kemasiakba musuaknu ngen bedu'oba utuk tobo'o de senikso udi,

KISAH RASUL-RASUL 7:60

Lajau si sujud ngen menggang ngen sa'ei lek, “Tuhan, jibeakba duso yo tenanggung moi das tobo'o!” Sesudo madeak awei o si matei.

YOHANES 15:20

Tinget ba jano de sudo Uku madeak ngen udi: ‘Suang pelayan coa ba lebiak lekat kunei tuanne.’ Amen tobo'o bi temotoa firman-Ku, tobo'o kulo bakea temotoa keceknu.

YUDAS 1:9

Mikhael suang de jijai pemipin malaikat-malaikat, coa perneak menea awei o. Waktau si tekea ngen Iblis lem selisiak tetang api de bakea dapet mayit Musa, Mikhael coa binai mukum Iblis ngen kecek-kecek de coa baik. Mikhael cuma madeak, “Tuhan bakea mengiak ngen ko!”

1 TIMOTIUS 4:10

Do'oba sebabne ite berjuang ngen kerjo keras, sebab ite ma'ep sepenuakne ngen Allah de idup; Siba penyelamat kute tun, terutamo tun-tun de pecayo.

2 TESALONIKA 3:8

Keme coa mbuk kembuk tun ngen coa masenne. Sebelekne kebilai kelmen keme bekerjo setengeak matei supayo keme coa semaro api kulo kunei antaro udi.

1 TESALONIKA 2:9

Paset udi masiak tinget awei ipe keme berusaho ngen berjuang. Lueng kelmen keme bekerjo supayo keme coa semaro suang tun kulo kunei udi sewaktau keme melei namen Bito Baik de kunei Allah o ngen udi.

1 KORINTUS 9:6

Atau cuma Barnabas ngen uku bae de seharusne mesoa nafkah suang?

KISAH RASUL-RASUL 20:34

Udi suang namen, bahwo ngen tenago uku suang uku kerjo utuk keperluanku ngen kekuatku de milau ngen uku.

1 PETRUS 4:19

Sebab o, amen ade tun-tun de menderita kerno Allah lok awei yo, lokba tun-tun o idup ngen benea ngen mempercayakan dirai ngen Pencipta tobo'o. Si bakea bogoa tempat janjai-Ne.

ROMA 8:35

Api de bakea cem'ei ite kunei kasih Kristus? Penindasan, saro, sikso, nyemen, beleseng, bahayo, atau pedang?

2 KORINTUS 11:8

Pado waktau uku melayan udi, uku nelei biaya ngen jemaat-jemaat luyen. Buliak nadeak uku menea jemaat-jemaat o rugai supayo dapet temulung udi.

EFESUS 4:28

Tun de galok maling, jibeakba si maling igai. Sebelekne si harus kerjo supayo dapet nafkahne ngen jujur, dapet mulung tun de peset.