1 KORINTUS 4:1 - JANJAI BLAU Lem Bahaso Jang Bebilai

¹ Anggepba keme pelayan-pelayan Kristus, de betanggung jawab melei namen rencano-rencano Allah de ati dunio namen.

1 KORINTUS 4:1 ပူးပေါင်းရင်းမြစ်များ

MATIUS 13:11

Yesus jemawab, “Sebab udi bi nelei rahmat utuk namen resio tetang awei ipe Allah meriteak, tapi tobo'o coa.

MATIUS 24:45

Nadeak Yesus igai, “Amen awei'o de ipe de setia ngen pacok? Siba de naket tuanne ijai pemipin pelayan-pelayan de luyen supayo si melei tobo'o kembuk pado waktaune.

MARKUS 4:11

Si-jemawab, “Udi bi nelei resio tetang awei ipe Allah meriteak sebagai Rajo, tapi ngen tun-tun luyen kute sesuatau de senapei lem perumpamo,

LUKAS 1:2

Tobo'o semapeine ngen ite. Tobo'o kunei semulo adeba saksai matai ngen pelayan Firman.

LUKAS 12:42

Jawab Tuhan, “Jijai, api pelayan umeak de setia ngen bijaksana de bakea naket tuanne jijai pemipin das kute pelayanne utuk melei kembuk ngen tobo'o pado waktaune?

LUKAS 8:10

Lajau Yesus jemawab, “Ngen ko nelei karunio utuk namen resio Allah meriteak sebagai Rajo, tapi ngen tun-tun luyen hal o nelei namen lem perumpamo, supayo kunyau kulo demnong, tobo'o coa kemliak ngen kunyau kulo temi'uk, tobo'o coa ngertai.”

ROMA 11:25

Sebab, saudaro-saudaro, supayo udi jibeak manggap dirainu pacok, uku lok udi namen resio yo: Pa'o kunei Israel bi jijai telok atei sapei jumleak de penuak kunei bangso-bangso luyen bi masuk.

ROMA 16:25

Tepujaiba Allah! Si bekuaso kemuet imen Saudaro sesuai ngen Bito Baik kunei Allah de uku melei namen tetang Yesus Kristus. Uku melei namen bito o sesuai ngen jano de nelei namen Allah; adeba tetang rencano Allah de sudo berabad-abad anne coa tun namen.

1 KORINTUS 2:7

Tapi de keme melei namen adeba kebijaksanaan kunei Allah. Kebijaksanaan o coa namen ngen dunio, tapi Allah bi semiapne utuk kebahagiaan ite ayok dunio yo jenijai.

1 KORINTUS 3:5

Sebeneane api Apolos o? Ngen Api Paulus o? Keme cuma pelayan-pelayan Allah, de sudo melei nasihat ngen udi utuk pecayo ngen Kristus. Keme cuma maneu kerjo de Tuhan nelei ngen keme masing-masing.

1 KORINTUS 4:13

amen tun kemidek keme, keme males ngen kecek-kecek de baik. Keme coa lebiak kunei sampah dunio; sapei uyo keme masiak nanggap awei sampah bumai.

1 KORINTUS 4:2

De pertamo sekilai tenuntut kunei pelayan de awei yo adeba bahwo si setia ngen tuanne.

2 KORINTUS 11:23

Jano tobo'o pelayan Kristus? – uku madeak awei tun iloa – uku lebiak igai! Uku kerjo lebiak giat; lebiak galok neak lem sel; uku lebiak dau senikso, cet gesea matei.

2 KORINTUS 12:6

Seandaine uku lok kulo mbangga sesuaktau, uku coa lok jijai tukang mike de miling coa benea. Tapi uku temaen diraiku, supayo jibeak ade tun de peker tetang uku lebiak kuneipado de tobo'o kemliak ngen uku atau de tobo'o temi'uk kunei uku.

2 KORINTUS 4:5

Bito de keme semapei o isoba bito tetang dirai keme suang. Bito o adeba bito tetang Yesus Kristus; bahwo Si adeba Tuhan; ngen keme adeba hamba-hambanu kerno Si.

2 KORINTUS 6:4

Sebelekne, lem kute hal, keme melei namen bahwo keme adeba hamba-hamba Allah. Sebab, kute mecem saro bi keme temimo ngen sabar:

EFESUS 1:9

Sebab Allah bi melei namen ngen ite resio rencano-Ne, Si bi melei keputusan bahwo rencano-Ne o bakea senlesei liwet Kristus.

EFESUS 6:19

Ngen bedu'oba kulo utuk uku, supayo pado waktau uku miling, Allah melei ngen uku kecek-kecek de benea, supayo uku ngen binai melei namen resio Bito Baik o.

KOLOSE 2:2

Kutene yo uku menea supayo atei tobo'o jijai kuet ngen tobo'o sesamo mengasihi sehinggo tobo'o kuet bersatu. Ngen awei o tobo'o sungguak-sungguak ngertai ngen yakin serto namen resio Allah, adeba Kristus.

KOLOSE 4:3

Bedu'oba kulo utuk keme supayo Allah melei ngen keme kesepatan de baik utuk melei namen bito tetang resio Kristus. Kerno hal o ba mako uku uyo yo ade neak lem sel.

1 TIMOTIUS 3:16

Coa suang kulo dapet temulok, padeak kelaine resio agamo te: Si kemten dirai lem rupo manusio, ngen de benea lem Roh, serto kenliak para malaikat. Bitone sapei neak antaro bangso-bangso, ngen Si cenayo neak kute dunio ngen naket moi surgo.

1 TIMOTIUS 3:6

Suang pekerjo jemaat coa buliak tun de tembei jijai Kristen, sebab be si jijai ombong lajau keno hukuman awei Iblis bel'o.

1 TIMOTIUS 3:9

Tobo'o harus bepegong teguh ngen atei nurani de sucai pado ajaran kepercayaan Kristen de sudo Allah melei namen.

TITUS 1:7

Tun de kerjo neak jemaat adeba tun de murus kerjo Allah, si coa buliak tun de coa baik. Si coa buliak ombong atau gacang mengiak, atau tukang mabuk, galok belago, atau bogoa meker caci.

1 PETRUS 4:10

Udi masing-masing sudo temimo pelei-pelei de coa serai kunei Allah. Sebab o sebagai tun de matur pelei-pelei Allah, lokba udi gemuno kepacok o utuk kepetingan besamo.