1 KORINTUS 3:5 - JANJAI BLAU Lem Bahaso Jang Bebilai

⁵ Sebeneane api Apolos o? Ngen Api Paulus o? Keme cuma pelayan-pelayan Allah, de sudo melei nasihat ngen udi utuk pecayo ngen Kristus. Keme cuma maneu kerjo de Tuhan nelei ngen keme masing-masing.

1 KORINTUS 3:5 ပူးပေါင်းရင်းမြစ်များ

MATIUS 25:15

Ngen tiep pelayan'o si melei temurut pacokne masing-masing ngen suang tun si melei lemo ribau caci mas. Ngen de luyenne duai ribau caci mas. Ngen de su'ang igai si melei seribau caci mas. Lajau si berakat.

LUKAS 1:2

Tobo'o semapeine ngen ite. Tobo'o kunei semulo adeba saksai matai ngen pelayan Firman.

YOHANES 3:27

Jawab Yohanes, “Coa ade suang tun de dapet mok sesuatau bagiak dirai ne, amen coa nlei karunia ngen si kunei surgo.

KISAH RASUL-RASUL 18:24

Sementaro'o tekoba moi Efesus suang Yahudi genne Apolos. Si asalne kunei Aleksandria. Si pacok miling ngen kebiak paham tetang Kiteb Sucai.

KISAH RASUL-RASUL 19:1

Ketiko Apolos masiak neak Korintus, Paulus sudo kemliling daerah-daerah pelosok ngen sapei neak Efesus. Neak di si temau kekedau tun de sudo pecayo ngen Yesus.

ROMA 15:16

Si bi menea uku jijai pelayan Kristus Yesus utuk nutus ngen bangso-bangso de iso Yahudi. Ngen uku bertindak sebagai imem, de melei namen Bito Baik kunei Allah, supayo tun-tun iso Yahudi jijai suaktau persembahan ngen Allah de dapet tenimo-Ne. Semoga Roh Allah menea tobo'o jijai suaktau persembahan de khusus utuk Allah.

1 KORINTUS 12:28

Awei'o kulo neak lem jemaat, Allah sudo temtau penan utuk dau tun: Mulo-mulo rasul-rasul; keduai nebai-nebai, ketelau gu'au-gu'au lajau tobo'o de menea keajaiban-keajaiban, sudo'o tobo'o de nelei karunio utuk kema'en tun, atau utuk temulung tun luyen atau utuk mipin, atau kulo utuk miling ngen bebagoi bahaso de ajaib.

1 KORINTUS 16:12

Tetang Saudaro ite Apolos, sudo kekedau kilai uku musul si supayo si besamo Saudaro de luyen lalau semulau udi. Tapi si ati meraso yakin bahwo si harus lalau uyo. Tapi amen ade kesempatan konyo, paset si bakea teko.

1 KORINTUS 3:10

Sesuoi ngen anugerah Allah, uku sebagai ahli bangunan bi mpek pondasi utuk gedung o, tun luyen temgok gedung neak das pondasi o. Tiep tun harus kemliak bebaik awei ipesi mbangun neak das pondasi o.

1 KORINTUS 3:22

Paulus, Apolos, Petrus, dunio yo, idup ngen matei, zaman yo jano zaman de bakea teko, kutene o adeba ko de temuan.

1 KORINTUS 3:7

Jijai de penting adeba Allah, sebab Siba de midupne. De temanem ngen de semiram coa penting.

1 KORINTUS 9:17

Amen uku maneu kerjo o das kelok uku suang, mako uku buliak ma'ep utuk dapet upeak. Tapi uku melei namen Bito Baik o justru kerno kewajiban. Uku tenugas Allah utuk maneu o.

2 KORINTUS 11:23

Jano tobo'o pelayan Kristus? – uku madeak awei tun iloa – uku lebiak igai! Uku kerjo lebiak giat; lebiak galok neak lem sel; uku lebiak dau senikso, cet gesea matei.

2 KORINTUS 3:3

Tobo'o suang dapet kemliak bahwo Saudaro adeba su'et de tenulis Kristus, de mbo liwet keme. Su'et o tenulis iso ngen dawat, tapi ngen Roh Allah de idup; iso kulo neak das butau tulis, tapi neak lem atei manusio.

2 KORINTUS 3:6

Sanggup jijai pelayan-pelayan kunei suaktau janjai blau, janjai de kunei Allah, iso kunei hukum de tetulis. Sebab de tetulis o mbin matei, sedangkan Roh Allah o melei idup.

2 KORINTUS 4:1

Keme menea kerjo yo kerno Allah baik. Do'o sebabne keme coa putus asa.

2 KORINTUS 4:5

Bito de keme semapei o isoba bito tetang dirai keme suang. Bito o adeba bito tetang Yesus Kristus; bahwo Si adeba Tuhan; ngen keme adeba hamba-hambanu kerno Si.

2 KORINTUS 4:7

Tapi hok rohani de baes o keme mbin pado dirai keme de coa bego yo de nea kunei pitok. Ngen awei o nyatoba bahwo laine kuaso o ade ngen Allah ngen iso ngen keme.

2 KORINTUS 5:18

Kutene yo kunei Allah, ngen perantaraan Kristus bi ndamoi ite ngen dirai-Ne, ngen Kristus bi melei kepercayaan pelayanan perdamaian o ngen keme.

2 KORINTUS 6:1

Kerno keme kerjo besamo-samo Allah, mako keme minoi nien jibeakba udi coa dulai baikne atei Allah o.

2 KORINTUS 6:4

Sebelekne, lem kute hal, keme melei namen bahwo keme adeba hamba-hamba Allah. Sebab, kute mecem saro bi keme temimo ngen sabar:

EFESUS 3:7

Kunei Bito Baik o uku bi jijai pelayanne temurut pelei anugerah Allah, de nelei ngen uku liwet kuaso Allah de kerjo neak lem diraiku.

KOLOSE 1:23

Sebab o udi harus tep setia pecayo ngen kepercayaannu. Jibeak sapei udi muang harapan de sudo nelei ngen udi ketiko udi temimo Bito Baik kunei Allah. Bito o bi nelei namen ngen kute tun neak kute dunio. Ngen utuk do'oba kulo uku, Paulus, bi jijai pelayan.

KOLOSE 1:25

Allah meluak uku jijai pelayan jemaat-Ne utuk kepentingannu. Uku harus semapei bito kunei Allah kutene.

1 TIMOTIUS 1:12

Uku mucep syukur ngen Kristus Yesus Tuhan ite. Si bi melei kekuatan ngen uku utuk melayan Si, ngen Si manggap uku patas utuk tugas o,

1 PETRUS 4:10

Udi masing-masing sudo temimo pelei-pelei de coa serai kunei Allah. Sebab o sebagai tun de matur pelei-pelei Allah, lokba udi gemuno kepacok o utuk kepetingan besamo.