1 KORINTUS 3:16 - JANJAI BLAU Lem Bahaso Jang Bebilai

¹⁶ Jano udi namen bahwo udi adeba Bait Allah? Ngen bahwo Roh Allah tinggea neak lem udi?

1 KORINTUS 3:16 ပူးပေါင်းရင်းမြစ်များ

YOHANES 14:17

Si'oba Roh kebenea. Dunio coa dapet temimo Si, sebab dunio coa kemliak Si ngen coa namen ngen Si. Tapi udi namen ngen Si, sebab Si semerto udi, bakea diem neak lem udi.

ROMA 6:16

Jano udi coa namen, bahwo amen udi semreak dirainu ngen suang tun sebagai hamba utuk tunduk ngen si, udi adeba hamba tun o, de harus udi tunduk, baik lem duso de mipin udi ngen kematian, atau lem ketaatan de mipin udi ngen kebenaran?

ROMA 6:3

Atau udi coa namen, bahwo ite kute de sudo dibaptis lem Kristus, bi baptis lem kematian-Ne?

ROMA 8:11

Ngen amen Roh Allah, de sudo midup igai Yesus kunei antaro tun matei, tinggea neak lem udi, mako Si, de sudo midup igai Kristus Yesus kunei antaro tun matei, bakea midup kulo awoknu de fana o ngen Roh-Ne, de ade neak lem udi.

ROMA 8:9

Tapi udi coa idup lem tabi'at manusio, tapi lem Roh, amen nien Roh Allah diem neak lem udi. Tapi amen tun coa temuan Roh Kristus, si iso de Kristus temuan.

1 KORINTUS 3:17

Amen ade tun musak Bait Allah, Allah kulo bakea musak tun o. Sebab Bait Allah adeba khusus utuk Allah bae, ngen udi adeba Bait Allah o.

1 KORINTUS 3:9

Keme adeba samo-samo kerjo utuk Allah; ngen udi adeba awei kebun Allah. Saudaro-saudaro adeba awei gedung Allah.

1 KORINTUS 5:6

Coa patut udi meraso ombong. Mukin udi bi namen peribahaso dio, “Agai de didik menea kute adonan jijai ngembang!”

1 KORINTUS 6:16

Atau mukin udi ati namen bahwo tun de capua ngen selawei nakea, jijai do ngen selawei nakea o! Sebab lem Kiteb Sucai tetulis, “Keduaine jijai do.”

1 KORINTUS 6:19

Udi harus namen bahwo awoknu adeba penan tinggea Roh Allah. Roh o tinggea neak lem udi. Ngen Allah suangba de melei roh o ngen udi. Awok Saudaro iso de ko temuan. Do'o Allah de temuan.

1 KORINTUS 6:9

Jano udi namen bahwo tun-tun de coa motoa kelok Allah, coa bakea jijai anggota umat Allah? Jibeak keno pike! Tun-tun de menea uleak kidek, tun-tun de nyembeak patung, de nga'em, semanei de menea perbuatan kidek de semelek te'adep sesamo jenisne ngen pasanganne,

1 KORINTUS 9:13

Saudaro paset namen bahwo tun de kerjo neak Bait Allah temimo kembuk tobo'o kunei Bait Allah. Tun-tun de murus penan sedekeak, dapet pao kunei sedekeak'o.

1 KORINTUS 9:24

Saudaro paset namen bahwo neak lem perlombaan, kute peserta milau mlilai, tapi cuma do tun de temimo hadiah. Sebab o mlilaiba awei o sehinggo Saudaro temimo hadiahne.

2 KORINTUS 6:16

Jano hubunganne Bait Allah ngen umeak berhala? Ite yo Bait Allah, adeba Allah de idup. Allah suang madeak, “Uku bakea tinggea besamo-samo ngen tobo'o, ngen idup neak tengeak-tengeak tobo'o. Uku bakea jijai Allah tobo'o, ngen tobo'o bakea jijai umat-Ku.

1 TIMOTIUS 3:15

supayo amen uku cendok, ko bi namen awei ipe ite harus idup sebagai keluargo Allah, adeba jemaat Allah de idup. Jemaat dioba de adeba tiang penegok ngen pendukung ajaran de benea kunei Allah.

2 TIMOTIUS 1:14

Ngen tulung kunei Roh Allah de idup neak lem ite, lokba ko jemago baik-baik hal-hal de bego de sudo cayo ngen udi.

IBRANI 3:6

Tapi Kristus setia sebagai Anok de betanggung jawab das Umeak Allah. Ite adeba Umeak Allah, amen ite tep semangat ngen tep yakin utuk dapet jano de ite kenlok.

YAKOBUS 4:4

Udi adeba tun de coa setia? Jano udi namen bahwo amen udi bekuat ngen dunio, mako udi jijai musuak Allah? Jijai api de lok kuat dunio yo, si jemijai diraine musuak Allah.

1 PETRUS 2:5

Udi awei butau-butau de idup. Kerno o lokba udi nakeine utuk temgok Umeak Allah de rohani. Ngen awei o udi jijai imem-imem, de idup khusus utuk Allah, de liwet Yesus Kristus melei persembahan ngen Allah, kurban rohani de sesuai neak atei Allah.

1 YOHANES 4:12

Coa ade suang kulo de perneak kemliak Allah, tapi amen ite samo-samo mengasiak, Allah jijai do ngen ite, kasih-Ne jijai sempurno lem dirai ite.