1 KORINTUS 3:14 - JANJAI BLAU Lem Bahaso Jang Bebilai

¹⁴ Amen gedung de temgok tun neak das pondasi o taen opoi, tun o bakea temimo upeakne.

1 KORINTUS 3:14 ပူးပေါင်းရင်းမြစ်များ

1 KORINTUS 3:8

Baik de temanem atau de semiram adeba serai. Memasing bakea temimo upeakne sesuoi ngen usahone suang.

1 KORINTUS 4:5

Kerno o, jibeakba mukum ayok waktaune, mbotba sapei Tuhan teko be. Allahba de bakea mukok kute resio-resio de coa keten lem kegelapan. Allahba de bakea mukok kute niat de tependam lem atei manusio. Pado waktau o baruba tiep tun temimo kunei Allah de patas tenimone.

1 KORINTUS 9:17

Amen uku maneu kerjo o das kelok uku suang, mako uku buliak ma'ep utuk dapet upeak. Tapi uku melei namen Bito Baik o justru kerno kewajiban. Uku tenugas Allah utuk maneu o.

GALATIA 6:4

Tiep tun harus merikso diraine suang jano plepne baik jano coa. Amen baik, si buliak bangga das hal o. Tapi jibeakba si mbandingne ngen jano de nea tun luyen.

1 TESALONIKA 2:19

Sungguak udiba harapan ngen keriang serto mahkota kebanggaan keme. Sebab be amen Tuhan Yesus teko, ngen ite madep-Ne, mako udiba de bakea jijai kebanggaan keme!

2 TIMOTIUS 4:7

Uku bi milau pertandingan ngen sebaik-baikne, uku bi sapei moi garis akher. Uku tep setia ngen Kristus sapei akher.

1 PETRUS 5:1

Uku minoi perhatian tobo pemipin jemaatnu. Uku temulis dio sebagai rekan pemipin ngen sebagai tun de sudo kemliak suang penderitaan Kristus, ngen de bakea milau kulo diagungkan, amen keagungan Kristus kenten ngen manusio. Uku minoi ngen kembiak.

1 PETRUS 5:4

Pado waktau Gembala Agung o teko konyo, udi bakea temimo mahkota de gemilang, de coa bakea pudea kegemilanganne.