1 KORINTUS 3:13 - JANJAI BLAU Lem Bahaso Jang Bebilai

¹³ Kerjo tiep tun bakea keten be pado waktau Kristus teko igai. Sebab pado bilai o opoi bakea menea kerjo tiep-tiep tun bakea keten. Opoi bakea melei bukti baik coane kerjo o.

1 KORINTUS 3:13 ပူးပေါင်းရင်းမြစ်များ

MATIUS 10:15

Ingetba! Pado Bilai Kiamat tun-tun neak kota Sodom ngen Gomora bakea lebiak Allah mapunne kunei tun-tun neak kota'o!”

MATIUS 16:27

Coa an igai Anok manusio bakea serpok ngen malaikat-malaikat-Ne teko ngen kuaso Bak-Ne. Waktau'o Si bakea males tiep-tiep tun temurut plepne.

LUKAS 2:35

Amen awei yo tukokba isai atei tobo'o. Asai Ibo bakea cemcuk atei udi awei pedang de tajem.”

ROMA 2:16

Hal o bakea keten pado bilai, amen Allah, sesuai ngen Bito Baik de uku melei namen, bakea mukum kute sesuaktau de coa keten lem atei manusio, liwet Kristus Yesus.

ROMA 2:5

Tapi udi telo ulau ngen coa lok tobat, udi suangba de menea hukuman udi jijai tambeak benek pado Bilai Kiamat, amen Allah kemten murka-Ne ngen melei hukuman de adea.

1 KORINTUS 1:8

Kristus suang bakea njamin udi sapei pado akhirne; supayo pado waktau Si teko igai, udi coa ade cacetne.

1 KORINTUS 3:12

Ade de temgok gedung o neak das pondasi kunei mas, ade de makei pirok, ade de makei butau permata, ade kulo de makei kieu, dukut ke'ing atau jerami.

1 KORINTUS 4:5

Kerno o, jibeakba mukum ayok waktaune, mbotba sapei Tuhan teko be. Allahba de bakea mukok kute resio-resio de coa keten lem kegelapan. Allahba de bakea mukok kute niat de tependam lem atei manusio. Pado waktau o baruba tiep tun temimo kunei Allah de patas tenimone.

2 TIMOTIUS 1:12

Do'oba sebabne uku menderita kutene yo, tapi uku tep pecayo, sebab uku namen nien api de uku pecayo. Uku pecayo bahwo jano de sudo Si pecayo ngen uku. Si sanggup kulo jemagone sapei pado Bilai Kiamat.

2 TIMOTIUS 1:18

Ngen uku namen bahwo neak Efesus si dau nien temulung uku. Semoga Tuhan melei rahmatne ngen si pado bilai Tuhan mukum kute umat manusio.

2 TIMOTIUS 3:9

Tapi tobo'o coa bakea dapet jejano, sebab kebodong tobo'o bakea namen kute tun, awei de Yanes ngen Yambres meding.

2 TIMOTIUS 4:8

Uyo bi seniap utuk uku kemenangan. Pado Bilai Kiamat, Tuhan, Hakim de adea o bakea semreak hadiah o ngen uku, kerno uku idup baik ngen Allah. Ngen iso uku bae de bakea temimo hadiah o, tapi kulo tun de kembiak indau mbot tekone Tuhan.

IBRANI 10:25

Lokba ite tep kopoa besamo-samo, jibeakba laloi awei tun luyen. Ite justru harus lebiak setia samo-samo melei kekuatan, sebab ite namen bahwo coa an igai Tuhan bakea teko.

1 PETRUS 1:7

Tujuanne adeba utuk melei bukti jano udi sungguak-sungguak pecayo ngen Tuhan jano coa. Mas de dapet usak kulo, ntes ngen opoi. Nah, imen udi adeba lebiak bego kunei mas, jijai harus ntes kulo supayo jijai murni. Ngen awei o udi bakea nujai ngen hormat serto nelkat pado bilai Yesus Kristus teko igai.

1 PETRUS 4:12

Saudaro-saudaro de tecito! Udi uyo kembiak menderita kerno dong nujai. Tapi jibeakba meraso sele, seolah-olah ade sesuaktau de luea biaso tejijai ngenko.

2 PETRUS 3:10

Tapi Bilai tekone Tuhan bakea teko awei maling. Pado bilai o, lenget bakea nyep ngen sa'ei gutua, ngen benda-benda neak lenget bakea abis tekembem, bumai ngen kute de ade neak lemne bakea nyep.

2 PETRUS 3:7

Tapi lenget ngen bumai de ade uyo yo, senido firman Allah o kulo utuk nembem ngen opoi. Uyo lenget ngen bumai masiak senido sapei pado bilai tun-tun de jahat nukum ngen nunuak.

WAHYU 20:12

Ngen uku kemliak tun-tun matei, lai titik, je neak adep takhta o. Mako kiteb-kiteb kulo nukok. Lajau debueak kiteb de luyen nukok, adeba Kiteb Tun Idup. Sesudo'o ukuman nelei ngen tun matei, setipal ngen plep tobo'o temurut de ade neak lem bukau-bukau o.