1 KORINTUS 3:10 - JANJAI BLAU Lem Bahaso Jang Bebilai

¹⁰ Sesuoi ngen anugerah Allah, uku sebagai ahli bangunan bi mpek pondasi utuk gedung o, tun luyen temgok gedung neak das pondasi o. Tiep tun harus kemliak bebaik awei ipesi mbangun neak das pondasi o.

1 KORINTUS 3:10 ပူးပေါင်းရင်းမြစ်များ

1 KORINTUS 3:11

Sebab Allah suang bi mpek Yesus Kristus sebagai dodone pondasi utuk gedung o; coa ade pondasi de luyen.

EFESUS 2:20

Udi kulo ten gok neak das dasar paro rasul ngen paro nebai, ngen Kristus Yesus sebagoi butau de utamo.

ROMA 15:20

Cito-cito uku adeba melei namen Bito Baik kunei Allah neak penan-penan neak ipe tun ati temi'uk tetang Kristus. Sebab uku coa lok menea kerjo neak pondasi de pek tun luyen.

MATIUS 24:45

Nadeak Yesus igai, “Amen awei'o de ipe de setia ngen pacok? Siba de naket tuanne ijai pemipin pelayan-pelayan de luyen supayo si melei tobo'o kembuk pado waktaune.

WAHYU 21:19

Butau-butau pondasi o nrias ngen kute mecem butau permata. Butau pondasi de pertamo nea kunei butau baiduri panden, de keduai kunei butau nilam, ketelau kunei butau yakut, kepat kunei butau zamrud,

1 KORINTUS 9:2

Amen tun-tun luyen coa lok makau uku sebagai rasul, paling didik udi makau do'o! Sebab idup nu sebagai tun Kristen adeba bukti bahwo uku suang rasul.

MATIUS 7:24

“Jijai, tiep tun de temi'uk nadeak-Ku yo ngen kemerjone, si serai ngen tun de pacok, de temgok umeakne neak das butau.

1 PETRUS 4:11

Tun de semapei bito, harusba semapei bito kunei Allah; tun de mlelayan tun luyen, harusba mlayan ngen kekuatan de kunei Allah, supayo lem kute hal, Allah dapet diagungkan liwet Yesus Kristus. Siba de bekuaso ngen patut diagungkan utuk selamo-lamone. Amin.

2 TIMOTIUS 2:15

Lokba ko berusaho sungguak-sungguak supayo Allah makau ko sebagai tun de layak bekerjo utuk-Ne. Berusahoba supayo ko coa selek tetang kerjonu, meluyen majea seca'o tepat ajaran-ajaran benea kunei Allah.

KOLOSE 4:17

Ngen melei namen Arkhipus, “Semleseiba tugas de nelei ngen ko guno mlayan Tuhan.”

ROMA 12:3

Das dasar kasih karunia de Allah nelei ngen uku, uku madeak ngen tiep tun neak antaro udi: Jibeakba meker hal-hal de lebiak lekat kunei de patut udi peker, tapi lokba udi peker ngen rendeak atei, sehinggo udi kemuaso dirai temurut ukuran imen, de nelei Allah ngen udi masing-masing.

ROMA 1:5

Liwet Si kulo Allah melei ngen uku karunio jijai rasul, supayo uku – utuk menghormati Kristus – mbimbing tun-tun kunei kute bangso supayo pecayo ngen taat.

KISAH RASUL-RASUL 18:27

Kerno Apolos lok nyeb'ang moi Akhaya, tun-tun pecayo neak Efesus kemirim su'et ngen penotoa-penotoa neak di, supayo tobo'o semambut si. Sapeine neak Akhaya, si jijai kebiak beguno bagiak tun-tun de pecayo ngen Anugrah Allah.

LUKAS 11:35

Kerno o, atei-ateiba, jibeak sapei te'ang de ade padonu o jijai kelem.

YAKOBUS 3:1

Saudaro-saudaro! Jibeakba dau tun kunei udi de lok jijai guau. Udi namen ite de jijai guau bakea hukum temurut ukuran de lebiak benek kunei tun luyen.

1 TIMOTIUS 4:16

Ko harus ngawas diraine suang ngen ajarannu. Lokba ko setia menea kutene o, sebab ngen awei o ko bakea selamat baik dirainu suang atau tun-tun de temi'uk ko.

KOLOSE 1:29

Utuk dapet hal o uku kerjo keras. Uku berjuang ngen kute tenago de nelei Kristus ngen uku, de bekerjo lem diraiku ngen penuak kuaso.

ROMA 15:15

Tapi tetang hal-hal tertentu, uku minget udi ngen tegas lem su'et yo, kerno Allah bi melei anugerah ngen uku tugas o.

LUKAS 21:8

Yesus madeak, “Waspadaba, supayo udi jibeak limau. Sebab dau tun bakea teko ngen makei gen-Ku ngen madeak, ‘Ukuba Si.’ Ngen: ‘Saatne sudo pa'ok.’ Jibeakba udi temotoa tobo'o.

WAHYU 21:14

Tembok kota o ten'gok neak das duai belas butau pondasi. Neak butau-butau pondasi o ade tulisan gen-gen keduai belas rasul Anok Bebirai o.

2 KORINTUS 10:15

Keme coa mujai dirai das pekerjaan de nea tun luyen neak penan kerjo de coa ade batas utuk keme. Tapi keme ma'ep bahwo amen imennu tambeak, keme bakea dapet hormat lebiak lai igai neak antaro udi, amen mbanding ngen penan kerjo de mbatas utuk keme.

1 TESALONIKA 3:2

Lajau keme mbo Timotius, Saudaro do imen te. Si suang pelayan Allah de kerjo besamo keme utuk melei namen Bito Baik tetang Kristus. Keme mutus Timotius ngen udi supayo si kemuet udi ngen ndukung udi utuk lebiak pecayo igai ngen Kristus.

2 PETRUS 3:15

Anggapba kesabaran Tuhan ite sebagai kesepatan de nelei-Ne ngen udi supayo selamat. Paulus, saudaro ite de tecit'o, sudo temulis de awei'o kulo ngen udi. Si temulis o ngen kebijaksanaan de nelei Allah ngen si.