1 KORINTUS 2:8 - JANJAI BLAU Lem Bahaso Jang Bebilai

⁸ Coa suang kulo kunei penguaso-penguaso zaman yo de namen tetang kebijaksanaan o. Sebab, seandaine tobo'o bi namenne, paset bae tobo'o coa bakea semalib Tuhan de mulio o.

1 KORINTUS 2:8 ပူးပေါင်းရင်းမြစ်များ

MATIUS 11:25

Pado waktau'o Yesus bedu'o, “Bapa, Tuhan de kemuaso lenget ngen bumai! Uku mucep syukur ngen-Ko, kerno kutene'o Ko mresione kunei tun-tun pacok ngen pitar, tapi Ko melei namen ngen tun-tun biaso.

MATIUS 13:22

Biniak de cucia neak tengeak-tengeak belukea tebok awei tun-tun de temi'uk kabar'o, tapi renyeng tetang idup tobo'o ngen lok idup mewah. Kerno'o kabar kunei Allah tipit neak lem atei tobo'o sehinggo coa bebueak.

LUKAS 23:34

Yesus bedu'o, “Au Bapa! Napunba tobo'o, sebab tobo'o coa namen jano de tobo'o nea.” Ngen tobo'o muang lotre utuk magiak bajau Yesus.

YOHANES 16:3

Tobo'o bakea menea awei yo, kerno tobo'o coa namen baik Bapa kulo Uku.

YOHANES 7:48

Ade coa suang tun neak antatro pemipin-pemipin de pecayo ngen Si, jano suang neak antaro tun-tun Farisi?

YOHANES 8:19

Lajau nadeak tobo'o ngen Si, “Neak ipe Bapa-Nu?” Jawab Yesus, “Baik Uku jano Bapa-Ku coa udi namen. Sekirone udi namen Uku, udi namen kulo Bapa-Ku.”

KISAH RASUL-RASUL 13:27

Penduduk Yerusalem nge pemipin-pemipinne coa lok ngakau Yesus. Ngen melei hukuman matei das Si, tobo'o gemnep kecek nebai-nebai de mbaco tiep bilai Sabat.

KISAH RASUL-RASUL 7:2

Stefanus jemawab, “Pasuak-pasuak ngen Bapok-bapok! Cubo ni'uk uku! Ayok ninik puyang ite Abraham baliak moi Haran, pado waktau si masiak tinggea neak Mesopotamia, Allah de mulio teko ngen si

1 KORINTUS 1:20

Kerno'o, jano gunone tun-tun arif'o? Jano gunone tobo'o de temuan lemau? Jano gunone ahli-ahli peker dunio yo? Allah bi menea hikmat dunio yo jijai kebodohan?

1 KORINTUS 2:6

Kunyau awei o, neak antaro tun-tun de imenne bi kuet, uku memang miling tetang kebijaksanaan. Tapi kebijaksanaan yo iso kebijaksanaan dunio, atau kebijaksanaan penguaso-penguaso zaman yo, de kuasone bakea nyep.

2 KORINTUS 3:14

Pekeran tobo'o bi tetutup. Sapei pado bilai yo kulo pekeren tobo'o masiak tetutup ngen selikep pado waktau tobo'o mbaco bukau-bukau tetang janjai de an. O coa tukok, kerno cumu lem Kristus selikep o nam tukok.

EFESUS 1:17

ngen minoi ngen Allah Tuhante Yesus Kristus, Bapa de mulio, supayo Si melei Roh-Ne ngen udi. Roh o bakea jemijai udi bijaksano, ngen bakea kemnal Allah ngen udi sehinggo udi kemnal Si.

EFESUS 4:18

Pekeran tobo'o bi kelem, uak kunei idup de asalne kunei Allah, kerno tobo'o coa temuan pengetahuan jejano tetang Allah kerno tobo'o telo atei.

1 TIMOTIUS 1:13

Kunyau bel'o uku fitneak ngen semikso serto mino Si. Tapi Allah mengasihi uku, kerno pado waktau o uku ati pecayo, jijai uku coa namen jano de uku nea.

YAKOBUS 2:1

Saudaro-saudaroku! Sebagai tun de pecayo ngen Tuhan Yesus Kristus, Tuhan De Mahamulio, jibeakba udi mbeda tun das dasar hal-hal laher.