1 KORINTUS 2:14 - JANJAI BLAU Lem Bahaso Jang Bebilai

¹⁴ Tun de coa temuan Roh Allah, coa dapet temimo jano de nadeak Roh o. Sebab bagiak tun-tun o hal-hal o adeba awei kebodohan bae. Tun o coa dapet ngertai, sebab hal-hal o cuma dapet kenliak seca'o rohani.

1 KORINTUS 2:14 ပူးပေါင်းရင်းမြစ်များ

1 KORINTUS 1:18

Sebab bagiak tun-tun de bakea benaso, bito tetang mateine Kristus pado salib adeba coa benea. Tapi, bagiak ite de senlamat Allah, bito o adeba ca'one Allah kemten kuaso-Ne.

1 YOHANES 2:27

Tapi tetang udi su'ang, Kristus bi melei Roh-Ne ngen Udi. Selamo Roh-Ne Ade ngen udi, coa perlu ade tun luyen majea udi. Sebab Roh-Ne majea udi tetang kute sesuaktau; jano de najea-Ne o benea, iso mike. Sebab o, lokba udi taat ngen jano de najea Roh o, lokba udi tep idu jijai do ngen Kristus.

1 KORINTUS 15:46

De teko telebiak dute adeba de jasmani, iso de rohani. De rohani teko sesudo'o.

YUDAS 1:19

Tobo'o dioba tun-tun de menimbulkan pepecuak. Tobo'o coa kenuaso Roh Allah, tapi klok-klok tabiat duniawi.

YAKOBUS 3:15

Kebijaksanaan de awei o asalne iso kunei surgo. Si asalne kunei dunio, kunei nafsu manusio ngen kunei Iblis!

1 YOHANES 2:20

Tapi udi sudo temimo Roh Sucai kunei Yesus Kristus, do'o sebabne udi kutene kemnal ajaran de benea.

1 KORINTUS 15:44

Pado waktau kenubua, awok o awok kunei dunio; tapi sesudo idup igai, mako awok o awok de nelei Roh Allah. Ade awok de kunei dunio, ade kulo awok de kunei Allah.

1 KORINTUS 2:12

Ite coa temimo roh dunio, tapi roh de asalne kunei Allah, supayo ite namen, jano de nelei Allah ngen ite.

YOHANES 12:37

Kunyau Yesus menea kembiak dau mujizat neak adep matai tobo'o, tapi tobo'o coa pecayo ngen-Si.

YOHANES 5:44

Awei ipe koi dapet pecayo, amen udi de temimo hormat suang tun kunei de luyen, ngen coa mesoa hormat de teko kunei Allah de Esa?

MATIUS 16:23

Yesus kemliak Petrus ngen madeak, “Lalau kunei yo Iblis, koba temgeak Uku. Pekeran nu'o pekeran manusio, iso pekeran Allah!”

YOHANES 14:26

Tapi penulung, adeba Roh Sucai, de bakea nutus Bapa lem gen-Ku. Siba de bakea ngajea kute sesuaktau ngen udi ngen bakea minget udi kute de sudo Uku madeak ngen udi.

KISAH RASUL-RASUL 16:14

Saleak suang kunei seselawei o de genne Lidia turut temi'uk. Si asalne kunei kota Tiatira, si suang tun tukang jagea kain ungu de mengasihi Allah. Tuhan mukok ateine, sehiggo si temi'uk jano de nadeak Paulus.

YOHANES 8:43

Jano sebabne udi coa ngertai bahaso-Ku? Sebab udi coa dapet temakep firman-Ku.

1 KORINTUS 1:23

Tapi ite yo cuma melei namen Kristus de matei senalib. Bito o seminggung atei tun Yahudi, naggep mike ngen tun-tun iso Yahudi.

1 YOHANES 5:20

Ite namen bahwo Anok Allah bi teko ngen sudo melei pengertian ngen ite, supayo ite kemnal Allah de benea. Ite idup jijai do ngen Allah de benea ngen idup jijai do ngen anok-Ne Yesus Kristus, dioba Allah de benea, ngen dioba idup sejati ngen kekal.

KISAH RASUL-RASUL 25:19

Tapi tobo'o cuma selisiak paham ngen si tetang agamo tobo'o, ngen tetang suang de genne Yesus, de sudo matei, dong Paulus madeak ngen pasti bahwo si idup.

YOHANES 15:26

Uku bakea mutus ngenko penulung de asalne kunei Bapa. Adeba Roh bakea madeak kebenea tetang Allah. Amen Si teko, Si bakea saksai tetang Uku.

KISAH RASUL-RASUL 18:15

Tapi amen hal o adeba selisiak tetang kecek, gen atau hukum de belakau neak antaro udi, mako lokba udi suang semleseine; uku coa lok jijai hakim das perkaro de awei yo.”

KISAH RASUL-RASUL 17:32

Ketiko tobo'o temi'uk tetang tun matei idup igai, mako ade de mino, de luyen madeak, “Tengen bae keme temi'uk ko miling tetang hal o.”

YOHANES 10:20

“Si pasuk semat ngen gilo; getai udi temi'uk Si?”

KISAH RASUL-RASUL 17:18

Gu'au-gu'au aliran Epikuros ngen aliran Stoa bedebat kulo ngen si. Ade de madeak, “Jano de lok tukang ngike madeak?” Tapi de luyen madeak, “Rupone si melei namen tetang ajaran diwo-diwo bangso luyen.” Kerno si melei namen Bito Baik tetang Yesus ngen idup igai sesudo matei.

YOHANES 14:17

Si'oba Roh kebenea. Dunio coa dapet temimo Si, sebab dunio coa kemliak Si ngen coa namen ngen Si. Tapi udi namen ngen Si, sebab Si semerto udi, bakea diem neak lem udi.

1 KORINTUS 1:21

Kerno awei ipe pacokne manusio, si coa dapet kemnal Allah liwet kepacokne suang. Tapi kerno Allah bijaksana, mako Si lok semlamat tun-tun de pecayo ngen-Si liwet bito de keme melei namen de nanggap coa benea liwet dunio.

1 KORINTUS 1:25

Sebab de ketenne bodong pado Allah, adeba lebiak bijaksana kunei pado kebijaksanaan manusio; ngen de ketenne lemah pado Allah, adeba lebiak kuet kunei pado kekuatan manusio.

1 KORINTUS 3:1

Saudaro-saudaro, sebeneane uku coa dapet miling ngen udi awei ngen tun de temuan Roh Allah. Uku cuma dapet miling ngen udi awi ngen tun de masiak idup temurut kelok duniawi; ewai ngen tun de masiak cupik lem kepercayoanne ngen Kristus.