1 KORINTUS 2:13 - JANJAI BLAU Lem Bahaso Jang Bebilai

¹³ Kerno o, amen keme jemlas hal-hal tetang Allah ngen tun-tun de temuan Roh Allah. Keme coa madeakne ngen temurut kebijaksanaan manusio, meluyen temurut ajaran Roh Allah.

1 KORINTUS 2:13 ပူးပေါင်းရင်းမြစ်များ

1 KORINTUS 2:4

Bito de uku semapei ngen ko coa uku semapei ngen kecek-kecek de memikat temurut kebijaksanan manusio. Uku semapei o ngen ca'o de melei bukti bahwo Roh Allah bekuaso.

1 KORINTUS 2:14

Tun de coa temuan Roh Allah, coa dapet temimo jano de nadeak Roh o. Sebab bagiak tun-tun o hal-hal o adeba awei kebodohan bae. Tun o coa dapet ngertai, sebab hal-hal o cuma dapet kenliak seca'o rohani.

1 KORINTUS 1:17

Kristus mutus uku iso utuk mbaptis tun, meluyen utuk melei namen Bito Baik kunei Allah; ngen do'o kulo harus uku nea ngen coa makei kepacok miling seca'o manusio, kunyau kunei mateine Kristus pado salib coa jijai sesio.

1 KORINTUS 2:1

Saudaro-saudaro! Pado waktau uku teko ngen ko, melei namen ngen ko tetang rencano Allah de ati dunio namen. Uku coa makei kebijaksanaan dunio yo atau miling ngen kecek de kembiak baik.

1 PETRUS 1:12

Ngen nebai-nebai o Allah melei namen bahwo jano de tobo'o nea iso utuk kepetingan tobo'o, meluyen utuk udi; adeba hal-hal de uyo yo udi teni'uk ngen jelas kunei paro de semapei Bito Baik tetang Yesus Kristus. Tobo'o semapei hal-hal o ngen udi ngen kuaso Roh Allah de nembo-Ne kunei surgo. Bahkan malaikat-malaikat kulo lok namen bito de tobo'o melei namen o.

KOLOSE 3:16

Lokba ajaran-ajaran Kristus de penuak berkat tinggea neak lem ateinu. Lokba udi samo-samo majea ngen samo-samo melei nasihat de bijaksano. Nyanyikanlah mazmur ngen puji-pujian serto legau-legau rohani; nyanyiba utuk Allah ngen perasaan syukur neak lem ateinu.

2 PETRUS 1:16

Pado waktau keme melei namen ngenko betapa agungne tekone Tuhan ite Yesus Kristus, keme coa begatung pado nandei-nandei. Keagungan Kristus o sudo keme kemliak ngen matai keme suang.

EFESUS 5:19

Pakeiba kecek-kecek kunei mazmur, legau puji-pujian ngen legau rohani. Lokba udi ngen riang atei mbin legau puji-pujian bagiak Tuhan.

1 KORINTUS 14:2

Tun de miling lem bahaso de ajaib, tun o isone miling ngen manusio; si miling ngen Allah. Coa ade tun de ngertai jano de si madeak, sebab Roh Allah de jijai sebab si mucep hal-hal de Allah bae namen.

1 KORINTUS 9:11

Keme sudo tembea biniak rohani neak lem idupnu. Mako amen keme kemtem berkat-berkat jasmani kunei udi, jano do'o taine keme minoi kembiak dau kunei udi?

LUKAS 12:12

Sebab waktau'o kulo Roh Allah bakea majea udi jano de harus udi madeak.”

KISAH RASUL-RASUL 2:4

Tobo'o kute kenuaso Roh Sucai, ngen muloi miling lem bahaso-bahaso luyen, awei de nelei Roh'o ngen tobo'o utuk nadeak.