1 KORINTUS 2:10 - JANJAI BLAU Lem Bahaso Jang Bebilai

¹⁰ Kerno ngen ite Allah bi kemtenne ngen Roh, sebab Roh semlidik kute sesuaktau, bahkan hal-hal de coa keten lem dirai Allah.

1 KORINTUS 2:10 ပူးပေါင်းရင်းမြစ်များ

MATIUS 13:11

Yesus jemawab, “Sebab udi bi nelei rahmat utuk namen resio tetang awei ipe Allah meriteak, tapi tobo'o coa.

MATIUS 16:17

Nadeak Yesus: “Butung sekilai ko Simon anok Yonah! Sebab Iso manusio de melei namen hal'o ngen ko tapi Bak-Ku de neak surgo.

LUKAS 10:21

Pado waktau o kulo beriangba Yesus lem Roh Allah ngen madeak, “Uku besyukur ngen-Kumu, Bapa, Tuhan lenget ngen bumai, kerno kutene o Ko munyin bagiak tun bijak ngen pacok, tapi Ko melei nyato ngen tun titik. Au Bapa, do'oba de semnang atei Bapa.

LUKAS 2:26

ngen Roh Allah sudo melei namen ngen si, si coa bakea matei ayok kemliak Rajo Penyelamat de jenanjai Tuhan.

YOHANES 14:26

Tapi penulung, adeba Roh Sucai, de bakea nutus Bapa lem gen-Ku. Siba de bakea ngajea kute sesuaktau ngen udi ngen bakea minget udi kute de sudo Uku madeak ngen udi.

YOHANES 16:13

Tapi amen Si teko, adeba Roh kebenea, Si bakea mipin udi neak lem kute kebenea. Si coa bakea madeak kunei dirai-Ne suang, tapi kute sesuaktau de teni'ukne do'oba de bakea nadeak-Ne ngen Si bakea melei namen ngen udi hal-hal de bakea teko.

1 KORINTUS 14:30

Tapi amen seandaine bito kunei Allah teko pado tun luyen de temot neak pertemuan o, mako tun de gidong miling, harus te'atei.

1 KORINTUS 2:11

Sebab de namen atei tun adeba Roh tun o suang. Awei o kulo tetang Allah. De namen atei Allah cuma Roh Allah o suang!

GALATIA 1:12

Kerno uku coa temimone kunei manusio ngen iso manusio de majeane ngen uku, tapi uku temimone liwet ungkapan Yesus Kristus.

EFESUS 3:3

Allah melei namen resio rencano-Ne ngen uku, awei de uku temulis neak das ngen siket.

EFESUS 3:5

De pado zaman tun-tun bel'o coa nelei namen ngen anok-anok manusio, tapi uyo Roh Allah bi melei namenne ngen rasul-rasul ngen nebai-nebai-Ne.

1 TIMOTIUS 4:1

Roh Allah seca'o tegas madeak bahwo pado maso-maso de bakea teko, ade tun de bakea murtad, lajau temotoa roh-roh de menea tun jijai sesat ngen ajaran-ajaran Iblis,

1 PETRUS 1:12

Ngen nebai-nebai o Allah melei namen bahwo jano de tobo'o nea iso utuk kepetingan tobo'o, meluyen utuk udi; adeba hal-hal de uyo yo udi teni'uk ngen jelas kunei paro de semapei Bito Baik tetang Yesus Kristus. Tobo'o semapei hal-hal o ngen udi ngen kuaso Roh Allah de nembo-Ne kunei surgo. Bahkan malaikat-malaikat kulo lok namen bito de tobo'o melei namen o.

1 YOHANES 2:20

Tapi udi sudo temimo Roh Sucai kunei Yesus Kristus, do'o sebabne udi kutene kemnal ajaran de benea.

1 YOHANES 2:27

Tapi tetang udi su'ang, Kristus bi melei Roh-Ne ngen Udi. Selamo Roh-Ne Ade ngen udi, coa perlu ade tun luyen majea udi. Sebab Roh-Ne majea udi tetang kute sesuaktau; jano de najea-Ne o benea, iso mike. Sebab o, lokba udi taat ngen jano de najea Roh o, lokba udi tep idu jijai do ngen Kristus.

WAHYU 1:1

Isai bukau yo tetang jano de nadeak Yesus Kristus tetang peristiwo-peristiwo de bakea tejijai. Allah melei namen ngen Kristus supayo Si kemten ngen hamba-hamba Allah jano de segro harus tejijai. Kristus mutus malaikat-Ne ngen Yohanes, hamba-Ne, utuk melei namen peristiwo-peristiwo o ngen si.

WAHYU 2:24

Tapi udi de luyen-luyenne neak Tiatira coa temotoa ajaran de kidek o, ngen coa belajea lemau-lemau Iblis. Uku madeak bahwo Uku coa bakea nambeak beban luyen ngen udi.