1 KORINTUS 2:1 - JANJAI BLAU Lem Bahaso Jang Bebilai

¹ Saudaro-saudaro! Pado waktau uku teko ngen ko, melei namen ngen ko tetang rencano Allah de ati dunio namen. Uku coa makei kebijaksanaan dunio yo atau miling ngen kecek de kembiak baik.

1 KORINTUS 2:1 ပူးပေါင်းရင်းမြစ်များ

KISAH RASUL-RASUL 20:21

Baik ngen tun-tun Yahudi atau tun-tun bangso luyen uku bogoa melei peringatan supayo tobo'o tobat kunei duso-duso tobo'o, teko ngen Allah, serto pecayo ngen Tuhan Yesus.

KISAH RASUL-RASUL 22:18

Uku kemliak Si, de madeak ngen uku: ‘Gacangba, segroba teninggea Yerusalem, kerno tobo'o coa bakea temimo saksainu tetang Uku.’

ROMA 16:18

Sebab tun-tun de menea awei o iso bekerjo utuk Kristus Tuhan ite, tapi utuk menea kelok atei tobo'o su'ang jijai puas. Ngen bujukan, kecek-kecek de mis, tobo'o mike tun-tun de coa namen jejano.

ROMA 16:25

Tepujaiba Allah! Si bekuaso kemuet imen Saudaro sesuai ngen Bito Baik kunei Allah de uku melei namen tetang Yesus Kristus. Uku melei namen bito o sesuai ngen jano de nelei namen Allah; adeba tetang rencano Allah de sudo berabad-abad anne coa tun namen.

1 KORINTUS 1:17

Kristus mutus uku iso utuk mbaptis tun, meluyen utuk melei namen Bito Baik kunei Allah; ngen do'o kulo harus uku nea ngen coa makei kepacok miling seca'o manusio, kunyau kunei mateine Kristus pado salib coa jijai sesio.

1 KORINTUS 1:6

Do'o kemten bahwo bito tetang Kristus de bi ade neak antaro udi,

1 KORINTUS 2:13

Kerno o, amen keme jemlas hal-hal tetang Allah ngen tun-tun de temuan Roh Allah. Keme coa madeakne ngen temurut kebijaksanaan manusio, meluyen temurut ajaran Roh Allah.

1 KORINTUS 2:4

Bito de uku semapei ngen ko coa uku semapei ngen kecek-kecek de memikat temurut kebijaksanan manusio. Uku semapei o ngen ca'o de melei bukti bahwo Roh Allah bekuaso.

1 KORINTUS 2:7

Tapi de keme melei namen adeba kebijaksanaan kunei Allah. Kebijaksanaan o coa namen ngen dunio, tapi Allah bi semiapne utuk kebahagiaan ite ayok dunio yo jenijai.

2 KORINTUS 10:10

Tun madeak, “Su'et-su'et Paulus o tegas ngen berwibawa, tapi amen si suang ade neak tengeak-tengeak ite, pribadinya lemah ngen kecek-kecekne coa ade taine!”

2 KORINTUS 11:6

Mukin uku ku'ang pacok miling, tapi tetang pengetahuan, uku iso tun de bodong. Do'o sudo keme melei bukti ngen udi lem kute hal.

2 TESALONIKA 1:10

Kutene o bakea tejijai pado bilai Si teko be utuk diagungkan umat-Ne ngen utuk hormat kute tun de pecayo. Udi kulo bakea ade neak antaro umat Allah o, sebab udi bi pecayo ngen bito de keme semapei ngen udi.

1 TIMOTIUS 1:11

Ajaran o ade neak lem Bito Baik de penyebaranne cenayo ngen uku, adeba Bito Baik kunei Allah de agung ngen patut nujai.

2 TIMOTIUS 1:8

Sebab o jibeakba selek melei saksai tetang Tuhan ite ngen jibeakba selek kerno uku, de nasuk sel kerno Si. Sebelekne, lokba ko ngen kekuatan kunei Allah, meding saro utuk Bito Baik o.

1 YOHANES 4:14

Keme suang bi kemliak Anok Allah, ngen keme melei namen bahwo Si nutus Bapa utuk jijai Rajo Penyelamat dunio yo.

WAHYU 1:2

Mako Yohanes kulo cemrito kute de kemliakne o; ngen dioba laporanne tetang pesen kunei Allah de kenuet Yesus Kristus liwet saksai-Ne.

WAHYU 1:9

Uku Yohanes, saudaro udi de senasib ngen udi lem saro de nding tiep penotoa Kristus. Ite tabah saro sebagai umat-Ne. Uku nuang moi Pulau Patmes kerno uku melei namen pesan kunei Allah, de kenuet Yesus liwet saksai-Ne.

WAHYU 19:10

Uku tukup neak adep malaikat o lok nyembeakne, tapi si madeak ngen uku, “Jibeak! Jibeak nyembeak uku, sembeakba Allah! Sebab uku kulo hamba serai awei ko ngen awei kute saudaronu de bepegong teguh ngen saksai Yesus!” Sebab saksai Yesus do'oba de jijai menea tun-tun de bernubuat.