1 KORINTUS 15:4 - JANJAI BLAU Lem Bahaso Jang Bebilai

⁴ bahwo Kristus kenubua, tapi sesudo'o idup igai pado bilai ketelau. Do'o kulo tetulis lem Kiteb Sucai.

1 KORINTUS 15:4 ပူးပေါင်းရင်းမြစ်များ

MATIUS 12:40

Nebai Yunus tinggea telau bilai telau malem neak lem tenei kan lai. Awei'o kulo Anok Manusio bakea tinggea telau bilai telau malem neak lem tenei bumai.

IBRANI 13:20

Allah bi midup Tuhan ite Yesus kunei matei. Kerno matei-Ne o Si uyo jijai Gembala Agung bagiak ite, adeba bebirai-bebirai-Ne. Kematian-Ne o kulo mbin igai perjanjian kekal de nea Allah ngen ite.

ROMA 6:4

Ngen awei o ite bi kenubua besamo-samo Si ngen baptisan lem kematian, supayo, serai awei Kristus bi nidup igai kunei antaro tun matei ngen kemuliaan Bapa, awei o kulo ite bakea idup lem idup de blau.

LUKAS 24:46

Nadeak-Ne ngen tobo'o, “Ade tetulis awei yo: Mesias arus saro ngen idup igai kunei antaro tun matei pado bilai de ketelau.

LUKAS 24:26

Mesias arus malami saro kutene o utuk masuk moi lem kemulio-Ne.”

LUKAS 9:22

Yesus madeak kulo, “Anok Manusio memang harus dau meding saro ngen tenulok pemipin-pemipin ngen imem-imem kepalo, serto gu'au-gu'au agamo. Si bakea nunuak, tapi pado bilai ketelau bakea idup igai.”

KOLOSE 2:12

Sebab pado waktau udi dibaptis, udi kenubua besamo-samo Kristus; ngen baptisan o kulo, udi kulo nidup igai besamo-samo Kristus kerno udi pecayo ngen kuaso Allah de bi midup Kristus kunei matei.

KISAH RASUL-RASUL 17:31

Kerno Si bi tem'tep suaktau bilai ketiko Si ngen Adea makim dunio ngen suang tun de sudo tentau-Ne, sesudo Si melei ngen kute tun suaktau jaminan tetang hal o ngen midup Si kunei antaro tun matei.”

KISAH RASUL-RASUL 1:3

Sesudo Si matei, selamo pat puluak bilai Si cet kemten dirai ngen ca'o tete'ang ngen rasul-rasul o bahwo Si benea-benea idup. Tobo'o kemliak Si, Si miling ngen tobo'o awei ipe Allah meriteak awei Rajo.

MARKUS 9:31

Kerno Si dong majea murid-murid-Ne. Si madeak ngen tobo'o, “Anok Manusio bakea senreak moi lem tangen manusio, tobo'o bakea munuak Si, telau bilai sesudo Si nunuak Si bakea idup igai.”

MATIUS 20:19

Tobo'o bakea semreak Si ngen bangso-bangso de coa Yahudi, tobo'o kulo mliyam Si, semikso Si ngen semalib Si. Pado bilai ketelau Si idup igai.”

MATIUS 16:21

Muloi kunei saat'o Yesus madeak teteang ngen penotoa-penotoa-Ne, Si mestai lalau moi kota Yerusalem ngen temanggung dau saro kunei pemipin-pemipin, pemipin imem-imem ngen gu'au-gu'au agamo. Si bakea nunuak tapi pado bilai ketelau Si bakea idup igai.

1 PETRUS 1:11

Tobo'o semlidik awei ipe ngen tengen hal o bakea terjijai, maksudne adeba Roh Kristus de ade neak lem dirai tobo'o. Pado waktau o Roh-Ne berfirman ngen tobo'o tetang penderitaan-penderitaan de harus nding Kristus ngen tetang keagungan-Ne de bakea semsung sesudo o.

YOHANES 19:38

Sesudo'o Yusuf kunei Arimatea minoi ngen Pilatus, supayo si neluak temu'un mayit Yesus. (Yusuf adeba penotoa Yesus, tapi bebunyin kerno saben ngen tobo penguaso Yahudi.) Pilatus kemabul kinoine o. Lajau tekoba si ngen temu'un mayit o.