1 KORINTUS 15:3 - JANJAI BLAU Lem Bahaso Jang Bebilai

³ Jano de uku semapei ngen Saudaro-saudaro adeba de sudo uku temimo kulo. De penting, awei de tetulis lem Kiteb Sucai, uku semapei ngen udi bahwo Kristus matei kerno duso-duso ite;

1 KORINTUS 15:3 ပူးပေါင်းရင်းမြစ်များ

MATIUS 26:24

Anok Manusio bakea matei, awei de tetulis neak lem kiteb. Tapi celakoba tun de semreak Anok Manusio! Adeba lebiak baik utuk tun'o sekirone si coa nlaher.”

MATIUS 26:28

Sebab dioba daleak-Ku, de ijai tando janjai de sah kunei Allah de tenu peak bagiak dau tun utuk mapun duso tobo'o.

LUKAS 24:25

Lajau Si madeak ngen tobo'o, “Hoi udi tun bodong, kembiak an atei nu utuk masai kute de sudo nadeak tobo nebai!

YOHANES 1:29

Bilai menne Yohanes kemliak Yesus teko. Yohanes madeak, “Keliak ba Anok Bebirai Allah de mapus duso dunio.

KISAH RASUL-RASUL 17:2

Awei biasone Paulus masuk moi umeak semyang o. Telau bilai Sabat beturut-turut si madeak ngen tobo'o ayat-ayat kunei Kiteb Sucai.

KISAH RASUL-RASUL 3:18

Kerno'oba tejijai kulo jano de sudo Allah melei namen bel o liwet kute nebai-nebai-Ne, bahwo Rajo Penyelamat de jenanjai o arus mendrita.

KISAH RASUL-RASUL 8:32

Dioba ayat-ayat de si baco o, “Si awei bebirai de ni'ing utuk senbeliak, awei anok bebirai de coa ngembek amen bulaune genuting, awei'oba Si coa mucep depateak kecek kulo.

ROMA 3:25

Kristus Yesus bi tentau Allah jijai dalen damoi kerno imen, lem daleak-Ne. Hal iyo nea-Ne utuk kemten keadilan-Ne, kerno Si bi munyau duso-duso de sudo tejijai bel'o pado maso kesabaran-Ne.

ROMA 4:25

Adeba Yesus, de sudo senreak kerno duso ite ngen nidup igai kerno pembenaran ite.

1 KORINTUS 11:2

Uku mujai udi sebab udi bogoa minget uku ngen temotoa ajaran de uku nelei ngenko.

1 KORINTUS 11:23

Sebab de uku najea ngenko, do'o uku tenimo kunei Tuhan suang: bahwo pado malem o ketiko Yesus, Tuhan ite senreak, Tuhan mok ruti,

2 KORINTUS 5:21

Si de coa namen duso bi nea-Ne jijai duso kerno ite, supayo neak lem Si ite jijai benea.

GALATIA 1:12

Kerno uku coa temimone kunei manusio ngen iso manusio de majeane ngen uku, tapi uku temimone liwet ungkapan Yesus Kristus.

GALATIA 1:4

Taat ngen kelok Allah Bapa ite, Kristus semreak dirai-Ne jijai kurban utuk duso-duso ite, supayo ite senlamat kunei zaman de jahat yo. Uku jijai rasul iso ngen perantara manusio atau kerno naket ngen manusio, mluyen ngen Yesus Kristus ngen Allah Bapa ite de sudo midup Si igai kunei matei.

GALATIA 3:13

Kristus bi mbebas ite kunei kutukan hukum agamo. Si menea o ngen munyau dirai-Ne terkutuk kerno ite. Sebab ade tetulis, “Terkutukba tun de matei genatung neak kieu salib!”

EFESUS 1:7

Sebab, ngen mateine Kristus, Allah mbebas ite, taine Allah bi mapun ite kunei duso-duso ite.

EFESUS 5:2

Idupba neak lem kasih, awei ipe Kristus Yesus kulo bi mengasihi udi ngen bi semreak dirai-Ne utuk ite sebagoi persembahan ngen kurban de semnang atei Allah.

IBRANI 5:1

Tiep Imem Lai niliak kunei antaro umat, naket utuk mlayan Allah sebagai wakea tobo'o. Tugasne adeba melei persembahan ngen Allah pelei ngen kurban utuk pengampunan duso.

IBRANI 5:3

Ngen kerno si suang lemah, mako si harus melei persembahan kurban, iso bae kerno duso-duso umat, tapi kulo kerno duso-dusone suang.

1 PETRUS 1:11

Tobo'o semlidik awei ipe ngen tengen hal o bakea terjijai, maksudne adeba Roh Kristus de ade neak lem dirai tobo'o. Pado waktau o Roh-Ne berfirman ngen tobo'o tetang penderitaan-penderitaan de harus nding Kristus ngen tetang keagungan-Ne de bakea semsung sesudo o.

1 PETRUS 2:24

Kristus su'ang musung duso-duso ite pado dirai-Ne neak das kieu salib, supayo ite bebas kunei kuaso duso, idup temurut kelok Allah. Sileak-sileak Kristusba de kema'en udi.

1 PETRUS 3:18

Sebab Kristus suang matei cuma debat bae, utuk selamo-lamone kerno duso manusio – suang tun de coa saleak, matei utuk tun de saleak. Kristus menea do'o supayo Si dapet bimbing udi ngen Allah. Si nunuak seca'o jasmani, tapi nidup igai seca'o rohani.

1 YOHANES 2:2

Ngen liwet Yesus Kristus o ba duso-duso ite napun. Iso duso-duso ite bae, tapi duso kute umat manusio kulo.

WAHYU 1:5

ngen kunei Yesus Kristus, saksai de setia. Siba de pertamo-tamo idup igai kunei matei ngen Siba penguaso das rajo-rajo dunio. Yesus mengasiak ite, ngen kematian-Ne Si bebas kunei duso-duso ite,