1 KORINTUS 15:2 - JANJAI BLAU Lem Bahaso Jang Bebilai

² Amen udi kuet bepegong pado jano de uku melei namen o, mako Bito Baik o semlamat udi; kecuali amen Saudaro pecayo coa gen taine.

1 KORINTUS 15:2 ပူးပေါင်းရင်းမြစ်များ

LUKAS 8:13

De us neak taneak de bebutau o siba tun-tun de sesudo temi'uk firman o, temimone ngen riang, tapi tobo'o o coa balet, tobo'o masai tegoa bae ngen lem maso pencobaan tobo'o murtad.

KISAH RASUL-RASUL 2:47

Tobo'o bogoa mujai Allah ngen kute tun senang ngen si. Tiep bilai jumlah tobo'o bogoa betambeak kerno Tuhan melei ngen tobo'o tun-tun de gidong senlamat.

KISAH RASUL-RASUL 8:13

Simon suang kulo pecayo. Sesudo dibaptis si bogoa temotoa Filipus. Si takjub ketiko si kemliak tando-tando, mujizat-mujizat lai de tejijai.

ROMA 1:16

Sebab uku temuan keyakinan de kuet lem Bito Baik o, kerno Bito Baik adeba kekuatan Allah de semlamat tiep tun de pecayo, pertamo-tamo tun Yahudi, tapi kulo tun Yunani.

ROMA 11:22

Sebab o kemliakba kemurahan Allah ngen kulo kekerasan-Ne, adeba kekerasan teadep tun-tun de sudo us, tapi das udi kemurahan-Ne, adeba amen udi tep lem kemurahan-Ne; amen coa, udi kulo coa bakea tentok.

1 KORINTUS 1:18

Sebab bagiak tun-tun de bakea benaso, bito tetang mateine Kristus pado salib adeba coa benea. Tapi, bagiak ite de senlamat Allah, bito o adeba ca'one Allah kemten kuaso-Ne.

1 KORINTUS 1:21

Kerno awei ipe pacokne manusio, si coa dapet kemnal Allah liwet kepacokne suang. Tapi kerno Allah bijaksana, mako Si lok semlamat tun-tun de pecayo ngen-Si liwet bito de keme melei namen de nanggap coa benea liwet dunio.

1 KORINTUS 11:2

Uku mujai udi sebab udi bogoa minget uku ngen temotoa ajaran de uku nelei ngenko.

1 KORINTUS 15:14

Ngen amen seandaine Kristus coa nidup igai kunei matei-Ne, mako coa ade gunone keme melei namen jano-jano ngen coa ade gunone kulo udi pecayo, sebab kepercayoannu coa temuan dasar jejano.

2 KORINTUS 2:15

Sebab bagiak Allah keme adeba aroma de um kunei Kristus neak tengeak-tengeak tobo'o de senlamat ngen neak antaro tobo'o de benaso.

2 KORINTUS 6:1

Kerno keme kerjo besamo-samo Allah, mako keme minoi nien jibeakba udi coa dulai baikne atei Allah o.

GALATIA 3:4

Jano sio-sio kute de sudo udi meding o? Maso sio-sio!

EFESUS 2:8

Allah mengasihi udi, do'o sebabne Allah semlamat udi kerno udi pecayo ngen Yesus; do'o iso asea usahonu, tapi pelei Allah,

KOLOSE 1:23

Sebab o udi harus tep setia pecayo ngen kepercayaannu. Jibeak sapei udi muang harapan de sudo nelei ngen udi ketiko udi temimo Bito Baik kunei Allah. Bito o bi nelei namen ngen kute tun neak kute dunio. Ngen utuk do'oba kulo uku, Paulus, bi jijai pelayan.

2 TESALONIKA 2:15

Kerno o, Saudaro-saudaro, tegokba ngen kuet ngen bepegongba terus ngen ajaran-ajaran de sudo keme melei ngen udi, baik seca'o kecek kulo seca'o tetulis.

2 TIMOTIUS 1:9

Allah semlamat ite ngen menok ite supayo jijai umat-Ne suang. Si menea o iso kerno jano de ite bi kenerjo, tapi kerno rencano-Ne suang ngen rahmat-Ne. Si melei ite rahmat-Ne liwet Kristus Yesus ayok dunio yo ade.

IBRANI 10:23

Lokba ite bepegong teguh ngen harapan de ite pecayo, sebab Allah dapet cenayo ngen Si bakea tempat janjai-Ne.

IBRANI 2:1

Do'oba sebabne ite harus sungguak-sungguak bepegong ngen ajaran-ajaran de ite temi'uk, supayo ite jibeak teminggea imen ite.

IBRANI 3:14

Ite kute adeba kuat seperjuangan ngen Kristus, asal ite sapei akhir tep yakin de ite temuan pado mulone.

IBRANI 3:6

Tapi Kristus setia sebagai Anok de betanggung jawab das Umeak Allah. Ite adeba Umeak Allah, amen ite tep semangat ngen tep yakin utuk dapet jano de ite kenlok.

IBRANI 4:14

Do'oba sebabne ite harus be pegong teguh pado kepercayaan ite. Sebab ite temuan Imem Lai de lai, de sudo masuk sapei neak adep Allah – Siba Yesus Anok Allah.

YAKOBUS 2:14

Saudaro-saudaro! Jano gunone tun madeak, “Uku tun de pecayo”, amen si coa temunjukne ngen perbuatanne? Jano dapet imen de awei o semlamatne?

YAKOBUS 2:17

Awei o kulo ngen imen, amen coa nea ngen perbuatan, mako imen o coa de guno ne.

YAKOBUS 2:26

Nah, awei awok tanpa roh adeba awok de matei, awei o kulo imen tapi coa kenerjone adeba imen de matei.