1 KORINTUS 15:1 - JANJAI BLAU Lem Bahaso Jang Bebilai

¹ Uyo, Saudaro-saudaro, uku lok udi minget igai Bito Baik kunei Allah de uku melei namen bel'o ngen udi. Udi temimone, lajau pecayo ngen Kristus kerno Bito Baik o.

1 KORINTUS 15:1 ပူးပေါင်းရင်းမြစ်များ

YOHANES 12:48

Api bae de coa temimo Uku, ngen coa temimo kecek-Ku, bi ade de mukumne. Adeba firman de bakea mukumne pado Bilai Kiamat.

KISAH RASUL-RASUL 11:1

Rasul-rasul ngen tun-tun de pecayo neak kute Yudea temi'uk bahwo tun-tun de coa temuan agamo Yahudi kulo sudo temimo kecek Allah.

KISAH RASUL-RASUL 2:41

Tun-tun de temimo kecekne o neak baptis ngen pado bilai o jumlah tobo'o betambeak kekiro telau ribau jiwo.

ROMA 11:20

Baikba! Tobo'o natiak kerno tobo'o coa pecayo, ngen udi idup kerno imen. Jibeakba udi ombong, tapi sabenba!

ROMA 2:16

Hal o bakea keten pado bilai, amen Allah, sesuai ngen Bito Baik de uku melei namen, bakea mukum kute sesuaktau de coa keten lem atei manusio, liwet Kristus Yesus.

ROMA 5:2

Kerno ite percayo ngen Yesus, mako ite kulo dapet kasih karunio kunei Allah. Neak lem kasih karunio yo, ite idup ngen bangga lem pengharapan ngen temimo kemulioan Allah.

1 KORINTUS 16:13

Lokba udi waspada ngen teguak lem idupnu sebagai tun Kristen. Betindakba seca'o binai ngen jijaiba kuet.

1 KORINTUS 3:6

Uku temanem, Apolos semiram, tapi Allah suangba de menea tanem o idup.

1 KORINTUS 4:15

Sebab ukuba de jijai bak udi, mukin sebagai tun Kristen, udi bi temuan puluak ribau gu'au. Neak lem idupnu sebagai tun-tun de jijai do ngen Kristus, uku de jijai baknu, kerno uku de mbin Bito Baik tetang Kristus ngen ko.

2 KORINTUS 1:24

Uku coa makso udi tetang jano de udi harus pecayo, sebab udi bi kembiak pecayo ngen Kristus. Uku cuma kerjosamo ngen udi supayo udi tambeak bahagia.

1 TESALONIKA 1:6

Udi temotoa teladan keme ngen teladan Tuhan. Kunyau udi kembiak saro, udi semambut ngen riang bito de keme melei namen ngen udi. Riang o nelei Roh Allah.

1 TESALONIKA 2:13

Ade igai do hal luyen de menea keme bogoa mucep mokasiak ngen Allah. Hal o adeba, bahwo pado waktau keme semapei bito kunei Allah, udi temi'uk ngen temimo bito o iso sebagai bito kunei manusio, tapi sebagai bito de benea-benea kunei Allah. Siba de gidong kerjo lem dirainu de pecayo ngen Kristus.

1 TESALONIKA 4:1

Akhirne Saudaro-saudaro, keme sudo melei teladan ngen udi tetang awei ipe udi harus idup utuk semnang atei Allah. Memang udi bi idup awei o. Tapi uyo das kuaso Tuhan Yesus, keme minoi nien ngen udi, makso supayo udi lebiak berusaho igai lem hal o!

2 TESALONIKA 3:6

Saudaro-saudaro, das kuaso Tuhan Yesus Kristus, keme meriteak supayo udi me'uak kute Saudaro, de idup bemalas-malas, ngen de coa temurut ajaran-ajaran de keme melei ngen tobo'o.

1 PETRUS 5:12

Su'et de siket yo uku temulis ngenko ngen bantuan Silas, de uku manggap suang saudaro Kristen de setia. Uku lok melai dorongan ngenko ngen meyakin udi bahwo jano de uku temulis yo bito de benea tetang rahmat Allah. Lokba udi bepegong teguak pado rahmat o.