1 KORINTUS 14:4 - JANJAI BLAU Lem Bahaso Jang Bebilai

⁴ Tun de miling lem bahaso ajaib cuma kemuet diraine bae, tapi tun de semapei bito kunei Allah temulung jemaat jijai maju.

1 KORINTUS 14:4 ပူးပေါင်းရင်းမြစ်များ

MARKUS 16:17

Tando-tandoyo bakea semerto tun-tun de pecayo; tobo'o bakea musir semat-semat utuk gen-Ku, tobo'o bakea miling lem bahaso-bahaso de belau bagiak tobo'o.

ROMA 14:19

Sebab o tujuan ite harusba bogoa utuk hal-hal de menea kerukunan ngen samo-samo mbangun.

1 KORINTUS 12:10

Ngen suang tun nelei kuaso utuk menea keajaiban, ngen de luyen nelei karunio utuk melei namen rencano-rencano Allah. Ngen de luyen igai Roh o melei kesanggupan utuk kemliak bedane karunio de kunei Roh Allah ngen de iso kunei Allah. Ade de nelei kesanggupan utuk miling ngen bebagoi bahaso de ajaib, ngen ade kulo de nelei kesanggupan utuk jemlas tai bahaso-bahaso o.

1 KORINTUS 12:28

Awei'o kulo neak lem jemaat, Allah sudo temtau penan utuk dau tun: Mulo-mulo rasul-rasul; keduai nebai-nebai, ketelau gu'au-gu'au lajau tobo'o de menea keajaiban-keajaiban, sudo'o tobo'o de nelei karunio utuk kema'en tun, atau utuk temulung tun luyen atau utuk mipin, atau kulo utuk miling ngen bebagoi bahaso de ajaib.

1 KORINTUS 13:1

Kunyau uku dapet miling ngen bebagoi bahaso manusio, bahkan ngen bahaso malaikat, tapi uku coa kemasiak tun luyen, mako kecek-kecekku o cuma sa'ei bae coa ade taine.

1 KORINTUS 13:2

Kunyau uku pacok semapei bito kunei Allah, ngen ngertai kute hal de saro, ngen namen kutene serto kembiak pecayo ngen Allah sehinggo dapet maliak tebo, tapi uku coa kemasiak tun-tun luyen, mako uku coa ade taine!

1 KORINTUS 14:12

Tetang udi suang, uku namen udi kembiak lok dapet karunio-karunio kunei Allah. Tapi de utamo sekilai, harus berusaho utuk makei kesanggupan de temulung jemaat jijai maju.

1 KORINTUS 14:22

Jijai karunio utuk miling ngen bahaso de ajaib adeba sebagai tando bagiak tun de coa pecayo, iso utuk tun de pecayo. Ngen karunio utuk melei namen rencano Allah ngen manusio adeba tando utuk pecayo, iso utuk tun de coa pecayo.

1 KORINTUS 14:26

Jijai, Saudaro-saudaro, jano tai kutene o? Amen udi bekopoa utuk nyembeak Tuhan, ade nyanyi, ade ngajea, ade de melei namen sesuaktau kunei Allah, ade de miling lem bahaso de ajaib, ngen ade de jemlas jano de nadeak o. Tapi kutene o harusba nea utuk majea ngen kebaikan kutene.

1 KORINTUS 14:3

Sebelekne, tun de semapei bito kunei Allah, semapeine ngen manusio; utuk kemuet tobo'o, utuk melei semangat ngen tobo'o ngen utuk mibur tobo'o.

1 KORINTUS 14:5

Baik nien amen Saudaro kute dapet miling ngen bebagoi bahaso de ajaib. Tapi de paling baik adeba amen Saudaro dapet melei namen rencano-rencano Allah. Sebab, tun de semapei bito kunei Allah, lebiak lai kunei pado tun de miling ngen bebagoi bahaso de ajaib; luyen halne amen tun de miling ngen bebagoi bahaso de ajaib o dapet jemlas jano de nadeakne, supayo kute jemaat dapet, paiedeakne.