1 KORINTUS 14:3 - JANJAI BLAU Lem Bahaso Jang Bebilai

³ Sebelekne, tun de semapei bito kunei Allah, semapeine ngen manusio; utuk kemuet tobo'o, utuk melei semangat ngen tobo'o ngen utuk mibur tobo'o.

1 KORINTUS 14:3 ပူးပေါင်းရင်းမြစ်များ

LUKAS 3:18

Awei yo ba Yohanes melei nasehat tun-tun ngen memecem ca'o, pado waktau si melei namen Bito Baik.

KISAH RASUL-RASUL 13:15

Sesudo Bukau Musa ngen Bukau Nebai-nebai m'baco pemipin-pemipin umeak semyang'o meluak tun betanye ngen Paulus ngen kekuatne, “Pasuak-pasuak, amen ade neak antaro udi temuan pesen utuk tun yo, senapei ba!”

KISAH RASUL-RASUL 14:22

Neak penan'o tobo'o kemuet atei murid-murid'o ngen melei nasihat tobo'o supayo tep pecayo ngen Yesus, madeak bahwo utuk masuk moi lem Allah meriteak sebagai Rajo ite harus meding dau kesaro.

KISAH RASUL-RASUL 15:32

Yudas ngen Silas, de adeba kulo nebai, dau melei penghiburan ngen pasuak-pasuak de pecayo o ngen kemu'et atei tobo'o.

KISAH RASUL-RASUL 4:36

Awei o kulo ngen Yusuf, rasul-rasul madeak si Barnabas, taine anok penghibur, suang Lewi kunei Siprus.

KISAH RASUL-RASUL 9:31

Mako jemaat neak kute Yudea, Galilea, Samaria jijai aman. Roh Sucai temulung, tobo'o idup lem saben bakea Tuhan, jemaat-jemaat o betambeak kuet, betambeak dau.

ROMA 12:8

Amen karunio utuk melei nasehat, baikba ite melei nasehat. Api de magiak sesuaktau, lokba si meneane ngen atei ikhlas. Api de melei pipinan, lokba si meneane ngen rajin. Api de melei ngen baik atei, lokba si meneane ngen atei riang.

ROMA 14:19

Sebab o tujuan ite harusba bogoa utuk hal-hal de menea kerukunan ngen samo-samo mbangun.

ROMA 15:2

Sebelekne ite masing-masing harus semnang atei sesamo saudaro ite utuk kebaikanne, supayo imenne tambeak kuet.

1 KORINTUS 10:23

Nadeak tun, “Ite buliak menea jano bae de ite lok.” Benea! Tapi coa kute de ite lok o beguno. “Ite buliak menea jano bae de ite lok” – tapi coa kute de ite lok o mbangun idupte.

1 KORINTUS 14:12

Tetang udi suang, uku namen udi kembiak lok dapet karunio-karunio kunei Allah. Tapi de utamo sekilai, harus berusaho utuk makei kesanggupan de temulung jemaat jijai maju.

1 KORINTUS 14:17

Kunyau du'o mokasihnu ngen Tuhan o kembiak baik, tapi du'o o coa ade guno'ne samo sekilai utuk tun luyen.

1 KORINTUS 14:26

Jijai, Saudaro-saudaro, jano tai kutene o? Amen udi bekopoa utuk nyembeak Tuhan, ade nyanyi, ade ngajea, ade de melei namen sesuaktau kunei Allah, ade de miling lem bahaso de ajaib, ngen ade de jemlas jano de nadeak o. Tapi kutene o harusba nea utuk majea ngen kebaikan kutene.

1 KORINTUS 14:31

Ngen ca'o de awei'o, Saudaro-saudaro kutene, dedo, dapet semapei bito kunei Allah; supayo kutene dapet temimo pelajaran ngen jijai tambeak pecayo.

1 KORINTUS 8:1

Uyo tetang kembuk de nelei sebagai sedekeak ngen patung. Memang benea awei nadeak tun, “Ite kutene bi pacok.” Tapi kepacok o menea tun jijai ombong, sebelekne kasih mbangun pribadi tun.

2 KORINTUS 1:4

Si mibur keme lem kute derito keme, sehinggo keme sanggup mibur tobo'o de ade lem memecem derito.

2 KORINTUS 2:7

Uyo udi harus mapun si ngen melei semangat igai ngen si supayo si jibeak terlalu sedih sapei putus asa.

EFESUS 4:29

Jibeakba ade kecek de coa baik keluea kunei bibianu, tapi pakeiba kecek de baik utuk mbimbing ngen mulung tun luyen. Kecek-kecek awei o bakea jijai kebaikan ngen tun-tun de temi'ukne.

EFESUS 6:22

Do'oba sebabne uku mutus si ngen udi utuk melei namen keadaan keme ngen udi kutene, supayo si mibur ateinu.

KOLOSE 4:8

Uku mutus si ngen udi ngen alasan supayo udi namen keadaan keme ngen udi terhibur.

1 TESALONIKA 2:11

Udi namen bahwo keme manggap udi awei suang bapok te'adep anok-anokne.

1 TESALONIKA 2:3

Nasehat keme ngen udi iso kunei kekeliruan; atau kunei maksud de coa benea atau utuk mike.

1 TESALONIKA 3:2

Lajau keme mbo Timotius, Saudaro do imen te. Si suang pelayan Allah de kerjo besamo keme utuk melei namen Bito Baik tetang Kristus. Keme mutus Timotius ngen udi supayo si kemuet udi ngen ndukung udi utuk lebiak pecayo igai ngen Kristus.

1 TESALONIKA 4:1

Akhirne Saudaro-saudaro, keme sudo melei teladan ngen udi tetang awei ipe udi harus idup utuk semnang atei Allah. Memang udi bi idup awei o. Tapi uyo das kuaso Tuhan Yesus, keme minoi nien ngen udi, makso supayo udi lebiak berusaho igai lem hal o!

1 TESALONIKA 4:18

Kerno o, lokba udi samo-samo kemuet atei ngen kecek-kecek yo.

2 TESALONIKA 3:12

Das kuaso Tuhan Yesus Kristus keme meriteak tun-tun o ngen melei peringatan, supayo tobo'o kerjo seca'o tenang ngen mesoa nafkah tobo'o suang.

1 TIMOTIUS 1:4

Madeak ngen tobo'o supayo jibeak igai melei perhatian pado dongeng-dongeng ngen cerito-cerito asal-usul de coa putus-putusne. Kutene o cuma menea tekea bae, ngen coa memajukan rencano Allah de cuma dapet kemnal liwet pecayo ngen-Si.

1 TIMOTIUS 4:13

Sementaro o, sapei uku teko be, ko harus sungguak-sungguak mbaco Alkitab ngen tun-tun ngen majeane.

1 TIMOTIUS 6:2

Hamba-hamba de tuanne tun Kristen, coa buliak manggap remeh tuanne kerno tobo'o samo-samo tun Kristen. Malah tobo'o seharusne melayan tuan tobo'o ngen lebiak baik igai, sebab tuan de nelayan ngen baik o adeba samo-samo tun pecayo de dikasihi. Najeaba ngen meleiba nasihat kutene o.

2 TIMOTIUS 4:2

Lokba ko melei Bito Baik kunei Allah o, terus pakso supayo tun temi'ukne, jano tobo'o lok jano coa. Lokba ko menea tun pecayo, kemten saleakne, ngen melei nasihat ngen tobo'o. Najeaba tun ngen sabar.

TITUS 1:9

Ia harus bepegong teguak pado ajaran de dapet pecayo, awei de sudo najea ngenne. Awei ipe si sanggup melei nasehat tun pado ajaran de benea, ngen temunjuk kesaleak tun-tun de temtangne.

TITUS 2:15

Najeaba kutene o, ngen melei nasehat serto tema'okba paro pendengarnu seca'o wibawa. Jibeak munyau suang kulo manggap ko rendeak.

TITUS 2:6

Awei o kulo, meleiba nasehat ngen tun-tun u'ai supayo tobo'o jijai bijaksana.

TITUS 2:9

Hamba-hamba harus tunduk ngen tuanne. Ngen semnang atei lem kute hal. Tobo'o coa buliak melawen kecek,

IBRANI 10:25

Lokba ite tep kopoa besamo-samo, jibeakba laloi awei tun luyen. Ite justru harus lebiak setia samo-samo melei kekuatan, sebab ite namen bahwo coa an igai Tuhan bakea teko.

IBRANI 13:22

Uku minoi supayo udi temi'uk nasihat-nasihat uku yo ngen sabar, sebab su'et yo coa kembiak panjang.

IBRANI 3:13

Jijai, supayo coa ade suang kulo kunei udi de keno pike ngen duso sehinggo melawen Allah, lokba udi saling melei nasihat tiep bilai selamo ite masiak idup lem zaman de senbut “Bilai Yo” lem Kiteb Sucai.

1 PETRUS 5:12

Su'et de siket yo uku temulis ngenko ngen bantuan Silas, de uku manggap suang saudaro Kristen de setia. Uku lok melai dorongan ngenko ngen meyakin udi bahwo jano de uku temulis yo bito de benea tetang rahmat Allah. Lokba udi bepegong teguak pado rahmat o.

YUDAS 1:20

Tapi udi, Saudaro-saudaroku, binaba terus idupnu bedasar pecayonu ngen Yesus Kristus. Imennu o kembiak sucai. Sementaro o bedu'oba ngen kuaso Roh Allah,