1 KORINTUS 14:2 - JANJAI BLAU Lem Bahaso Jang Bebilai

² Tun de miling lem bahaso de ajaib, tun o isone miling ngen manusio; si miling ngen Allah. Coa ade tun de ngertai jano de si madeak, sebab Roh Allah de jijai sebab si mucep hal-hal de Allah bae namen.

1 KORINTUS 14:2 ပူးပေါင်းရင်းမြစ်များ

MATIUS 13:11

Yesus jemawab, “Sebab udi bi nelei rahmat utuk namen resio tetang awei ipe Allah meriteak, tapi tobo'o coa.

MARKUS 16:17

Tando-tandoyo bakea semerto tun-tun de pecayo; tobo'o bakea musir semat-semat utuk gen-Ku, tobo'o bakea miling lem bahaso-bahaso de belau bagiak tobo'o.

MARKUS 4:11

Si-jemawab, “Udi bi nelei resio tetang awei ipe Allah meriteak sebagai Rajo, tapi ngen tun-tun luyen kute sesuatau de senapei lem perumpamo,

KISAH RASUL-RASUL 10:46

Sebab tobo'o temi'uk tun-tun o miling lem dau bahaso ngen memuliakan Allah. Lajau nadeak Petrus,

KISAH RASUL-RASUL 19:6

Ketiko Paulus mpek tangenne neak das tobo'o, tu'unba Roh Sucai moi das tobo'o, ngen muloiba tobo'o madeak lem bahaso dileak ngen semapei bito kunei Allah.

KISAH RASUL-RASUL 22:9

Tun-tun de semerto uku, memang kemliak cayo o, tapi sa'ei Si, de madeak ngen uku, tobo'o coa temi'uk.

ROMA 16:25

Tepujaiba Allah! Si bekuaso kemuet imen Saudaro sesuai ngen Bito Baik kunei Allah de uku melei namen tetang Yesus Kristus. Uku melei namen bito o sesuai ngen jano de nelei namen Allah; adeba tetang rencano Allah de sudo berabad-abad anne coa tun namen.

1 KORINTUS 12:10

Ngen suang tun nelei kuaso utuk menea keajaiban, ngen de luyen nelei karunio utuk melei namen rencano-rencano Allah. Ngen de luyen igai Roh o melei kesanggupan utuk kemliak bedane karunio de kunei Roh Allah ngen de iso kunei Allah. Ade de nelei kesanggupan utuk miling ngen bebagoi bahaso de ajaib, ngen ade kulo de nelei kesanggupan utuk jemlas tai bahaso-bahaso o.

1 KORINTUS 12:28

Awei'o kulo neak lem jemaat, Allah sudo temtau penan utuk dau tun: Mulo-mulo rasul-rasul; keduai nebai-nebai, ketelau gu'au-gu'au lajau tobo'o de menea keajaiban-keajaiban, sudo'o tobo'o de nelei karunio utuk kema'en tun, atau utuk temulung tun luyen atau utuk mipin, atau kulo utuk miling ngen bebagoi bahaso de ajaib.

1 KORINTUS 13:1

Kunyau uku dapet miling ngen bebagoi bahaso manusio, bahkan ngen bahaso malaikat, tapi uku coa kemasiak tun luyen, mako kecek-kecekku o cuma sa'ei bae coa ade taine.

1 KORINTUS 13:2

Kunyau uku pacok semapei bito kunei Allah, ngen ngertai kute hal de saro, ngen namen kutene serto kembiak pecayo ngen Allah sehinggo dapet maliak tebo, tapi uku coa kemasiak tun-tun luyen, mako uku coa ade taine!

1 KORINTUS 14:16

Sebab amen Saudaro mucep mokasih ngen Allah ngen rohnu bae, ngen ade tun luyen de coa ngertai bahaso ajaib de kunei Roh Allah o, mako tun coa dapet madeak, “Uku tujau” te'adep du'o sukurnu o; kerno si coa namen jano de Saudaro nadeak.

1 KORINTUS 14:26

Jijai, Saudaro-saudaro, jano tai kutene o? Amen udi bekopoa utuk nyembeak Tuhan, ade nyanyi, ade ngajea, ade de melei namen sesuaktau kunei Allah, ade de miling lem bahaso de ajaib, ngen ade de jemlas jano de nadeak o. Tapi kutene o harusba nea utuk majea ngen kebaikan kutene.

1 KORINTUS 15:51

Ingetba resio yo: Coa kutene ite bakea matei, tapi ite kutene bakea bubeak.

1 KORINTUS 2:10

Kerno ngen ite Allah bi kemtenne ngen Roh, sebab Roh semlidik kute sesuaktau, bahkan hal-hal de coa keten lem dirai Allah.

1 KORINTUS 2:7

Tapi de keme melei namen adeba kebijaksanaan kunei Allah. Kebijaksanaan o coa namen ngen dunio, tapi Allah bi semiapne utuk kebahagiaan ite ayok dunio yo jenijai.

EFESUS 6:19

Ngen bedu'oba kulo utuk uku, supayo pado waktau uku miling, Allah melei ngen uku kecek-kecek de benea, supayo uku ngen binai melei namen resio Bito Baik o.

KOLOSE 2:2

Kutene yo uku menea supayo atei tobo'o jijai kuet ngen tobo'o sesamo mengasihi sehinggo tobo'o kuet bersatu. Ngen awei o tobo'o sungguak-sungguak ngertai ngen yakin serto namen resio Allah, adeba Kristus.

1 TIMOTIUS 3:16

Coa suang kulo dapet temulok, padeak kelaine resio agamo te: Si kemten dirai lem rupo manusio, ngen de benea lem Roh, serto kenliak para malaikat. Bitone sapei neak antaro bangso-bangso, ngen Si cenayo neak kute dunio ngen naket moi surgo.

1 TIMOTIUS 3:9

Tobo'o harus bepegong teguh ngen atei nurani de sucai pado ajaran kepercayaan Kristen de sudo Allah melei namen.

WAHYU 10:7

Tapi amen malaikat ketujuak kembus trupetne, Allah bakea menea rencano resio-Ne, awei bi Si madeak ngen hamba-hamba-Ne, adeba paro nebai.”