1 KORINTUS 13:9 - JANJAI BLAU Lem Bahaso Jang Bebilai

⁹ Sebab, pengetahuan ngen kesanggupan ite utuk semapei bito kunei Allah, masiak ku'ang sempurno.

1 KORINTUS 13:9 ပူးပေါင်းရင်းမြစ်များ

MATIUS 11:27

Lajau Yesus madeak, kute bi senreak Bak utuk-Ku, “Coa su'ang tun kemnal Anok seluyen Bak. Coa gen kulo de kemnal Bak seluyen Anok ngen tun-tun de niliak Anok'o utuk nelei namen api sebeneane Bak.

ROMA 11:34

Sebab, api de namen pekeran Tuhan? Atau api de perneak jijai penasehat-Ne?

1 KORINTUS 13:10

Konyo bakea sapei waktaune Allah menea kute sempurno, ngen de coa sempurno o bakea nyep.

1 KORINTUS 13:12

Jano de ite kemliak yo adeba awei bayangan de kabur pado senno. Tapi konyo ite bakea kemliak langsung ngen jelas. Uyo uku ati namen kutene, tapi konyo uku bakea namen kutene serai awei Allah namen kutene tetang diraiku.

1 KORINTUS 2:9

Sebelekne hal o adeba awei de tetulis lem Kiteb Sucai, “Jano de coa perneak kenliak atau teni'uk manusio, ngen coa perneak kulo timboa lem pekeran manusio, do'oba de seniap Allah utuk tun-tun de sayang ngen-Si.”

1 KORINTUS 8:2

Tun de sako bahwo si namen dau, sebeneane tun ati dau namen.

EFESUS 3:8

Neak antaro kute umat Allah, ukuba de kebiak hino. Tapi Allah melei karunio o ngen uku, utuk melei namen ngen tun-tun iso Yahudi Bito Baik tetang kekayaan Kristus de coa pakei abis,

1 YOHANES 3:2

Saudaro-saudaro de tecito! Ite uyo adeba anok-anok Allah, tapi keadaan ite be ati jelas. Tapi ite namen bahwo amen Kristus teko, ite bakea jijai awei Si, sebab ite bakea kemliak Si lem keadaan-Ne de sebeneane.