1 KORINTUS 13:8 - JANJAI BLAU Lem Bahaso Jang Bebilai

⁸ Selalu ade waktau neak ipe tun perlu saling kemasiak. Uyo ade tun de pacok semapei bito kunei Allah, tapi konyo si bakea bedan semapei bito o. Uyo ade de pacok miling lem bebagoi bahaso de ajaib, tapi konyo si bakea bedan miling lem bahaso-bahaso o. Uyo ade tun de namen dau hal, tapi tobo'o bakea coa tinget jano de tobo'o namen.

1 KORINTUS 13:8 ပူးပေါင်းရင်းမြစ်များ

LUKAS 22:32

Tapi Uku bi bedu'o utuknu, supayo imennu jibeak lemuak. Ngen udi, amen ko sudo insaf, kenuetba pasuak-pasuaknu.”

KISAH RASUL-RASUL 13:1

Pado waktau'o lem jemaat neak Antiokhia ade kekedau nebai ngen pengajea, adeba: Barnabas ngen Simeon de senbut Niger, ngen Lukius tun Kirene, ngen Menahem de nasuh besamo ngen rajo Wilayah Herodes, ngen Saulus.

KISAH RASUL-RASUL 19:6

Ketiko Paulus mpek tangenne neak das tobo'o, tu'unba Roh Sucai moi das tobo'o, ngen muloiba tobo'o madeak lem bahaso dileak ngen semapei bito kunei Allah.

KISAH RASUL-RASUL 2:4

Tobo'o kute kenuaso Roh Sucai, ngen muloi miling lem bahaso-bahaso luyen, awei de nelei Roh'o ngen tobo'o utuk nadeak.

1 KORINTUS 12:10

Ngen suang tun nelei kuaso utuk menea keajaiban, ngen de luyen nelei karunio utuk melei namen rencano-rencano Allah. Ngen de luyen igai Roh o melei kesanggupan utuk kemliak bedane karunio de kunei Roh Allah ngen de iso kunei Allah. Ade de nelei kesanggupan utuk miling ngen bebagoi bahaso de ajaib, ngen ade kulo de nelei kesanggupan utuk jemlas tai bahaso-bahaso o.

1 KORINTUS 13:10

Konyo bakea sapei waktaune Allah menea kute sempurno, ngen de coa sempurno o bakea nyep.

1 KORINTUS 13:13

Jijai, utuk saat yo ade telau hal de ite harus tep nea: pecayo, ma'ep, ngen saling kemasiak. De paling penting kunei ketelaune o adeba kemasiak tun-tun luyen.

1 KORINTUS 14:39

Kerno o, Saudaro-saudaro, berusahoba utuk semapei bito kunei Allah, tapi jibeakba temgea tun de lok miling lem bebagoi nahaso de ajaib.

1 KORINTUS 8:2

Tun de sako bahwo si namen dau, sebeneane tun ati dau namen.

GALATIA 5:6

Sebab bagiak tun-tun de ade neak lem Kristus Yesus hal sunat coa temuan tai, cuma imen de bekerjo ngen kasih.

IBRANI 8:13

Ngen madeak suaktau janjai de blau, Allah menea janjai de pertamo o jijai tuai ngen usang; jano de sudo tuai, bakea segro nyep.