1 KORINTUS 13:7 - JANJAI BLAU Lem Bahaso Jang Bebilai

⁷ Si tabah ngen lok pecayo ngen de lebiak baik pado tiep tun; lem keadaan de aweipe kulo tun de kemasiak coa perneak putus asa ngen sabar mbot kute hal.

1 KORINTUS 13:7 ပူးပေါင်းရင်းမြစ်များ

MATIUS 10:22

Kerno udi penotoa-Ku, tun bakea jengik ngen udi. Tapi tun de tep pecayo ngen Uku sapei akhir, Allah bakea semlamat si.

MARKUS 9:23

Yesus jemawab, “Nadeaknu: Amen Ko nam? Coa ade de mustahil utuk tun de pecayo!”

ROMA 15:1

Ite de sungguak-sungguak yakin ngen jano de ite pecayo, harusba sabar teadep kelemahan-kelemahan tun de coa kuet imenne. Jibeakba ite lok semnang dirai ite su'ang bae.

ROMA 8:24

Sebab ite senlamat lem pengharapan. Tapi pengharapan de kenliak, iso pengharapan igai; sebab awei ipe tun masiak ma'ep jano de kenliakne?

1 KORINTUS 13:4

Tun de kemasiak tun-tun luyen, tun o sabar ngen baik atei. Si coa nyebuau, coa ngike, coa ombong.

1 KORINTUS 9:12

Amen tun-tun luyen berhok ma'ep dio kunei udi, iso keme lebiak berhok igai kunei tobo'o? Tapi uku ati gemuno hok'o. Sebelekne uku lebiak galok temanggung kute sesuaktau kunei pado menea suaktau hal de temutup dalen bagiak Bito Baik tetang Kristus.

GALATIA 6:2

Lokba udi tulung temulung temanggung beban tun! Ngen awei o udi taat ngen periteak Kristus.

2 TESALONIKA 1:4

Do'oba sebabne getai keme miling tetang udi tiep kilai keme semulau jemaat-jemaat Allah. Ngen bangga keme cemrito awei ipe udi tep pecayo ngen Kristus neak lem penganiayaan ngen penderitaan de udi meding.

2 TIMOTIUS 2:24

Tun de bekerjo utuk Tuhan coa patut tekea; si harus ramah te'adep kute tun, ngen dapet majea tun seca'o baik ngen sabar.

2 TIMOTIUS 3:11

Ko bi kemliak uku senikso ngen uku saro. Ko namen kute de tejijai te'adep uku neak Antiokhia, neak Ikonium, ngen neak Listra. Ko namen kute de uku meding saro. Tapi Tuhan semlamat uku kunei kutene o.

2 TIMOTIUS 4:5

Kunyau awei o, ko harus kemuaso dirainu lem keadaan awei ipe kulo. Tabah lem saro, kemerjoba tugasnu sebagai tukang melei Bito Baik o ngen neaba ngen sebaik-baikne kewajibannu sebagai pelayan Allah.

IBRANI 13:13

Kerno o, maroba ite lalau ngen-Si moi luea kemah ngen milau hino tun besamo Si.

YAKOBUS 1:12

Riangba tun de sabar pado waktau si cenubo. Sebab sesudo si berasea taen lem cobaan o, si bakea temimo upeakne, adeba idup de sudo jenanjai Allah ngen tun-tun de cito ngen Allah.

1 PETRUS 2:24

Kristus su'ang musung duso-duso ite pado dirai-Ne neak das kieu salib, supayo ite bebas kunei kuaso duso, idup temurut kelok Allah. Sileak-sileak Kristusba de kema'en udi.

1 PETRUS 4:8

Lebiak kunei pado kekute, lokba udi sungguak-sungguak kemasiak do ngen luyen, sebab ngen saling kemasiak udi bakea besedio kulo utuk saling mapun.