1 KORINTUS 13:5 - JANJAI BLAU Lem Bahaso Jang Bebilai

⁵ Si rendeak atei, coa kasar, si coa makso tun luyen temotoa kelokne suang, coa kulo gacang tesinggung, ngen coa dendem.

1 KORINTUS 13:5 ပူးပေါင်းရင်းမြစ်များ

MATIUS 5:22

Tapi Uku madeak ngen udi, tiep tun de mengiak ngen tun luyen, bakea senidang; api de mino tun luyen bakea de senidang neak pengadilan agamo Yahudi. Api de madeak, ‘Coa blu'at ngen kidek plepne,’ patut nuang moi opoi nerako.

MATIUS 9:4

Tapi Yesus namen pekeran tobo'o, lajau madeak, “Getai pekerannu jahat?

MARKUS 3:5

Si kembiak duko kerno telo atei tobo'o ngen Si lebiak mengiak kemliak tun-tun neak le'etne lajau Si madeak ngen tobo'o, “Nuluaba tangennu!” Lajau tun mulua tangenne, mako ka'enba tangenne o.

LUKAS 7:39

Waktau tun Farisi de mundang Yesus kemliak hal o, si madeak lem atei, “Kekiro tun yo nebai, paset Si namen api selawei o de megong Si, ngen bahwo selawei o idup lem duso!”

1 KORINTUS 10:24

Jibeakba suang kulo bejuang utuk diraine suang. Tiep tun harus bejuang utuk tun luyen.

1 KORINTUS 10:33

Idupba awei uku. Uku berusaho semnang atei kute tun lem dau hal, coa gen maksud utuk kepentingan dirai suang. Tujuan uku cuma supayo tobo'o kutene dapet selamat.

1 KORINTUS 11:18

Pertamo-tamo uku temi'uk, bahwo neak antaro udi ade kelopok-kelopok de selisiak. Ngen temurut uku bito o ade baneane.

1 KORINTUS 12:25

Ngen aweiyo, awok o coa tece'ei; masing-masing anggota dulai do ngen de luyenne.

1 KORINTUS 7:36

Amen suang tun meding coa maneu de sepatut te'adep asenne, amen si coa dapet tema'en nafsune, ngen si meding perlu nikeak ngen selawei'o, kunyauba si menea jano de medingne baik. Si coa beduso, amen tobo'o nikeak.

2 KORINTUS 5:19

Sebab neak lem Kristus, Allah ndamoi dunio ngen dirai-Ne ngen coa kemliak saleak tobo'o, Si bi melei kepercayaan bito perdamaian o nge keme.

GALATIA 5:13

Saudaro bi nok utuk jijai tun de bebas. Tapi jibeakba makei kebebasannu o utuk bogoa menea jano bae de udi lok nea. Sebelekne, udi harus samo-samo mengasihi ngen samo-samo melayani.

FILIFI 2:21

Kute de luyenne cuma mesoa kepentinganne suang, iso kepentingan Kristus Yesus.

FILIFI 4:8

Akherne, Saudaro-saudaro, isaiba pekerannu ngen hal-hal beguno, de patut nujai, adeba hal-hal de benea, de terhormat, adea, murni, mis, ngen baik.

2 TESALONIKA 3:7

Udi suang namen bahwo udi harus temirau contoh keme. Keme coa bemalas-malas ketiko keme ade neak tengeak-tengeak udi.

2 TIMOTIUS 2:10

Do'oba sebabne uku sabar temanggung kutene o demi kepentingan tun-tun de sudo niliak Allah, supayo tobo'o kulo dapet keselamatan de nelei liwet Kristus Yesus, ngen kemulioan de kekal.

2 TIMOTIUS 4:16

Pado waktau uku pertamo sekilai bela diraiku, coa ade suang kulo de temulung; kutene teminggea uku. Mudah-mudahan Allah coa semaleak tobo'o lem hal yo.

YAKOBUS 1:19

Kemliakba dio bebaik, Saudaro-saudaro de tecito! Tiep tun harus gacang utuk temi'uk, tapi cendok utuk miling ngen mengiak.