1 KORINTUS 13:4 - JANJAI BLAU Lem Bahaso Jang Bebilai

⁴ Tun de kemasiak tun-tun luyen, tun o sabar ngen baik atei. Si coa nyebuau, coa ngike, coa ombong.

1 KORINTUS 13:4 ပူးပေါင်းရင်းမြစ်များ

1 PETRUS 4:8

Lebiak kunei pado kekute, lokba udi sungguak-sungguak kemasiak do ngen luyen, sebab ngen saling kemasiak udi bakea besedio kulo utuk saling mapun.

EFESUS 4:32

Tapi lokba udi ramah te'adep tun luyen, baik atei ngen samo melei apun, awei Allah bi mapun udi neak lem Kristus.

KOLOSE 3:12

Saudaro adeba umat Allah. Allah sayang ngen udi ngen miliak udi utuk jijai de Si temuan de khusus. Do'oba sebabne udi harus kemten belas kasihan, udi harus baik atei, rendeak atei, lemah lembut, ngen taen saro.

1 YOHANES 4:11

Saudaro-saudaro de tecito, amen Allah kembiak mengasiak ite, ite kulo harus mengasiak do ngen de luyenne.

1 PETRUS 3:8

Kesimpulanne adeba: lokba Saudaro-saudaro do atei ngen do perasaan. Lokba udi saling sayang menyayangi awei tun-tun de bersaudaro. Ngen lokba udi berbelaskasihan ngen bersikap rendak atei.

1 TESALONIKA 5:14

Keme minoi kulo, Saudaro-saudaro, tena'okba bebaik tun de coa lok kerjo, hiburba atei tobo'o de saben, tulungba tun de perlu tenulung ngen sabarba te'adep kute tun.

2 PETRUS 1:7

Ngen idup temurut kelok Allah harus kulo nelkep ngen kasih sayang ngen saudaro-saudaro do imen. Selanjutne lokba kasih sayangnu ngen saudaro-saudaro do imen tenambeak ngen kasih teadep kute tun.

EFESUS 4:2

Lokba udi rendeak atei, lemah lembut, ngen sabar. Kentenba kasiaknu ngen saling temulung.

2 KORINTUS 6:6

Ngen atei sucai, bijaksano, sabar ngen baik atei; lem Roh Kudus ngen kasih de tulus ikhlas;

KOLOSE 1:11

Semoga ngen kuaso kunei Allah de agung, udi kenuet sehinggo udi sanggup meding saro kute sesuaktau ngen sabar, senang atei

GALATIA 5:26

ngen jibeakba ombong, jibeakba ite saling belawen ngen iri atei.

1 KORINTUS 4:6

Saudaro-saudaro! Utuk kepentingannu, uku bi makei kutene o ngen Apolos ngen diraiku suang. Maksudne supayo kunei contoh keme o udi dapet belajea jano tai ungkapan, “Bepegongba pado peraturan de ade.” Ngen awei o coa suang tun kulo kunei udi dapet ombong tetang suang tun, lajau mino de luyen.

2 TIMOTIUS 4:2

Lokba ko melei Bito Baik kunei Allah o, terus pakso supayo tun temi'ukne, jano tobo'o lok jano coa. Lokba ko menea tun pecayo, kemten saleakne, ngen melei nasihat ngen tobo'o. Najeaba tun ngen sabar.

2 TIMOTIUS 3:10

Tapi ko bi temotoa ajaran-ajaran uku, ca'o idupku, ngen tujuan idupku. Ko bi kemliak suang awei ipe uku sungguak-sungguak pecayo ngen Yesus Kristus ngen mengasihi sesamo manusio. Ko kulo namen kesabaran ngen ketabahan uku.

1 PETRUS 2:1

Kerno o, nuangba kunei dirainu kute de jahat; jibeak igai mike, jibeak pura-pura. Jibeak iri atei, jibeak mino tun luyen.

TITUS 3:3

Sebab bel'o ite suang kulo bodong, sesat ngen coa taat. Ite jijai hamba memecem nafsu ngen kelok; ite idup ngen niat-niat kidek ngen kidek atei, serto saling jengik.

1 KORINTUS 3:3

kerno udi masiak manusio duniawi. Sebab amen udi masiak iri atei, selisiak do ngen de luyen, do'o kemten bahwo udi masiak idup temurut manusio duniawi, awei tun-tun de coa kemnal Allah.

KISAH RASUL-RASUL 7:9

Bapok-bapok leluhur ite o nyebu'au ngen Yusuf, sehinggo tobo'o jemuoa si jijai budok neak Mesir. Tapi Allah semerto si,

2 TIMOTIUS 2:25

Si harus lemah lembut majea tun-tun de galok melawen; mudah-mudahan Allah melei kesepatan ngen tun-tun o utuk tobat kunei duso-duso tobo'o ngen kemnal ajaran de benea.

1 TIMOTIUS 6:4

si adeba tun ombong ngen coa namen jejano! Plepne adeba galok selisiak ngen tekea tetang istilah-istilah sehinggo timboa iri atei, perpecahan, fitneak, curiga ngen de coa baik,

1 KORINTUS 8:1

Uyo tetang kembuk de nelei sebagai sedekeak ngen patung. Memang benea awei nadeak tun, “Ite kutene bi pacok.” Tapi kepacok o menea tun jijai ombong, sebelekne kasih mbangun pribadi tun.

ROMA 1:29

Atei tobo'o penuak ngen kute de kidek, serakah, kidek atei, munuak, belago, ngike dendem. Tobo'o galok madeak tun luyen,

YAKOBUS 4:5

Jibeak sako bahwo Kiteb Sucai coa ade alasan madeak, “Neak lem dirai ite Allah mpek Roh de kembiak kuet.”

1 KORINTUS 4:18

Kekedau tun kunei antaro udi bi jijai ombong, sebab tobo'o sako uku coa bakea teko ngen ko.

ROMA 13:13

Maroba ite idup ngen sopan, awei tengeak bilai, jibeak lem pesta pora ngen mabuk, jibeak lem percabulan ngen hawa nafsu, jibeak lem selisiak ngen kidek atei.

KOLOSE 2:18

Jibeakba udi munyau dirainu rugai ngen tun de aweine merendeak dirai ngen sembeak malaikat-malaikat. Tun o ombong ngen pekeran-pekeranne de duniawi ngen mengagung-agungkan pengeliak-pengeliakne de khusus,

FILIFI 1:15

Memang ade kekedau neak antaro tobo'o de melei namen Kristus kerno iri ngen lok tekea, tapi de luyenne melei namen Kristus kerno ade maksud de baik.

2 KORINTUS 12:20

Uku khawatir bahwo pado waktau uku mulau udi be, uku kemliak udi coa awei jano de uku lok, ngen udi kulo bakea kemliak uku coa awei de udi lok. Jibeak sapei be ade de tekea, iri atei, panes atei, mementingkan dirai suang, fitneak, majung, ombong ngen kemacau.

1 KORINTUS 5:2

Kunyau awei o, udi masiak ombong. Sebelekne udi seharusne ibo ngen keluea kunei tun-tun de menea hal o.

MATIUS 27:18

Pilatus madeak awei'o sebab si namen bahwa pemipin-pemipin Yahudi semreak Yesus ngen si kerno tobo'o kidek atei.