1 KORINTUS 12:9 - JANJAI BLAU Lem Bahaso Jang Bebilai

⁹ Roh de do o kulo melei ngen tu de do, kemampuan de luea biaso utuk pecayo ngen Kristus; tapi ngen de luyen Roh melei kuaso utuk kema'en tun.

1 KORINTUS 12:9 ပူးပေါင်းရင်းမြစ်များ

MATIUS 10:8

Kemaenba tun-tun bolon; midup igai tun-tun matei; kemaenba tun-tun de olon babok de kembiak saben ite kembiakne, ngen nusirba roh-roh jahat udi bi temimo kutene'o ngen coa nasen. Jijai neleiba bae.

MATIUS 21:21

“Sungguak,” jawab Yesus, “Amen udi pecayo ngen coa ragau, udi kulo dapet menea jano de sudo ku menea teradep pun ara yo. Ngen coa'o bae, tapi udi dapet madeak ngen tebo yo, ‘Taketba ngen teku'ang moi lem laut’; hal'o bakea tejijai.

MARKUS 16:18

Tobo'o bakea megong dung, ngen debat tobo'o menem acun de bahayo, tobo'o coa bakea dapet celako; tobo'o bakea meletok tangenne das tun bolon, ngen tun'o bakea ka'en.”

MARKUS 6:13

Ngen tobo, o musir dau roh kidek, ngen melomok dau tun bolon ngen minyok ngen kema'en tobo'o.

LUKAS 10:9

Kena'enba tun-tun de bolon neak kota o, ngen nelei bito ngen tun-tun neak di, ‘Allah segro bakea muloi meriteak awei Rajo neak tengeak-tengeak udi.’

LUKAS 9:2

Sesudo'o Si meluak tobo'o lalau kema'en tun bolon ngen semiar bito tetang awei ipe Allah meriteak sebagai Rajo.

KISAH RASUL-RASUL 10:38

Udi namen bahwo Allah bi miliak Yesus tun Nazaret o, melei namen ngen-Si Roh Sucai ngen kuaso. Udi namen kulo bahwo Yesus o lalau moi ipe bae utuk menea baik, Si kemaen kute tun de kenuaso Iblis, kerno Allah semerto Si.

KISAH RASUL-RASUL 5:15

Tobo'o mbin tun-tun bolon moi luea, moi dalen lai, gemulingne neak das penan tidua ngen neak tikea, supayo amen Petrus liwet, tobo'o paling didikne nam keno bayangan Petrus.

1 KORINTUS 12:28

Awei'o kulo neak lem jemaat, Allah sudo temtau penan utuk dau tun: Mulo-mulo rasul-rasul; keduai nebai-nebai, ketelau gu'au-gu'au lajau tobo'o de menea keajaiban-keajaiban, sudo'o tobo'o de nelei karunio utuk kema'en tun, atau utuk temulung tun luyen atau utuk mipin, atau kulo utuk miling ngen bebagoi bahaso de ajaib.

1 KORINTUS 12:30

atau utuk kema'en tun, atau utuk miling ngen bebagoi bahaso de ajaib, atau utuk melei namen tai bahaso-bahaso o.

1 KORINTUS 13:2

Kunyau uku pacok semapei bito kunei Allah, ngen ngertai kute hal de saro, ngen namen kutene serto kembiak pecayo ngen Allah sehinggo dapet maliak tebo, tapi uku coa kemasiak tun-tun luyen, mako uku coa ade taine!

2 KORINTUS 4:13

Neak lem Alkitab ade kecek awei yo, “Uku pecayo, do'o sebabne uku miling.” Ngen awei yo keme kulo pecayo ngen sebab o keme kulo miling.

EFESUS 2:8

Allah mengasihi udi, do'o sebabne Allah semlamat udi kerno udi pecayo ngen Yesus; do'o iso asea usahonu, tapi pelei Allah,

IBRANI 11:33

Kerno berimen, mako tobo'o sudo maleak rajo-rajo. Tobo'o menea jano de benea, sehinggo temimo jano de jenanjai Allah. Tobo'o temutup bibia-bibia jegau.