1 KORINTUS 11:34 - JANJAI BLAU Lem Bahaso Jang Bebilai

³⁴ Amen ade de nyemen, si harus mbuk dute neak dasei. Amen udi dulai ngen hal yo mako semyangnu coa bakea dapet ukuman kunei Allah kerno dirainu suang. Tetang masalah-masalah de luyen, bakea uku jemlas ngen udi, amen uku teko konyo.

1 KORINTUS 11:34 ပူးပေါင်းရင်းမြစ်များ

1 KORINTUS 11:33

Kerno o, Saudaro-saudaroku amen udi bekopoa utuk embuk pado perjamauan Tuhan, udi harus saling mbot.

1 KORINTUS 16:1

Uyo tetang caci de udi lok sendekeak ngen sesamo tun Kristen, uku semayo supayo udi menea sesuoi petunjuk de uku melei ngen jemaat-jemaat neak Galatia.

1 KORINTUS 16:2

Pado bilai pertamo tiep minggau, lokba Saudaro kutene mok pao caci, masing-masing sesuoi ngen pendapatanne. Naikba caci o sapei uku teko, supayo pado waktau o coa perlu igai kenopoa.

1 KORINTUS 16:5

Uku bakea semulau udi sesudo liwet Makedonia, sebab uku beniat utuk liwet neak di.

1 KORINTUS 4:17

Utuk o uku bi mutus Timotius ngen ko. Sebagai penotoa Kristus, si serai awei anokku suang de uku sayang. Si anok de dapet uku pecayo. Be si bakea minget udi tetang ca'o idup de uku totoa sesudo pecayo ngen Kristus, adeba ca'o idup de uku majea neak tiep jemaat neak ipe bae.

1 KORINTUS 4:19

Tapi amen Tuhan melei izin uku bakea teko kulo ngen ko coa an igai. Be pado waktau o uku bakea kemliak kulo jano de dapet nea tun-tun de ombong o; iso cuma kecek tobo'o bae.

1 KORINTUS 7:17

Lokba masing-masing matur kehidupanne temurut nasehat Tuhan awei de sudo tentau Allah bagiakne pado waktau Allah menokne utuk pecayo ngen-Si. Do, oba peraturan de uku najea neak tiep-tiep jemaat.

TITUS 1:5

Uku teminggea ko neak Kreta supayo ko dapet murus hal-hal de masiak perlu natur. Kulo, supayo ko maket pemipin-pemipin jemaat neak tiep kota. Tingetba ngen petunjuk-petunjukku yo: