1 KORINTUS 1:9 - JANJAI BLAU Lem Bahaso Jang Bebilai

⁹ Udi dapet pecayo ngen Allah sepenuakne. Siba Allah de sudo menok udi utuk jijai do ngen Anok-Ne, adeba Yesus Kristus, Tuhante.

1 KORINTUS 1:9 ပူးပေါင်းရင်းမြစ်များ

MATIUS 24:35

Lenget ngen bumai bakea nyep, tapi Firman-Ku tep selamo-lamone.”

YOHANES 17:21

Supayo tobo'o kute jijai do, serai awei Ko, au Bapa, neak lem ite, supayo dunio pecayo bahwo Ko ba de sudo mutus Uku.

ROMA 11:17

Kerno o amen kekedau dan bi natiak ngen udi sebagai sping bi cenakuk neak antarone ngen dapet bagian lem balet pun zaitun de penuak geteak,

ROMA 8:28

Ite namen uyo, bahwo Allah kulo kerjo lem kute sesuaktau utuk mbin kebaikan utuk tobo'o de mengasihi Si, adeba utuk tobo'o de nok-Ne sesuai ngen rencano Allah.

ROMA 8:30

Ngen tobo'o de tentau-Ne kunei semulo, tobo'o kulo nok-Ne. Ngen tobo'o de nok-Ne, tobo'o kulo benea-Ne. Ngen tobo'o de benea-Ne, tobo'o kulo mulia-Ne.

ROMA 9:24

adeba ite, de sudo nok-Ne iso cuma kunei antaro tun Yahudi, tapi kulo kunei antaro bangso-bangso luyen.

1 KORINTUS 1:30

Allah suangba de nea sehinggo udi jijai do ngen Kristus Yesus. Liwet Kristus, ite jenijai-Ne bijaksana. Liwet Si kulo Allah menea te baik igai ngen dirai-Ne, jemijai ite umat-Ne de khusus, ngen mbebas ite.

1 KORINTUS 10:13

Tiep cobaan de Saudaro meding adeba cobaan de patut ending manusio. Tapi Allah setia pado janjai-Ne. Si coa bakea munyau Saudaro cemubo lebiak kunei kemampuannu. Pado waktau Saudaro dapet cobaan, Tuhan bakea melei dalen ngen ko utuk jijai kuet supayo Saudaro dapet betaen.

1 KORINTUS 10:16

Pado waktau ite menem anggur ngen mucep syukur ngen Allah, do'o kemten bahwo ite jijai ngen Kristus lem kematei-Ne. Pado waktau ite magiak ruti utuk nembuk besamo, do'o kemten bahwo ite jijai do lem awok Kristus.

2 KORINTUS 1:18

Demi Allah de setia, janjai keme ngen udi iso “Ya” ngen “Coa”.

GALATIA 1:15

Tapi kerno baikne atei Allah, Si miliak uku ayok uku laher ngen menok uku utuk melayan-Ne.

GALATIA 2:20

Uyo iso igai uku de idup, tapi Kristus de idup lem dirai uku. Idup de uyo uku maneu seca'o jasmani adeba idup ngen imen lem Anok Allah de sudo mengasihi uku ngen semreak dirai-Ne utuk uku.

EFESUS 3:6

Resio o adeba: Liwet Bito Baik o, tun iso Yahudi milau jijai ahli-ahli waris ngen anggota-anggota awok ngen milau temimo jano de jenanjai Allah liwet Kristus Yesus.

KOLOSE 1:24

Uyo uku senang saro utuk kepentingannu. Sebab ngen derito, uku gemnep jano de masiak harus Yesus meding saro utuk jemaat-Ne, adeba awok-Ne.

1 TESALONIKA 2:12

Keme melei nasihat ngen udi, keme melei semangat ngen udi, ngen keme pakso udi supayo idup awei o sehinggo semnang atei Allah. Kerno Allah bi menok udi utuk jijai warga Dunio Blau Allah ngen meding kemulioan-Ne.

2 TESALONIKA 2:14

Utuk do'oba Allah menok udi liwet Bito Baik de keme melei namen ngen udi. Allah menok udi, kerno Si lok supayo udi milau meding kemuliaan Tuhan ite Yesus Kristus.

2 TESALONIKA 3:3

Tapi Tuhan setia. Si bakea kemuet udi ngen jemago udi kunei Si de kidek.

2 TIMOTIUS 1:9

Allah semlamat ite ngen menok ite supayo jijai umat-Ne suang. Si menea o iso kerno jano de ite bi kenerjo, tapi kerno rencano-Ne suang ngen rahmat-Ne. Si melei ite rahmat-Ne liwet Kristus Yesus ayok dunio yo ade.

2 TIMOTIUS 2:13

Amen ite coa setia, Si tep setia, kerno Si coa dapet muker dirai-Ne suang.”

TITUS 1:2

Ajaran o das dasar harapan bahwo ite bakea temimo idup sejati ngen kekal. Allah bi melei janjai idup o ayok mulone zaman – ngen Allah coa mukin ngike.

IBRANI 10:23

Lokba ite bepegong teguh ngen harapan de ite pecayo, sebab Allah dapet cenayo ngen Si bakea tempat janjai-Ne.

IBRANI 11:11

Kerno berimen, mako Abraham dapet anok kunei Sara, kunyau Abraham bi tuai nien, ngen Sara suang temanang. Sara yakin bahwo Allah bakea menepati janjai-Ne.

IBRANI 2:17

Dio taine bahwo Si harus jijai serai ngen saudaro-saudaro-Ne lem kute hal. Ngen o Si dapet jijai Imem Lai de setia ngen penuak kasiak. Ngen pelayanan-Ne o duso manusio dapet napun.

IBRANI 3:1

Saudaro-saudaro sesamo Kristen de sudo nok Allah! Cubo peker lem-lem tetang Yesus yo! Allah mutus Si khusus utuk jijai Imem Lai lem agamo de ite pegong.

IBRANI 3:14

Ite kute adeba kuat seperjuangan ngen Kristus, asal ite sapei akhir tep yakin de ite temuan pado mulone.

IBRANI 6:18

Duai hal o coa dapet bubeak: Allah coa mukin mike tetang janjai ngen supeak-Ne. Kerno o, ite de sudo belindung ngen Allah, kenuet supayo bepegong teguh pado harapan de tebetang neak adep ite.

1 PETRUS 5:10

Tapi sesudo udi menderita tegoa, Allah suang bakea menea udi jijai sempurno. Si bakea temgok ngen kemuet udi serto kemukuak udi. Sebab Si adeba Allah de kembiak baik atei, de sudo menok ko utuk milau meraso keagungan-Ne de abadi liwet Kristus.

1 YOHANES 1:3

Jano de sudo keme kemliak ngen temi'uk, do'oba kulo de keme melei namen ngen udi, supayo udi ngen keme besamo-samo idup jijai do ngen Bapa ngen Anok-Ne Yesus Kristus.

1 YOHANES 1:7

Tapi amen ite idup neak lem teang serai awei Allah ade neak lem te'ang, mako ite idup erat, rukun do ngen de luyenne, ngen daleak Yesus, Anok-Ne, semucai ite kunei kute duso.

1 YOHANES 4:13

Kerno Allah bi melei Roh-Ne ngen ite, mako ite namen bahwo ite bi idup jijai do ngen Allah, ngen Allah idup jijai do ngen ite.

WAHYU 19:11

Sesudo'o uku kemliak surgo tukok, lajau keten dikup kudo putiak. Gen de mbinne adeba De Setia ngen De Benea. Si adea lem mok keputusan ukuman ngen lem peperangan de nea-Ne.