1 KORINTUS 1:7 - JANJAI BLAU Lem Bahaso Jang Bebilai

⁷ sehinggo udi coa ku'ang jejano lem karunio jano bae sementaro udi mbot Tuhante Yesus Kristus teko ngen kenliak kute tun.

1 KORINTUS 1:7 ပူးပေါင်းရင်းမြစ်များ

MATIUS 25:1

“Amen Anok Manusio teko utuk meriteak, de umpamo awei yo: Ade puluak semulen pengapit pengaten masing-masing tobo'o mok lapu. Lajau lalau semsung pengaten semanei.

LUKAS 12:36

Lokba udi serai awei tun-tun de mbot tuanne de belek kunei pesta nikeak, supayo amen si belek ngen kemtuk bang, segro nukokba bang bagiakne.

LUKAS 17:30

Awei'oba halne keadaan pado bilai konyo, neak ipe Anok Manusio kemten dirai-Ne.

ROMA 8:19

Sebab ngen kembiak indau kute makhluk mbot waktaune anok-anok Allah kenten.

ROMA 8:23

Ngen iso cuma tobo'o bae, tapi ite de sudo temimo karunio pertamo Roh Allah, ite kulo gerunyam lem atei ite samo mbot pengangkatan sebagai anok, adeba pembebasan awok ite.

1 KORINTUS 4:5

Kerno o, jibeakba mukum ayok waktaune, mbotba sapei Tuhan teko be. Allahba de bakea mukok kute resio-resio de coa keten lem kegelapan. Allahba de bakea mukok kute niat de tependam lem atei manusio. Pado waktau o baruba tiep tun temimo kunei Allah de patas tenimone.

2 KORINTUS 12:13

Lem hal jano udi ku'ang coa denulai, mbanding ngen jemaat-jemaat de luyen? Paling-paling cuma lem hal yo, bahwo uku coa jijai beban udi. Uku minoi maaf das saleak o.

GALATIA 5:5

Sebab ngen roh, ngen kerno imen, ite mbot pembenaran de ite ma'ep.

FILIFI 3:20

Tapi ite adeba warga negara surgo. Kunei diba kulo ite mbot Tuhan Yesus Kristus sebagoi Juruselamat.

KOLOSE 3:4

Nah, sumber idupnu de sejati adeba Kristus ngen amen Si keten be udi kulo bakea keten besamo-samo ngen Si lem kebesaran-Ne!

1 TESALONIKA 1:10

Tobo'o miling kulo tetang awei ipe udi ma'ep tekone Anok Allah kunei surgo, adeba Yesus, de sudo nidup Allah kunei matei. Yesus do'oba kulo de semlamat ite kunei hukuman Allah de bakea teko.

2 TESALONIKA 1:7

Ngen udi de uyo yo saro – aweai o kulo ngen keme – Allah bakea melei kelegaan pado bilai Tuhan Yesus tu'un kunei surgo ngen kemten dirai-Ne ngen malaikat-malaikat-Ne de penuak kuaso

2 TIMOTIUS 4:8

Uyo bi seniap utuk uku kemenangan. Pado Bilai Kiamat, Tuhan, Hakim de adea o bakea semreak hadiah o ngen uku, kerno uku idup baik ngen Allah. Ngen iso uku bae de bakea temimo hadiah o, tapi kulo tun de kembiak indau mbot tekone Tuhan.

TITUS 2:13

Uyo ite gidong mbot Bilai de ite ma'ep o; pado Bilai o dunio bakea kemliak keagungan Yesus Kristus, adeba Allah Mahabesar ngen Rajo Penyelamat ite.

IBRANI 9:28

Awei o kulo Kristus debat bae senreak sebagai kurban utuk mapus duso tun dau. Si bakea teko igai keduai kilaine, iso utuk semlesei persoalan duso, tapi utuk semlamat tun-tun de mbot Si.

1 PETRUS 1:13

Sebab o lokba udi siap. Teateiba ngen maʼepba sepenuakne pado berkat de bakea nelei ngen udi pado waktau Yesus Kristus teko igai.

1 PETRUS 4:13

Malah, lokba udi meraso senang kerno milau menderita besamo-samo ngen Kristus. Mako konyo amen keagungan Kristus kenten, udi bakea bersukacita.

1 PETRUS 5:4

Pado waktau Gembala Agung o teko konyo, udi bakea temimo mahkota de gemilang, de coa bakea pudea kegemilanganne.

2 PETRUS 3:12

selamo udi mbot ngen indau tekone Bilai Allah. Pado bilai o lenget bakea abis tekembem, ngen kerno panesne, mako benda-benda neak lenget bakea ajua.

1 YOHANES 3:2

Saudaro-saudaro de tecito! Ite uyo adeba anok-anok Allah, tapi keadaan ite be ati jelas. Tapi ite namen bahwo amen Kristus teko, ite bakea jijai awei Si, sebab ite bakea kemliak Si lem keadaan-Ne de sebeneane.

YUDAS 1:21

ngen idupba terus neak lem naungan kasih Allah selamo udi mbot rahmat Yesus Kristus Tuhan ite, de bakea melei ngennu idup sejati ngen kekal.