1 KORINTUS 1:5 - JANJAI BLAU Lem Bahaso Jang Bebilai

⁵ Kerno udi bi sudo jijai de Kristus temuan, mako idup nu kayo lem kute hal. Pengetahuannu tetang kute hal kembiak lem, ngen udi pacok majea pengetahuan o.

1 KORINTUS 1:5 ပူးပေါင်းရင်းမြစ်များ

KISAH RASUL-RASUL 2:4

Tobo'o kute kenuaso Roh Sucai, ngen muloi miling lem bahaso-bahaso luyen, awei de nelei Roh'o ngen tobo'o utuk nadeak.

ROMA 11:12

Sebab amen pelanggaran tobo'o temuan tai kekayaan bagiak dunio, ngen kekurangan tobo'o kekayaan bagiak bangso-bangso luyen, lebiak-lebiak igai kesempurnaan tobo'o.

ROMA 15:14

Saudaro-saudaroku! Uku yakin bahwo ade dau hal de baik ngen ko. Udi kulo namen kekutene ngen dapet majea do ngen de luyenne kulo.

ROMA 15:4

Kute de tetulis neak lem Kiteb Sucai adeba utuk majea ite. Sebab pelajaran de ite temimo kunei Kiteb Sucai menea ite jijai tabah ngen kuet sehinggo ite dapet ma'ep ngen Allah.

1 KORINTUS 12:10

Ngen suang tun nelei kuaso utuk menea keajaiban, ngen de luyen nelei karunio utuk melei namen rencano-rencano Allah. Ngen de luyen igai Roh o melei kesanggupan utuk kemliak bedane karunio de kunei Roh Allah ngen de iso kunei Allah. Ade de nelei kesanggupan utuk miling ngen bebagoi bahaso de ajaib, ngen ade kulo de nelei kesanggupan utuk jemlas tai bahaso-bahaso o.

1 KORINTUS 12:8

Ngen de suang, Roh o melei kesanggupan utuk miling ngen kuaso. Ngen de luyen Roh de serai o melei kesanggupan utuk jemlas tetang Allah.

1 KORINTUS 13:2

Kunyau uku pacok semapei bito kunei Allah, ngen ngertai kute hal de saro, ngen namen kutene serto kembiak pecayo ngen Allah sehinggo dapet maliak tebo, tapi uku coa kemasiak tun-tun luyen, mako uku coa ade taine!

1 KORINTUS 13:8

Selalu ade waktau neak ipe tun perlu saling kemasiak. Uyo ade tun de pacok semapei bito kunei Allah, tapi konyo si bakea bedan semapei bito o. Uyo ade de pacok miling lem bebagoi bahaso de ajaib, tapi konyo si bakea bedan miling lem bahaso-bahaso o. Uyo ade tun de namen dau hal, tapi tobo'o bakea coa tinget jano de tobo'o namen.

1 KORINTUS 14:26

Jijai, Saudaro-saudaro, jano tai kutene o? Amen udi bekopoa utuk nyembeak Tuhan, ade nyanyi, ade ngajea, ade de melei namen sesuaktau kunei Allah, ade de miling lem bahaso de ajaib, ngen ade de jemlas jano de nadeak o. Tapi kutene o harusba nea utuk majea ngen kebaikan kutene.

1 KORINTUS 8:11

Kerno'o, mako imen Saudaro menea tun de imenne coa kuet'o jijai limau. Padohal Kristus matei utuk tun o kulo.

2 KORINTUS 4:6

Allah de madeak, “Lokba kunei kelem timboa te'ang,” Siba de menea te'ang-Ne becahayo neak lem ateite, supayo ite dapet te'ang kunei pengetahuan tetang kemulioan Allah de keten neak papea Kristus.

2 KORINTUS 6:10

Kunyau atei keme jijai sedih, tapi keme bogoa riang. Keme ketenne peset, tapi keme bi menea tun dau jijai kayo. Ketenne keme coa temuan jejano, tapi sebeneane temuan kute-kutene.

2 KORINTUS 8:7

Kerno o, uyo, serai awei udi kayo lem kute sesuaktau – lem imen, lem kecek, lem pengetahuan, lem sungguak-sungguak utuk mulung, ngen lem kasihnu teadep keme – awei oba kulo lokne udi kayo lem pelayanan kasih yo.

2 KORINTUS 9:11

Ngen awei o udi bakea serbo ade lem kute hal sehinggo udi bogoa dapet melei ngen mudeak atei. Ngen pelei-peleinu de keme magiak, sebab o dau tun madeak mokasiak ngen Allah.

EFESUS 1:17

ngen minoi ngen Allah Tuhante Yesus Kristus, Bapa de mulio, supayo Si melei Roh-Ne ngen udi. Roh o bakea jemijai udi bijaksano, ngen bakea kemnal Allah ngen udi sehinggo udi kemnal Si.

EFESUS 2:7

Allah nea o supayo pado zaman de bakea teko, manusio dapet kemliak padeak laine kasih Allah. Kasih o kenten Allah liwet kebaikan atei-Ne ngen ite liwet Yesus Kristus.

EFESUS 3:8

Neak antaro kute umat Allah, ukuba de kebiak hino. Tapi Allah melei karunio o ngen uku, utuk melei namen ngen tun-tun iso Yahudi Bito Baik tetang kekayaan Kristus de coa pakei abis,

EFESUS 6:19

Ngen bedu'oba kulo utuk uku, supayo pado waktau uku miling, Allah melei ngen uku kecek-kecek de benea, supayo uku ngen binai melei namen resio Bito Baik o.

FILIFI 1:9

Dioba du'oku utuk udi: semoga udi tambeak mengasihi Allah ngen sesamo lem pengetahuan de benea ngen pandangan de bijaksana.

KOLOSE 2:3

Kristusba de kemten kute kebijaksanaan ngen pengetahuan Allah de bel'o coa keten.

KOLOSE 3:10

Udi uyo bi nelei idup de blau. Udi adeba manusio blau, de gidong nea jijai blau terus menerus ngen Penciptane, adeba Allah, temurut betuk-Ne suang. Maksudne adeba supayo udi kemnal Allah ngen sempurno.

YAKOBUS 3:13

Amen neak antaro udi ade tun de bijaksana ngen baik, lokba si kemtenne ngen idup baik, menea hal-hal de baik, de senerto rendeak atei ngen bijaksana.

2 PETRUS 3:18

Lokba udi tambeak meding rahmat Yesus Kristus, Tuhan ngen Rajo Penyelamat ite, lokba udi kulo tambeak kemnal Si. Tepujaiba Si, uyo sapei selamo-lamone! Amin.